Европада миллий чемпионатларнинг навбатдаги мавсуми якунланар экан, «Олтин бутса» соврини учун икки даъвогар яққол ажралиб қолди.
Булар — «Барселона» сардори Лионель Месси ва «ПСЖ» ҳужумчиси Килиан Мбаппе. Мбаппенинг Франция чемпионатидаги голлари сони 32тага етди.
Месси эса Ла Лигада 36та гол урди. «Олтин бутса» совринини сўнгги икки йилда Месси қўлга киритган. Ушбу совринлар бўйича ҳам Лионель рекордчи ҳисобланади — 5 марта (Роналду ҳисобида 4та «бутса» бор).
Демак, аргентиналик футболчи ушбу мавсумда олтинчи «Олтин бутса»ни ўз музейига қўшиб қўйиши мумкин. Мбаппе мазкур соврин учун охиригача курашишини айтди. «Ҳа, «Олтин бутса» учун курашаман.
Менда ҳали 90 дақиқа бор, ҳеч нарса йўқотилгани йўқ», — деди 20 ёшли футболчи. Агар у Мессини ортда қолдирмоқчи бўлса, Франция чемпионатининг сўнгги турида «Реймс» дарвозасига камида 5та гол уриши керак.
Матнда хатолик топсангиз, ўша хатони белгилаб, бизга жўнатинг (Ctrl + Enter).