Голландия терма жамоаси футболчилари «Миллатлар Лигаси» финалида Роналду бошчилигидаги Португалия терма жамоаси билан тўқнаш келишидан хабарингиз бор. Финал олдидан «лолар юрти» вакиллари томонидан Роналду ҳақида билдирилган фикрлар билан қизиқдик
Роналд Куман
Илк ярим финалда Шветсария терма жамоаси учрашувни кучлироқ бошлаган эди. Шунга қарамасдан Роналду яна бир бор супер футболчи экналигини исботлаб берди. Биз Португалияга қарши кечадиган баҳсда рақибларни тўпсиз қолдиришга харакат қиламиз. Агар тўп бизда бўлса, Роналду бизнинг дарвозамизга яқин кела олмайди.
Френки де Йонг
Биз доимо елкама-елка ҳаракат қиламиз ва ҳеч қачон таслим бўлмаймиз. Биз Ангилия термасини мағлубиятга учратишдан аввал ҳам иродали ғалабаларни қўлга киритганмиз. Рақибларимиз сафида бир нечта кучли футболчилар жамланган. Уларнинг ярим финалдаги ўйинларини озгина томоша қилдим. Роналду бир ўзи жамоасини финалга олиб чиқди. Шундай экан, уни учрашув давомида яхшилаб қўриқлашимиз шарт.
Ван Де Бек
Роналду чинакам йиртқич. У рақиб ҳимоясини ёриб ўтиш борасида профессор десам, адашмаган бўламан. Унинг икки футболчи ўртасидан ҳам осонлик билан ёриб чиқишини кўп бор гувоҳи бўлганмиз. Мен аввал ҳам Кришга қарши майдонга тушганман ва ижобий натижани қўлга киритганман. Энди бу ишни яна такрорлашим зарур, фақат терма жамоам сафида. Роналду тенгсиз футболчи, бироқ Португалия «Ювентус»дан кучсизроқ!
Виржил ван Дейк
Португалия деганда кўпчиликнинг ҳаёлига биринчи навбатда Роналду келиши турган гап. Шундай бўлсада, Португалия фақат Роналдудан иборат эмас. Унинг сафида кўплаб кучли футболчилар мавжуд. Боз устига мураббий улардан ажойиб фойдаланмоқда. Тўғри, у Шветсария дарвозасини 3 бор ишғол қилди, лекин ишонч билан айтишим мумкин у бизнинг дарвозамизга учта гол ура олмайди. Биз унга қарши қандай учрашув ўтказишни яхши биламиз. Терма жамоамиздаги йигитларнинг аксарияти унга қарши майдонга тушишга муваффақ бўлган. Бу томошабоп финал бўлишига шубҳам йўқ. Учрашувни сабрсизлик билан кутяпман. Биз терма жамоа либосини кийишимиз билан бу совринни бошимиз узра баланд кўтариш ҳақида ўйлаяпмиз. Бир қарашда бу учрашувда фоворит йўқдек туюлар, аммо биз чемпионликка кўпроқ ҳақлироқдек кўринмоқдамиз, деб ҳисоблайман.
Матнда хатолик топсангиз, ўша хатони белгилаб, бизга жўнатинг (Ctrl + Enter).