Ушбу рукндаги қизиқарли маълумотлар билан ўртоқлашишда давом этамиз.
«Манчестер Юнайтед» ўз футболчисидан қутулмоқчи
«Қизил иблилсар» Маркос Рохони сотиб юбориш ниятида уни трансфер маркетга қўйди. Аргентиналик ҳимоячининг тахминий трансфер қиймати 25 миллион еврони ташкил этади.
Ҳозирда «кўҳна қитъа» клублари орасида уни сотиб олишни истайдиган харидорлар топилсада, футболчининг баланд маоши туфайли уни харид қилишдан бош тортишмоқда. Ҳимоячи «Манчестер Юнайтед» клубида йилига 8 миллион евро маош олади.
«Манчестер Юнайтед» ўз футболчисини бир нечта Хитой клубларига таклиф қилган бўлсада, футболчининг ўзи клубдан кетмоқчи эмас. Агарда вазият шу кўринишда давом этса, Рохонинг келажаги сўроқ остида қолади!
АПЛга қайтганлар кураши
Бу мавумда узоқ кутилган элитадан тўп суриш бахтига муяссар бўлган «Шеффилд Юнайтед» «Бренфорд» клуби ҳужумчиси Нила Мопени ўз сафига қўшиб олиш учун курашга киришди. 22 ёшлик француз учун АПЛга қайтган яна бир клуб – «Астон Вила» ҳам кураш олиб бораётган эди.
«Бренфорд» ҳужумчисини 16,5 миллион атрофида баҳоламоқда.
Якунланган мавсумда футболчи 43 та учрашувда майдонга тушиб рақиблари дарвозасини 25 бор ишғол қилди ва 9 та ассист қайд этди.
Маълумот ўрнида шуни айтиш жоизки, «Шефилд Юнайтед» клуби бундан бир неча кун аввал ўз сафини собиқ «Эвертон» футболчиси Фил Жагаэлка билан тўлдириб олди.
Леонардо Неймарни танқид қилди
«ПСЖ» клуби спорт директори Леонардо Неймарни сотиб юбориш борасида илк бор расмий баёнот билан чиқди. Унда қуйидаги сўзлар битилган эди:
“Душанба куни Неймар машғулотларга келиши керак эди, лекин биз уни машғулотларда кўрмадик. У етиб келиши шарт эканлигини жуда яхши билар эди. Биз унинг қилган иши учун керакли чораларни қўллаймиз.
Неймар бу иши билан клубдан кетгиси борлигини намоён қилдим деб ўйлаётган бўлса, адашади. Бу ўзи шундоқ ҳам ҳаммага маълум бўлиб улгурди. Биз сўнгги чора сифатида у ва унинг атрофидагилар билан музокалар ўтказишга ҳаракат қиламиз. У биз билан 3 йиллик шартномаси борлигини унутмаслиги зарур. Энг қизиғи шундаки, унга бирорта клуб таклиф билан чиққанича йўқ.
Агарда қайсидир футболчи бошқа клубга ўтишни истаса, бу нормал холат, лекин унинг машғулотларга келмаслигини кечириб бўлмайди. Менинг жахлимни чиқарган нарса ҳам айнан шу!
Неймар борасида бирорта жиддий таклиф келиб тушганича йўқ. Тўғри, «Барселона» билан оғзаки суҳбат қурдик, лекин бу ҳеч нарсани англатмайди.
«Бавария» ҳимоячи сотиб олмоқчи
Мюнҳеннинг «Бавария» жамоаси «Монако» клуби ҳимоячиси саналадиган Бенжамин Хенриксни харид қилиш ниятида.
Қанот ҳимоячиси асосий таркибдаги жойини бой бериб қўйгач, заҳирадан ўрин олиши мумкин. Гап шундаки, француз клуби Бенжаминнинг позициясига Рубен Агиларни харид қилди ва кейинги мавсумда айнан шу футболчига ишонч билдиришни ният қилган.
«Бавария» ҳимоячи учун 25 миллион евро таклиф қилган бўлсада, «Монако» ўз футболчисини 35 миллиондан камига сотмаслигини эълон қилди.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
