Миржалол Қосимов бошчилигидаги АГМК жамоаси бугун Суперлиганинг иккинчи даврасига киришади.
Бекободда "Металлург" меҳмони бўладиган жамоамиз кеча ўйинолди расмий машғулотни ўтказди.
Янги келиб қўшилган футболчилар аллақачон жамоанинг ички муҳитига мослашиб кетишган. Байдуллаев, Григалашвили, Касминин ва Зонич катта иштиёқ билан машғулотларда қатнашишмоқда. Қисқа қилиб айтганда, "Металлург"га қарши баҳс олдидан жамоадаги кайфият жойида. Аъло муҳит ҳукмронлик қилмоқда.
АГМК таркибига янги келиб қўшилган Эркин Байдуллаев "Металлург" билан бўладиган учрашувда сариқ карточкаралари сони тўртта бўлгани, яъни дисквалификация туфайли иштирок этолмайди.
Андрей Шипилов бошчилик қилаётган бекободликлар ўтказилган охирги 6та расмий учрашувлардан буён ғалабасиз серияни давом эттирмоқда. Чемпионат доирасида эса "Металлург" сўнгги бор ўз уйида "Қўқон-1912"ни мағлуб этишни уддалаганди. "Металлург" чемпионат доирасида Бекободдаги сўнгги учта беллашувда ("Локомотив", "Бунёдкор", "Насаф") рақиб дарвозасига йўл топишни ҳам уддалай олмаяпти.
"Металлург" таркиби давралар оралиғида деярли ўзгаришсиз қолди. Шипилов мавжуд таркиб ўзагини сақлаб қолишга эришди.
Бу турдаги рақибимиз айни пайтда Суперлига турнир жадвалида 14 очко тўплаган ҳолда 9-ўринни эгаллаб турибди. Эҳтимолий ғалаба орқали АГМК мазкур тур якунида "Металлург"дан ўтиб кетиш имкониятига эга.
Бугунги ўйинни Шавкат Насибуллаев бошчилигидаги ҳакамлар гуруҳи бошқаради. Жорий мавсум ушбу ҳакам жамоамиз иштирокидаги бир учрашувда ишлашга улгурганди. Лига Кубоги доирасидаги "Бунёдкор"га қарши беллашувда ҳакамлик қилган Насибуллаев чемпионат тарихида илк бор АГМК иштирокидаги учрашувда ишлайди.
Тошкент вилояти дербисида жамоамиз сариқ рангли либосда ўйнайди. Майдон эгалари эса оқ-қора рангли либосларда майдонга тушишади.
Ўзаро ўйинлар тарихи:
- Тошкент вилояти дербисида "Металлург" ва АГМК чемпионат доирасида 23 маротаба тўқнаш келишган. Ўтказилган учрашувларда 11 ғалаба АГМК ҳисобига, 10 ютуқ "Металлург" номига ёзилган. Қолган 2 беллашувда эса ғолиб номи аниқланмаган. Тўплар нисбати 43-45, АГМК фойдасига.
Бекободда ўтган барча ўйинлар:
2008 йил: Металлург – АГМК – 1:1
2009 йил: Металлург – АГМК – 3:2
2010 йил: Металлург – АГМК – 1:0
2011 йил: Металлург – АГМК – 4:3
2012 йил: Металлург – АГМК – 4:3
2013 йил: Металлург – АГМК – 2:1
2014 йил: Металлург – АГМК – 3:2
2015 йил: Металлург – АГМК – 4:2
2016 йил: Металлург – АГМК – 4:2
2017 йил: Металлург – АГМК – 3:2
2018 йил: "Металлург" - АГМК– 0:1
Суперлига, 14-тур.
27 июль, шанба.
“Металлург” – АГМК (20:00, Спорт канали LIVE)
Ҳакамлар: Шавкат Насибуллаев, Равиль Шояхмитов, Тимур Галеев, И. Исмоилов.
Назоратчи: Константин Смирнов
Комиссар: Зоҳир Акрамхонов
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
