Ушбу рукндаги энг сўнгги янгиликлар билан таништиришда давом этамиз.
«Милан»га «Тоттенҳем» футболчиси керак
Миланнинг «Милан» жамоаси Ангилиянинг «Тоттенҳем» клуби ҳимоячиси Серж Ориени ижарга олишни истамоқда.
«Тоттенҳем» ҳимоячини «Вест Ҳем»га сотиб юборишга урунган бўлсада, бу трансфер амалга ошмаган эди. «Шпорлар» Миландан тушган таклифни катта эҳтимол билан рад этишса, ажаб эмас. Агарда «Милан» сотиб олиш шарти билан футболчини ижарага олсагина, Серж “Милан футболчисига айланиши мумкин. Воқеалар ривожини кузатишда давом этамиз.
«Ювентус» Икардидан воз кечди
Турин супер клуби «Интер» ҳужумчиси Мауро Икардини қўлга киритиш учун ҳаркатларни бошлагани ҳақида хабар берган эдик.
Милан шаҳри жамоаси ўз ҳужумчисини сотиб юборишга урунаётган бўлсада, ўзининг азалий рақиби «Ювентус»га уни қўйиб юборишни истамаяпти. «Интер» Икардини фақатгина Дибала билан айрбошлашини, бошқа ҳеч қандай таклиф жамоани қониқтирмаслигини эълон қилди.
Эндиликда «Ювентус» бор эътиборини «Лион» клуби ҳужумчиси Мусса Дембелега қаратмоқчи.
Эслатиб ўтамиз, Дембеле билан бу мавсумда «Манчестер Юнайтед» клуби жиддий қизиққан бўлсада, унинг трансфери амалга ошмай қолган эди.
«Зенит» тўхтамаяпти
Россиянинг «Зенит» жамоаси голландиялик ҳужумчи Бас Дост трансферрини амалга ошириш ишларини бошлаб юборди”,-деб хабар бермоқда «Readfootball» нашри.
«Спортинг» клуби ўз ҳужумчисини 20 миллион еврога эвазига қўйиб юборишга тайёр эканлигни расман эълон қилди.
Ҳозирда футболчи учун курашда Туркия, Мексика ва Хитой клублари ҳам кураш олиб бормоқда.
Бас Достнинг клуб билан тузган шартномаси 2021-йилга қадар мўлжалланган бўлиб, «Спортинг» уни катта эҳтимол билан ушбу трансфер ойнаси ёпилгунига қадар сотиб юборади.
«Барселона» италиялик ҳимоячига қизиқиб қолди
Каталония клуби Италиянинг «Ювентус» жамоаси ҳимоячиси Даниел Руганини қўлга киритишни режа қилмоқда.
«Барселона» марказий ҳимоячилар борасида муаммога учрагани боис, трансфер ойнаси ёпилишидан аввал Руганини сотиб олишга харакатни бошлади.
«Барса» шу кунларда футболчи учун 30 миллион евро тўлашга тайёр эканлиги борасида испан нашрлари хабар бермоқда.
Футболчининг ўзи ҳам айнан «Барселона»да тўп суришни истамоқда. Футболчининг агенти Даниел кичикроқ маош таклиф қилинсада, айнан «Баселона» сафида тўп суришни истаётгани ҳақида айтиб ўтди.
Эслатиб ўтамиз, Ругани борасида куни кеча «Рома» ҳам таклиф билан чиқди. Унга кўра, Рим жамоаси ҳимоячини 5 миллон евро эвазига ижарага олишни ва мавсум сўнгида яна 25 миллион евро тўлаб уни тўлиқ сотиб олишни истамоқда.
«Наполи» Аллан борасида қарор қабул қилди
Бундан аввалроқ хабар берганимиздек, «Атлетико Мадрид» жамоаси «Наполи» ярим ҳимоячиси Аллани ўз сафига қўшиб олиш учун 70 миллион таклиф қилган эди.
Бугун Италияли клуби футболчи борасида якуний қарорни эълон қилди. Унга кўра, бразилиялик футболчи «Наполи» сафида қоладиган бўлди ва тез орада у билан янги шартнома имзоланадиган бўлди.
Эслатиб ўтамиз, шахсан Диего Симионенинг ўзи Аллани «Манчестер Сити»га ўтиб кетган Родрининг ўрнинбосар сифатида харид қилмоқчи эди.
Ловерен «Рома»га ўтамайдиган бўлди
«Ливерпуль» клубининг хорватиялик ҳимоячиси Деян Ловрен «Рома» сафига ўтмайдиган бўлди.
Аслида икки клуб футболчининг келажаги борасида якуний қарорни қабул қилган ва тез орада Ловрен Римга йўл олиши лозим эди. «Рома» футболчини сотиб олиш шарти билан 3 миллион ево эвазига ижарага олиши ва ижара сўнггида яна 12 миллион евро тўлаши керак еди.. Бундан ташқари, Ловерен «Ливерпуль»даги 4,2 миллион йиллик маошини 3 миллионга камайтирилишига ҳам рози бўлганди.
Футболчи «Рома» клубидан ўз траснфери ортидан бонус сифатида 1 миллион евро ишлаб олишни мақсад қилган ва айнан шу мақсад ҳаммасини ўзгатириб юборди.
Афсуски, «бўрилар» футболчи ва унинг агенти томонидан қўйилган шартга кўнмади ва траснфердан воз кечди. «Le Gazzeta Della Sport» нашрининг хабар беришича, «Рома» жамоасининг шу кунга қадар бирорта трансфер сўнгги босқичда барбод бўлмаган эди ва бу биринчиси сифатида тарихда қолади.
«Интер» яна бир «Манчестер Юнайтед» футболчиси ҳарид қилмоқчи
Антонио Конте «Интер» клуби раҳбарларидан трансфер ойнаси ёпилгунига қадар яна бир ҳужумчи сотиб олишларини талаб қилмоқда.
Мураббий ўз вариянти сифатида «Манчестер Юнайтед» ҳужумчиси Алексис Санчесни кўрсатмоқда.
Чилилик футболчи «қизил иблислар»нин ўйин фалсафасига мос келмагани боис, «Манчестер Юнайтед» футболчи борасидаги исталган таклиф учун очиқ эканлигини эълон қилганидан хабарингиз бор.
Клубда энг катта маош олувчи футболчининг ўзи эса, «Рома»дан тушган таклифга рад жавобини берган бўлсада, «Интер» томонидан билдирилган таклифни ўйлаб кўришга тайёр эканлигини эълон қилди.
Эндиликда «Интер» ёки Алексиснинг йилига 20 миллион еврога тенг бўлган маошини тўлаб бериши лозим бўлади, ёки уни сотиб олади ва маоши камайтирилган узоқ муддатли шартноман таклиф қилади. Умуман олганда, анчагина қизиқ холат юзага келмоқда. Воқеалар ривожини кузатишда давом этамиз.
«Аякс» ҳужумчиси нишонда турибди
Голланидянинг «Аякс» клуби ҳужумчиси Каспер Долберг бир йўла икки клубнинг траснер нишонида турибди.
Бу жамоалардан бири «Бавария» бўлса, иккинчиси «Нитса» жамоаси. Футболчининг ўзи ўйин амалиётига эга бўлиш мақсадида бошқа клубга ўтишга рози.
«Аякс» уни ижарага беришдан бош тортди ва футболчининг трансфер нархини 18 миллион еврога кўтариб қўйди.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
