Замонавий футболда мураббийларнинг тутган ўрни беқиёс. Дарҳақиқат, айнан улар тарғиб қиладиган ўйин фалсафаси жамаонинг натижаларига тўғридан-тўгри таъсир ўтказади. Натижалар кўнгилдагидек бўлмаса, демак жамоа мураббийи ўз ўрнини бошқасига бўшатиб бериши мумкин. Сезганингиздек, бугун истеъфоси яқин бўлиб бораётган мураббийлар ҳақида сўз боради.
Зидан
Қанчалар ғалати туюлмасин, бироқ Зиданнинг истеъфоси тобора яқинлашмоқда. Мураббий жамоасига 3 бор ЕЧЛ ғолиблигини тақдим этган бўлсада, бу «Реал Мадрид» жамоаси ва у ерда ҳамма нарса бўлиши мумкин.
Зидан жамоага қайтганидан сўнг, деярли ҳеч нарса ўзгаргани йўқ. У ҳали-ҳамон эски таркибга суянмоқда. Жамоанинг ёш футболчилари эса, ёзда клубни тарк этди. Мухлислар эса, Зиданнинг ғалабари замирада Роналдунинг меҳнатлари ётганини тобора кўпроқ хотирлашмоқда. Янги мавсумда Зидан ва Перез ўртасида жанжаллар юз бергани ҳеч кимга сир эмас. Перез Погбани ҳарид қилмади, Ҳамес ва Бейлни таркибда олиб қолди. Шу йўсинда клубда кимнинг сўзи ўтишини оммага кўрсатиб қўйди. Агарда воқеалар шу темпда кетса, Зидан «Реал Мадрид»да узоқ қолмаслиги аниқ. «Goal 24» нашри тарқатган хабарларга кўра, Жозе айнан Зиданнинг ишдан кетишини кутмоқда. Мураббий «Реал Мадрид»дан таклиф кутгани боис барча таклифларни рад этмоқда. Кўрамиз, воқеалар ривожи қандай кўриниш олади.
Эрнесто Валверде
Эрнесто икки бор шармандали мағлубиятлар сабабли ЕЧЛдан чиқиб кетган бўлсада, унга клуб ишонишда давом этмоқда. Шунга қарамай мураббийнинг камчиликлари жуда кўп. Унинг қўл остида академиядаги ёшлар янги даржага кўтарила олмаяпти, клубга келган янги футболчилар эса умуман мослаша олмаяпти, бутун жамоанинг ўйини Месси атрофида қурилгани боис, аргентиналик иштирок этмаган учрашувларда жамоа ўзини йўқотиб қўймоқда. Умуман олганда, Валверде учун бу сўнгги имконият. Клуб унинг илтимосига биноан янги мавсум учун кучли футболчиларни ҳарид қилди. Агарда, натижа ва ўйин янги даражага кўтарилмаса, мураббий мавсум сўнгига қадар ҳам етиб бормаслиги мумкин.
Нико Ковач
«Бавария» жамоаси унинг қўл остида ўтган мавсумда қийинчилик билан чемпионликка эришган бўлса, янги мавсумдаги «супер кубог» баҳсида «Боруссия Дортмунд»дан қаҳшатқич зарбани қабул қилиб олди.
Нико Ковач тарғиб қилаётган футбол клуб мухлислари томонидан зерикарли деб аталсада, унинг машғулотларда ёрдамчилари билан хорват тилида сўзлашаётгани ҳамманинг ғазабини келтирмоқда. Шунга қарамай Раҳбарият унга ишонишда давом этмоқда. Жамоанинг аввалги даржасига чиқиши учун ёзда клуб бир нечта супер ҳаридларни амалга оширган клуб Ковачга сўнгги имкониятни тақдим этмоқда.
Агарда, натижалар немислар кутганидек бўлмаса, Нико Ковач тез орада ўз ўрнини бўшатиб беришига тўғри келади. Унинг ўрнини эгалаши мумкин бўлган бир нечта ёш ва иқтидорли мураббийлар мавжуд.
Томас Тухел
Кўплаб ғарб нашрларининг ёзишича, Томас топ мураббийлар сирасига кирмайди. Тўғри у юлдуз футболчилар учун майдонда позиция танлашда адашмаслиги мумкин, бироқ ўйин пайтида вазиятни тубдан ўзгартириб юбора оладиган даражда маҳоратли эмас. Айниқса, ўтган мавсумда «Манчестер Юнайтед»дан қабул қилиб олинган мағлубиятнинг бош сабабчиси ҳам айнан Тухел экани ҳеч кимга сир эмас.
Унинг Франциядаги ютуқлари эса, рақобатсизлик маҳсули деб баҳоланмоқда. Бундан ташқари, ПСЖ клубининг юлдузлари мураббийни деярли ҳурмат қилишмайди ва унинг кўрсатмалари ҳар доим ҳам амалда қўлланилмайди. Боз устига, клубдаги ички муҳит ачинарли холатга келиб қолган. Агарда клуб ЕЧЛдаги ўйинларда ўзини кўрсата олмаса, Томас Тухелни клубда олиб қолишдан ҳеч қандай наф йўқ.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
