Бундан бир неча йил илгари янги Месси бўлиши таҳмин қилинаётган Стефан Эл Шаaрави Хитойга йўл олганидан хабарингиз бор. Бутун Италия футболини янги даражага олиб чиқиши кутилган футболчи 26 ёшидаёқ гранд клублар эътиборидан қолди ва пул ишлаш мақсадида Чин юртига йўл олди. Бугун у cингари эрта сўнгган юлдузлар ҳақида сўз боради.
Боян Киркич
Ўз вақида “Барселона” академиясидаги мураббийлар томонидан мақтовларга лойиқ топилган, Католония клубининг янги юлдузига айланиши кутилган Киркич катта футболда ҳеc нарсага эриша олмагани жуда ачинарли. Ваҳоланки, унда кучли футболчи бўлиб етишиш учун барча имкониятлар мавжуд эди. Афсуски, ОАВ ва мухлислар томонидан ўтказилган босимга дош бера олмаган футболчи жуда қийин аҳволда қолиб кетади. Киркичнинг ўзи ўша даврлар ҳақида қуйидагича хотирлайди: “Йодимда, “Барселона”даги дебют учрашувидан сўнг, ўз ҳонамга қамалиб олиб узоқ ўтирган эдим. Неадир қалтирар, ҳеч нарсани ўйлагим келмас эди. Кейинчалик шундай холат яна қаяланишидан қўрқиб Испания терма жамоасидан тушган таклифни рад этдим ва Евро 2008 мусобақасини уйда томоша қилдим. Баъзан оша даврларда катта босим бўлмаганида барчаси ўзгача бўлар эдими деб ўйлаб қоламан.”
Дарҳақиқат, Киркич ўз ўйинини тиклаб олиш учун бир нечта клубларда ижара асосида тўп сурган бўлсада, ўзидаги қўрқувни енга олмади ва ўртамиёна футболчига айланиб қолди.
Икер Муньяин
“Атлетико Билбао”нинг Европа Лигаси мусобақасидаги ажойиб ўйиналари эвазига кўзга ташланган Икернинг келажакда топ футболчи бўлиб етишишга ҳеч ким шубҳа қилмаган эди. Афсуски, тақдир уни оғир синовлар билан синади. Жуда эрта катта юкламаларни олишга мажбур бўлган футболчи 20 ёшга тўлмасдан туриб бир неча бор жиддий жароҳатлар олади ва ўйин амалиётисиз қолиб кетишга мажбур бўлади. Футболчи жароҳатлардан фориғ бўлган бўлсада, ўзининг аввалги даражасига чиқа олмади. Ҳозирда 27 ёшни қаршилаётган футболчи асосий таркибда ҳар доим ҳам кўриниш беравермайди. Бундан ташқари, қаҳрамонимиз шу кунга қадар бирорта мавсум давомида 10 та гол киритишнинг уддасидан чиқа олмади.
Федерико Македа
Алекс Фергуссоннинг ёқимтойларидан бири сифатидагина хотирамизда қолган футболчнинг фолиайтини жуда ёрқин бошлаган эди. Ўзининг дебют учрашувидаёқ рақиб дарвозасини ишғол этган Македа секин-аста заҳирадан ўйинларга қўшилар, барчанинг эътибор марказида эди. Кейинчалик ўз фурсатини кутишни истамаган Македа Италияга ижара асосида йўл олади ва бир мавсумдан сўнг ортга қайтади. Афсуски, шу бир мавсум давомида йиғилган ортиқча вазн ва йўқолган тезлик унга панд беради. Фергуссон футболчини тинимисиз ижара асосида турли клубларга жўнатаверади…
Ҳозирда 27 ёшлик футболчи Гретсия чемпионатидаги “Панатинайкос” клубида Заҳира ўриндиғидан жой олган. Унинг трансфер қиймати ҳам атиги 800 минг еврони ташкил этади.
Жовани Дос Сантос
Яна бир “Барселона мактабидан етишиб чиққан супер иқтидор эгасининг ҳам тақдири барча кутганидек кўриниш олгани йўқ. 13 ёшида Католонияга кўчиб келган футболчи ёшлар орасида тенгсиз бўлсада, асосий жамоага ўтгач ўзини йўқотиб қўйди. 17 ёшидаёқ дебют учрашувида майдонга тушган мексикалик футболчи янги Анри бўлиши таҳмин қилинган эди. Афсуски, Гвардиола футболчининг имкониятларига паст баҳо берди ва унинг “Тоттенҳем”га ўтиши учун қаршилик қилмади. Мексикалик футболчи Лондонда ўзини умуман йўқотиб қўйди. Бирорта ҳам гол киритишнинг уддасидан чиқмаган қаҳрамонимиз, 3 та клубда ижара асосида тўп сурди ва яна Испанияга қайтди. 26 ёш бўлишига қарамай ҳозирда у МЛСда тўп сурмоқда. Тўғри, у МЛС юлдузларидан бири саналади, лекин агар “Барселона” сафида ўзини кўрсата олганида, ҳозирда бирорта топ клубда еткачилик қилиши мумкин эди. Афсуски бу футбол ва бу спортда олдиндан ҳеч нарсани таҳмин қилиб бўлмайди.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
