Самаранинг «Крылья Советов» клуби ҳужумчиси Александр Соболев Россия терма жамоасидан олган таклифи ва терма жамоа бош мураббийи Станислав Черчесов билан бўлган суҳбат ҳақида гапириб берди.
— Терма жамоадаги машғулотлардан тасаввурларингиз қандай?
— Ҳаммаси ажойиб! Жамоадагилар илиқ кутиб олишди, кайфиятимиз аъло. Ҳаммаси ижобий.
— Ким билан кўпроқ суҳбатлашдингиз? Машғулотларда кимдандир ўрнак олгандирсиз?
— Кўпчилик футболчилар билан гаплашдим, аста-секинлик билан ҳамма билан танишиб чиқдим. Ҳеч ким билан алоҳида машғулот ўтказмадим. Машғулотлардан кейин қолиб, дарвозага зарба бердик. Ионов, Лунёв ва Жанаев билан биргаликда FIFA ўйнадик.
— Черчесов билан алоҳида суҳбат бўлдими?
— Терма жамоага қўшилишим биланоқ у билан гаплашдим. У мендан кайфиятим, тайёргарлигим ҳақида сўради. Суҳбатимиз шу бўлди холос. Биринчи марта терма жамоада эдим, янги коллектив. Мен ҳатто майдонга тушишимни ўйламадим ҳам. Терма жамоадагилар билан танишиб олиш ва кўникиб олишим керак эди. Терма жамоа мураббийлар штабидан ҳафа бўлишим керак эмас.
— Терма жамоадан клубингизга қайтганингиздан кейин ўзингизни кучлироқ ҳис қиляпсизми?
— Йўқ, ҳаммаси аввалгидек. Машғулот олиб боряпман, ишлаяпман, яқин кунларда ўйинимиз бор.
— Терма жамоадан таклиф бўлган пайтда сиз овқатланаётгандингиз. Терма жамоадан таклиф олиш учун овқатланиш керакми?
— Овқатланиш эмас, ишлаш керак (кулади). Терма жамоадан таклиф олиш учун тинимсиз меҳнат қилиш керак
22 ёшли Соболев жорий мавсумда РПЛ чемпионатида 12 та учрашувда майдонга тушиб, 10 та гол уришга муваффақ бўлди.
Матнда хатолик топсангиз, ўша хатони белгилаб, бизга жўнатинг (Ctrl + Enter).