АПЛ. Ҳакам VAR ёрдамида «Тоттенхэм» голини ҳисобга олди, таблода эса «No Goal» деб ёзилди (видео)
Англия чепионатининг 9-тури доирасида «Тоттенхэм» ўз уйида «Уотфорд»ни қабул қилиб, дурангга имзо чекди.
Учрашувнинг 6-дақиқасидаёқ меҳмонлар Абдулай Дукуренинг голи эвазига ҳисобни очишди. Баҳс тугашига 4 дақиқа қолганида эса Деле Алли ҳисобни тенглаштирди. Тўп дарвозадан ўрин олганидан кейин вазият видеотакрор ёрдамида текширилди.
Англиялик футболчи рақиб жарима майдони ичида тўпни эгаллаш пайтида тўпни кўкраги билан ўйнадими ёки қўли билан, деган саволга ойдинлик киритилди. Рефери Крис Кавана видеоёрдамчи ҳакам билан алоқа воситаси орқали гаплашганидан кейин голни инобатга олди. Аммо ўша заҳоти стадион таблоси "Якуний қарор: гол эмас", деган ёзувни намойиш қилди.
Видеотакрорда эса тўп Аллининг елкасига теккани кўринган эди.
Манба: sports.ru
Киритилди: 21:46, 19.10.2019. Ўқилди: 5237 марта. Фикрлар: 1 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Бўлимга тегишли қизиқарли хабарлар