Бугун Ноябрь ойининг 2-куни. Ортда қолган Октябрь ойи бизга кўплаб ажойиб учрашувлар ва чиойли голларни тақдим этди. Шундай бўлсада, ортда қолган ой давомида ўзига билдирилган ишончни оқлай олмган футболчилар ҳам мавжуд . Бугун ўтган ойни кўнгилдагидек ўтказа олмаган футболчилар ҳақида сўз боради.
Тибо Куртуа
ЕЧЛ доирасида «Брюгге»га қарши ўтган ўйинда «Реал Мадрид» дарвозасини қўриқлаган посбон учрашув олдидан ўзини яхши ҳис этмаган бўлсада, майдонга тушишга қарор қилди ва ўйин давомида қўпол хатоларга йўл қўйди. Гол ўтказиб юборгачгина заҳира ўриндиғидан жой олди. Куртуанинг омадсизилигини фақатгина бир учрашув билан боғлаш нотоғри бироқ, унинг ўзига бўлган ишончи йўқолиб қолганга ўхшайди. Мухлислар ва ижтимоий тармоқдаги босим футболчининг ўйинларига ўзининг салбиий таъсирини ўтказмай қолмаяпти. Агарда, Куртуа ўзини қўлга олмаса, ушбу мавсум дарвозабон учун энг омадсизи бўлиши ҳеч гап эмас.
Маттейс Де Лигт
Отоменди қанчалар урунмасин, ишончисз тўп суришда Де Лигтдан ўзиб кета олмади. «Динамо Загреб»га қарши учрашувда ўзини ҳар томонлама кўрсата олган ҳимоячи босимни енгиб ўтишга муваффақ бўлди. Ундан фарқли ўлароқ Маттейс Де Лигт барчани ҳайрон қолдиришда давом этмоқда. «Ювентус» ўтган ойда ўтказиб юборган 5 та голнинг 2 таси Де Лигтнинг «ҳизматлари» самараси десак, адашмаган бўламиз. Кўпчилик унинг майдондаги хатоларини тажрибасизликка йўймоқда, лекин Де Лигт янги жамоага кўникиб кетиши учун етарлича вақт берилди. Бундан ташқари, асосий таркибдан ҳам жой ажратилди. Афсуски, яратиб берилаётган имкониятлар ҳам голландиялик ҳимоячига камлик қилмоқда. Ортда қолган ой футболчининг кариераси давомидаги энг ёмони бўлди. Гап шундаки, ўйин давомида футоблчиларнинг фойдали ҳаракатларини ҳисоблаб борувчи сайтлар унга 10 баллик мезонда 6,6 балл қўйишди. Марказий ҳимоячи учун жуда паст кўрсатгич. Агарда Де Лигт ўзини қўлга олмаса, тез орада асосий таркибдаги ўрнини ҳам бой бериши мумкин.
Гранит Жака
«Арсенал» сардорига айланган футболчининг мухлислар билан жанжалга ўралашиб қолгани, унинг ўйинига салбиий таъсир ўтказган кўринади…
Аслида «Арсенал» жамоасида доимо кучли футболчилар сардорлик боғичига эгалик қилишган. Шундай бўлсада, эндиликда клуб сардорлик учун Жакадан бошқа номзод топа олмайдиган даражага етиб келди. Жака ўтган ойда «Арсенал»нинг нафақат майдондаги балки унинг ортидаги муаммоларига сабаб бўлгани ҳеч кимга сир эмас. Фойдали ҳаракатлар сони бўйича Гундузидан деярли 2 баробар ортда қолаётган жамоа сардорининг руҳий холати ҳавас қилиб бўлмайди. Боз устига, ўтган ой давомида «Арсенал» айнан майдон марказидаги сусткашлик туфайли бир нечта гол ўтказиб юборди. Жамоани тўлиқ ҳужумчиларнинг маҳоратигина елкасида кўтариб юрибди.
Сусо
«Милан» жамоасининг сўнгги йиллардаги етакчиси негадир ўтган ойда «йўқолиб қолди». Теҳник томондан етук ва ажойиб узатмалар эгаси ой бошида «Лечче»га қарши ўйинда нақд 5 бор тўпни олдириб қўйди. Асосий таркиб футболчиси бўлишига қарамай, ҳар бир ўйинда ўртача 1,6 бор зарба йўллаётган қанот ярим ҳимоячисининг натижалар кескин пасйиб кетмоқда. Бундан бир йил муқаддам айнан шу кунга келиб, Сусо бир ўзи жамоани олдинга бошлаёган эди, бироқ унинг ҳозирда нафақат статистикаси, балки ўйинида ҳам пасайиш кузатилмоқда. Тўғри, ҳозир «Милан» жамоасининг ишлари юришмаяпти, бироқ ўйин сифати ва майдонни кўриш борасида футболчи оқсамоқда.
Пьер-Эмерик обамеянг
«Арсенал»нинг асосий ҳужумчиси қанчалар маҳоратли бўлмасин, ўтган ойнинг энг ёмон ҳужумчиси бўлди десак,адашмаган бўламиз. Бутун 1 ой давомида рақиб дарвозасига атиги 9 бор зарба берган габбонлик футболчи бирорта гол киритишга муваффақ бўлмади. АПЛнинг энг катта маош олувчи ҳужумчиларидан бири учун бунданда хунук кўрсатгич бўлмаса керак. Сонгги 5 йил давомида обамеянгнинг фаолиятида бундай қуруқ серия кузатилмаган эди.
Тўғри, бутун бошли «Арсенал»нинг ишлари юришмаяпти, лекин бутун бошли жамоанинг сўнгги зарбасини берувчи футболчининг бирорта гол кирита олмаганини қандай баҳолаш мумкин? Шундай экан, обамеянг ўтган ойда энг ёмон ўйин кўрсатган ҳужумчи десак, адашмаган бўламиз.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Шуҳрат Шокиржонов
Шерзод Ражабов
Қаҳрамон Асланов
