Москванинг «Локомотив» клуби бош мураббийи Юрий Сёмин «Ювентус» (1:2) қарши учрашувдан кейинги фикрлари билан ўртоқлашди.
- Албатта, ҳисобдан ғазабландик. Очко олишимиз, ҳатто ютишимиз керак бўлган ўйинда ютқаздик. Футболчиларга миннатдорчилик билдираман. Жуда яхши ўйин намойиш этишди. Уларни олдига қўйган барча вазифамизни бажаришди. Биринчи кутилмаганда ўтказиб юборган голимиз салбий таъсир кўрсатмади. Ўйлайманки, бугун мағлубиятга учраган бўлсакда, бу учрашув футболчиларимизга фаолликни оширишда ёрдам беради. Футболчилар трибунадаги ажиоташга миннатдорчиликни билдиришди. Яхши имкониятлар содир бўлганди, лекин озгина аниқлик етишмади. Мухлисларимизга яна бир бор раҳмат айтаман.
- Қандай қилиб ҳужум схемасида ўйнашга қарор қилдингиз?
- Шунчаки оддий. Майдонга бугунги кундаги энг яхши футболчиларимизни туширдим.
- Миранчук зйинни яхши ўтказди. Уни «Локомотив»да ушлаб қолиш қийин бўлса керак?
- У қаёққа кетиши керак? Агар «Ювентус» ёки «Барселона»га бўлса, бемалол. Унинг ака-укалари – бу «Локомотив». Лёшани мухлислар яхши кўради. У ўйиндан завф олмоқда. Антон ҳам шундай.
- «Локомотив» қолган учрашувларда ҳам кучлироқ ўйнайдими?
- Биз ҳар бир учрашувда кучли ўйин намойишга ҳаракат қиламиз. Тактикамиз футболчиларнинг ҳолатига қараб танланади. «Ювентус» билан ўтган сафарги учрашувда имкониятларимиз кам эди, бу сафар эса бошқа имкониятга эга бўлдик.“Ювентус” клубининг дунё миқёсидаги футболчиларига қарши якка курашларда тенгма тенг ҳаракат қилган шогирдларим учун хурсандман. Айтганча, “Динамо” (Киев)да ишлаган пайтимизда Дуглас Коста доим гол урарди.
- Гилерменинг хатоси сизни безовта қилмаяптими?
- У яна қачон бундай хатога йўл қўйди? Эслай олмайман. Гилерме бугун неча маротаба ёрдам берди? Асосийси уни безовта қилмади. Роналдунинг зарбасидан сўнг тўп қандай тезликда келганини кўринг. Роналдунинг жаримадан йўллайдиган зарбалари дунёнинг етакчи дарвозабонларини ҳам қийин ҳолатга солиб қўяди. Биринчи голдан сўнг йигитлар саросимага тушиб қолмагани хурсанд қилди мени.
- «Локомотив»ни Роналдуга қарши атайин тайёрладингизми?
- Биз Роналдуга эмас, “Ювентус”га қарши тайёргарлик кўрдик. Биринчи голни киритилишида Роналду катта ишни амалга оширди. Роналду ёмон ўйнамайди – ёки яхши ўйнайди, ёки жуда яхши ўйнайди. «Ювентус»нинг кейинги ўйинларида омад тилайман. ЕЧЛнинг финалида «Ювентус» ва «Атлетико»ларўйнашига тилакдошман, - Сёминнинг сўзларидан иқтибос келтирмоқда ФК «Локомотив» матбуот хизмати.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
