Ушбу мавсумда «Арсенал»ни сардор сифатида майдонга бошлаб тушган Гранит Жака атрофидаги жанжаллардан хабарингиз бор. Эътибор бериб қарасангиз, сўнгги 10 йил ичида «Арсенал» жамоасида бирорта капитан эркин фаолият олиб боргани йўқ. клуб мухлислари Тиери Анридан сўнг, жамоада бошлаган омадсизликлар сардорлага ҳам таъсир ўтказган деб ҳисоблашади. Хўш бу сўзларда қанчалар жон бор? Бугун ушбу мавзу атрофида сўз юритамиз.
Виллиам Галлас
Анри «Барселона»га ўтиб кетгач, клуб жамоа сардорлигини франциялик ҳимоячи Виллиам Галласга топширади. Марказий ҳимоячи бўлишига қарамай, 10-рақамни танлаган ҳимоячини клуб футболчилари жуда совуқ кутиб олишади. Гап шундаки, «Арсенал» ҳимоячини «Челси»дан Эшли Коулнинг трансферига бонус сифатида қабул қилиб олади. «Топчилар» Коулнинг «Челси» сафига ўтиб кетганидан фақатгина газета орқали хабар топишади ва Галласга нисбатан жуда йомон муносабатда бўла бошлайди. Орадан бир йил ўтиб Арсен Венгер ҳимоячини сардорликдан маҳрум этади. Гап шундаки, Галлас «Тоттенҳем»га қарши учрашувдан сўнг, кийиниш хонасида футболчилар билан очиқчасига муштлашиб кетибгина қолмай, ўша куни тунда барлардан бирида сигарета чекиб ўтиргани акс этган расмлар интернетда кўриниш беради ва клуб уни имтиёздан маҳрум этади.
Сеск Фабрегас
Кўп ўтмай жамоани дарвозабон Мануэл Алмуния сардорлик боғичи остида майдонга олиб тушган бўлсада, Арсен Венгер бу вақтинчалик қарор эканлигини тезда исботлаб қўйди. Мураббий ушбу вазифани «Арсенал»нинг янги авлод вакилларидан бирига топширишга қарор қилади ва 21 ёшлик Сеск Фабрегасни асосий планга олиб чиқади. Сеск қисқа муддатда топ даражадаги ярим ҳимоячига айланибгина қолмай, терма жамоа таркибида ЖЧ ва қитъа биринчилигида ғолиб чиқишга ҳам муваффақ бўлди. Афсуски, унинг клуб миқиёсидаги ишлари сира юришмас, унинг жамоаси нуқул аутсайдерлар билан ўйинларда очко йўқотиб чемпионлик учун курашдан чиқиб кетар эди. Барчасини ўзгартиришни истаган Сеск ўзининг энг гуллаган даврида «Барселона» таклифини қабул қилди ва мухлисларнинг илтимосига қарамай «Арсенал»ни тарк этди. Кўп ўтмай, Лондоннинг «Челси» жамоасига қайтиб келгач, чинкамига мухлисларнинг нафратига учради ва «сотқин» лақабини ортириб олди. Афсуски, Фабрегас «Челси»да ҳам, «Барселона»да ҳам «кононирлар» сафида тўп сурган даражасини намойиш эта олмади. Ҳозирда «Монако»да жавлон ураётган қаҳрамонимиз «Арсенал» рамзига айланиши мумкин эди, бироқ…
Робин ван Перси
Арсен Венгер Сескнинг ортга қайтиб кетишидан сонг, боғични жароҳатлардан эндига фориғ бўлган Робин ван Персига топширади. Голландиялик ҳужумчи ўз устидаги маъсулиятни чуқур ҳис этади ва ўша мавсум АПЛнинг деярли барча шахсий совринларини қўлга киритибгина қолмай, «олтин бутса»га ҳам эга чиқади. Ундаги ўзгаришни пайқаган Сер Алекс Фергуссон голландни ўз жамоасига чорлайди. Энг ачинарлиси шундаки, «Арсенал» сардори ўз мухлисларини ранжитганча, азалий рақиб сафига бориб қўшилади ва тантиштирув маросимида ичидаги кичкина болакайнинг «қизил иблислар» мухлиси эканлиги ҳақида нутқ ўқийди. Ушбу воқеядан сўнг, «Эмирейтс» уни фақат ҳуштакбозлик билан кутиб олишни бошлагани етмагандек, клуб тарихидаги 10 та сотқин футболчидан бири деб эълон қилади.
Томас Вермален
Ван Перси кетгач, Венгер танлов борасида жуда қийналди. Дарҳақиқат, жамоанинг ярими янги футболчилардан ташкил топган, академия битирувчиларининг аксарияри «Ман Сити» ва «Челси» таркибига ўтиб кетишган эди. Венгер Томас Вермален вариянтида тўхташга қарор қилди ва боғич унга топширилди. Афсуски, Томас ўзи шундоқҳам бир мавсумни жароҳати бойис ўтказиб юборган эди, боғични қўлга киритгач, яна жароҳат ортириб олди ва марказдаги ўрнини Коселнига бўшатиб берди. Ўзининг сўнгги масумида тўлиқ ҳаракат қилган сардор Англия кубогини қўлга киритгач, «Барселона» сафига ўтиб кетди ва у ерда ҳам ўзи севган машғулот билан шуғулланишда давом этди. У лазариятга қатнаб юрар, жамоадошлари эса, унинг учун совринлар ютиш билан машғул бўлишар эди. Вермален қанчалар иқтидорли бўлмасин "Арсенал"да ортириб олган жароҳатлар унинг имкониятларини намойиш этишга йўл бермади.
Микел Артета
«Эвертон» жамоасидаги ўйинлари орқали барчага таниш бўлган Микел Артета 30 ёшда клуб сафига келиб қўшилган бўлсада, унинг бой тажрибаси туфайли Венгер томонидан сардролик боғичи билан сийланади. Майдонда айтарли ўйин кўрсатмаган бўлсада, клуб унга кариерасининг сўнггига қадар шартнома таклиф этади. Ўз шартномасини тўлиқ ўтаб бўлган футболчига клуб 2015-йилда ёрдамчи мураббийликни таклиф этади. Артета ўйлаб кўриш учун бироз вақт сўрайди ва кўп ўтмай Пеп Гвардиоланинг штабида жой олади. Унинг қарори кўплаб мухлис ва мутахссисларда ғазаб уйғотади. Вазиятга баҳо берган Арсен Венгер эса, ўша машхур : «у барибир ўзимизники бўлмади» иборасини Артетага нисбатан ишлатган эди.
Лоран Косельни
Косельнинг клубдаги мавқейи боис, сардорлик боғичи унга топширилганида ҳимоячи ажойиб формада эди. Афсуски, ғалати тавқи лаънат Лоранни ҳам ўз домига тортиб кетди. Авваллига «Европа Лигаси» дорасидаги учрашувда жароҳат ортириб олган ҳимоячи Франция учун омадли келган ЖЧни ўтказиб юборган бўлса, кейинги йили клубдан 2 йиллик шартнома талаб қилади ва рад жавобини олади. Ўзини қадрламаётган клуб ҳақида матбуотда чиқиш қилгач, қўзғалон кўтаради ва клуб билан мавсум олди йиғинга боришдан бош тортади. Узоқ давом этган музкоралар иш бермагач, клуб ўз сардорини «Бордо»га 5 миллион евро эвазига сотиб юборишдан бошқа чора топа олмайди.
Гранит Жака
Тўғриси, ушбу қарор аввал бошидан клуб мухлислари томонидан оқланмаган эди. Жака клуб учун айтарли ҳеч қандай каромат кўрсатмаган, ўртачадан сал баландроқ даражадаги ярим ҳимоячи эди холос. Кутилганидек, Эмири Жака вариянтини танлаб адашди. Характернинг етишмаслиги ва қизиққонлик Жака учун қимматга тушди. Ҳозирда боғични қўлга киритган Обомеянгнинг ишлари яхши дейишга бироз эрта. Ўтган ҳафта ўзининг 330 минг евролик машинасини автоҳалокатда дабдала қилган ҳужмчи учун қора кунлар бошланмадими? Яна ким билади дейсиз?
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
