Бугун кўз очиб юмгунча "Coca Cola" Суперлигаси расман ўз якунига етди. Йил мобайнида биз бир қатор қизиқарли ва кескин курашларга бой учрашувлар гувоҳига айландик.
Жорий мавсумда Суперлигага қайтган "Андижон" жамоаси турнир жадвали якунига кўра, 10-ўрин билан якунлашга муваффақ бўлди.
Йил бошида Андижон вилояти ҳокими Шуҳратбек Абдурахмоновнинг ташаббуси билан Андижон шаҳридаги "Соғлом авлод" стадиони қайта реконструкция қилиниб, замонавий кўринишга олиб келинди. Стадионга улкан ҳажмдаги сўнгги замонавий электрон табло ва майдон четига электрон реклама баннерлари ўрнатилди, майдон замонавий ҳолатга келиши учун Россиянинг Краснодар ўлкасидан тайёр майса олиб келишди, "Соғлом Авлод" стадиони ўриндиқлари замонавийсига алмаштирилди, мухлисларга қулайлик яратиш мақсадида, трибунанинг устидаги ёпқич (лексан)лар янгисига алмаштирилди, хуллас, стадион учун барча нарсалар янгиланди ва стадион замонавий кўринишга олиб келинди.
Йил мобайнида "Андижон" жамоасини моддий ва манъавий қўллаб-қувватлаб тургани учун Андижон вилояти ҳокими, "Андижон" футбол клуби президенти Шуҳратбек Қўшақбаевич Абдураҳмоновга жамоамизнинг барча аъзолари ва минглаб мухлислари номидан раҳмат айтамиз!
Андижон шаҳридаги "Соғлом Авлод" стадионида бўлиб ўтадиган барча учрашувларда иссиқни иссиқ, совуқни совуқ демай, ўз ишларини сидқидилдан бажарган, ҳакамлар, жамоалар ва мухлисларнинг хавфсизлигини таъминлаган Андижон вилояти Ички Ишлар Бошқармасининг барча аъзоларига ва "Миллий Гвардия" аъзоларига ўз миннатдорчилигимизни билдирамиз!
"Соғлом Авлод" стадионида бўлиб ўтадиган ҳар бир тадбирларда муносиб қатнашиб келаётган Андижон вилояти Соғлиқни сақлаш бошқармаси ва РШТЁИМ Андижон вилояти филиалининг барча ходимларига ташаккур билдирамиз!
"Соғлом Авлод" стадионининг йил мобайнида ёруғлигини таъминлаб бергани учун Андижон вилояти электр тармоқлари корхонаси раҳбарияти ва ишчи-ходимларига миннатдорчилик билдирамиз.
Суперлига Регламентига асосан ҳар бир стадионда ўт ўчириш ходимлари бўлиши шарт ва шу шартга кўра, "Соғлом Авлод" стадионида бўлиб ўтган "Андижон" жамоасининг ҳар бир уй учрашувларига шай ҳолатда турган Фавқулодда Вазиятлар Вазирлигига ва Андижон вилояти Ёнғин Хавфсизлик Бошқармаси аъзоларига ўз ташаккуримизни изҳор этамиз!
Энг асосийси, совуқ ва иссиқ ҳаводаги ўйинларни ҳоҳ Андижонда бўлсин, ҳоҳ сафарда бўлсин "Андижон" жамоасини ёлғизлатиб қўймаган, Ўзбекистонда биринчи рақамли фан-клуб эканлигини амалда исботлаган Нодирбек Тўйчиев бошчилигидаги "Андижон" жамоаси мухлислар гуруҳи аъзоларига ва "Андижон"нинг минглаб мухлисларига жамоамизнинг барча аъзолари номидан ўз миннатдорчилигимизни билдирамиз!
Шунингдек, "Соғлом Авлод" стадиони маъмурияти ва ишчи-ходимларига, Бўстон даҳасидаги "Болалар ва ўсмирлар футбол мактаби" маъмуриятига ҳам ўз миннатдорчилигимизни билдирамиз!
Кейинги футбол мавсумида кўришгунча, соғ бўлинглар, "Андижон" жамоасига бефарқ бўлмаган азиз ҳамшаҳарлар!
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
