Тез орада барчани қизиқтирган савол ўз жавобини олади. Ғолиблик учун даъвогарлик қилаётган 3 та номзоднинг ўзига ҳос устунликлар мавжуд. Хўш, мураббий ва футболчиларнинг фикрича совринга ким лойиқ? Бугун эътиборингизга ушбу мавзуда улар томонидан берилган интервьюларни тақдим этамиз.
Пеп Гвардиола
Улар аввалига «олтин тўп»ни Мессига топширишади, сўнг ВАР ёрдамида вазиятни қайта кўриб чиқишадb ва совринни Виржил ван Дейкка олиб беришади.
Ривалдо
Агар йил сўнггида Месси «олтин тўп»ни қўлга киритса, бу адолатдан бўлади. Шундай бўлсада, соврин қайси омилларга таянган холда ғолибни аниқлашини билмаймиз. Шундай экан, ғолиб номи янграмагунига қадар сабр қилишимиз шарт.
Левандовский
Мен учун бу саволнинг ҳеч қандай аҳамияти йўқ. Биз биринчи навбатда ЕЧЛ ва Бундеслигада ғолиб чиқишни уддалаш ҳақида бош қотиришимиз шарт. Ана ундан кейин бу мавзудаги саволларга жавоб берсак, ўринли бўлади. Менга қолса, Мбаппе ёки Виржилдан бири совринга лойиқ. Улар ажойиб футболчилар. Боз устига, Мбаппенинг ёши инобатга олинса, унинг имкониятлари янада ортган бўлар эди.
Ҳуммелс
Биз бугунги учрувда Мессини ёпиб ташлаш қўлимиздан келмади. Айнан шунинг учун ҳам бугун мағлубиятга учрадик. У ҳозирда ажойиб формада. У мен кўрган футболчилар ичида энг кучлиси. Менимча «олтин тўп»га айнан у лойиқ.
Юрген Клопп
Агарда ҳозирги авлоднинг энг кучли футболчисига «олтин тўп»ни бериш лозим бўлса, Месси бунга ҳақли. Агарда ўтган мавсумни энг кўтаринки руҳда ўтказган футболчига бериш лозим бўлса, Виржил ван Дейк ҳақлироқ. Вазият қандай кўриниш олишини билмайман, бироқ сўзларим рост эканлигини барча ич-ичидан сезиб турибди.
Серҳио Рамос
Шахсий совринлар борасида кимнидир алоҳида кўрсатиш жуда мушкул. Ван Дейк ажойим ҳимоячи ва у зўр мавсумни ўтказди. Бу даражага кўтарилиши учун қанча меҳнат қилишига тўгри келганини тасаввур қилиш ҳам мушкул. Одамлар Месси ва Роналду ўртасидаги узоқ йиллик тортишувдан чарчагани аниқ. Агарда, Виржил совринни қўлга киритса, вазият тубдан бошқа томонга бурулади. Тўғри, Мессида ҳам имконият мавжудлигини унутмаслик лозим. Шунга қарамай, Криш ва Мессидан бошқа футболчида ғолиблик учун имконият мавжудлиги жуда ёқимли холат. Бундан аввалги йилларда ушбу совринга бу йигитлар сингари лойиқ бўлсада, етиша олмаган кўплаб футболчилар мавжудлиги ҳеч кимга сир эмас. Футбол жамоавий ўйин ва шахсий совринларни қўлга кирииш учун катта совринларни қўлга киритиш лозим. Виржил бу сўровномада ғолиб чиқса, барчамиз уни ғалаба билан табриклашимиз лозим.
Мбаппе
Вазиятга тўғри баҳо бериш керак. Мен ўтган мавсумда айтарли ҳеч нарсани уддалай олганим йўқ. Шунинг учун кучли учликта ёқман. Месси ва Роналду фантастик мавсумни ўтказди, бироқ ЕЧЛда ғолиб чиқишни уддалай олмади. Виржил ҳам улардан қолишмаган мавсумни ўтказди ва ЕЧЛда ғолиб чиқди. Шундай экан, Виржил бу совринга барчадан лойиқроқ.
Зидан
Бу совринни «Реал Мадрид» футболчиси қўлга киритмаслиги кундек равшан. Шундай бўлсада, бу совринни «қироллик клуби»нинг собиқ футболчиси қўлга киритиши мумкин. Агарда Роналду «олтин тўп»га лойиқ топилса, бу бизнинг жамоани жуда қувонтирган бўлар эди.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
