Москванинг "Спартак" клуби бош мураббийи Доменико Тедеско "Ростов" (1:4) клубига қарши бўлиб ўтган учрашувдан кейин ўтказилган матбуот анжуманида иштирок этиб, журналистлар саволларига жавоб қайтарди.
"Шубҳасиз, натижадан ғазабдамиз. Уйда 1:4 ҳисобида имкониятни бой бериш бу — жиддий. Учрашув қандай тушунарсиз бўлди – рақиб олтита зарба йўллаб, шуларнинг тўрттасида гол киритди, биз бўлса жуда кўплаб имкониятларга эга бўлдик, кетма кет хавфли ҳужумлар уюштирдик, лекин атиги битта гол киритдик. Энди олдимизда турган йиғинда самарали ишлашимиз керак.
Ҳисобни ва ўйинни ажратиш керак. 1:4 — адолатсиз натижа. «Урал» билан бўлган учрашувда ҳам биз ғалаба қозонишимиз керак эди. Мен ҳар доим ўз футболчиларимни ҳимоя қилиб келаман. Ҳар доим. Мураббий доим футболчиларнинг ўйинларига боғлиқ бўлади. Бугун футболчиларни айблаш учун ҳеч қандай сабаб йўқ. Максименко ва Кралулар — 21 ёш, Умаров — 19 ёш. Ёш футболчиларни тажрибасини оширишда меҳнат қилишимиз керак, бу клубнинг асосий мақсади. Ҳеч қандай ваҳима қиладиган нарса содир бўлмади деб ўйлайман. Бизга вақт керак. Эҳтимол, ким учундир етти ҳафта етарли вақтдир, лекин мен бундай деб ҳисобламайман. Кимдир Тедеско айбдор деб ёзса, бундай ёзишга унинг ҳаққи бор", - деди Тедеско клуб расмий сайтига.
Матнда хатолик топсангиз, ўша хатони белгилаб, бизга жўнатинг (Ctrl + Enter).