Айни дамда ўзининг энг қизғин палласига кирган клублар ўртасидаги ЖЧ мусобақасининг ҳам ўзига яраша тарихи мавжуд. Ушбу мусобақа илк бор 2005-йилда ўтказилган бўлиб, унда мусобақа мезбонлари “Сан-Паулу” жамоаси ғолиб чиққан. Хўш, Бразилия клубидан сўнг, мусобақада яна кимлар ғолиб чиқишга муваффақ бўлган? Бугун ушбу саволга жавоб бериб ўтамиз.
2006-йил - «Интернасьонал»
Ўз тарихида иккинчи бор ўтказилган мусобақа ҳам Бразилия яшил майдонларида бўлиб ўтган бўлиб, унда маҳалий «Интернасьонал» жамоаси таркибида Роналдино ва Хави сингари юлдузлари бор “Барселона”дан кичик ҳисобда устун келишга муваффақ бўлади. Бразилия клуби таркибида ўша пайтлари Луиз Адриано порлаб чиққан, ва ўша мусобақадан сўнг Европга йўл олган эди.
2007-йил - «Милан»
Ушбу мусобақа тарихида илк бор Европа жамоалари ичида “Милан” шоҳсупага кўтарилишни уддалаган жамоа сифатида тарихда қолиши аниқ. Таркибида Кака мавжуд бўлган клуб ўзининг шонли онларидан эсдалик сифатида қўлга киритган клублар ўртасидаги ЖЧ кобоги ҳали ҳамон клуб музейида сақланмоқда. Финалда «Боко Хуниорс» устидан 4 : 2 ҳисобида ғалаба қозонган “Милан”нинг голларининг иккитасига Инзаги муаллифлик қилган бўлса, Неста ва Кака ўз ҳисобига биттадан гол ёзиб қўйишган.
2008-йил “Манчестер Юнайтед”
Сер Алекс Фергуссон бошчилигидаги “қизил иблислар” мусобақа давомида ортиқча қийинчиликка учрамайди. Финал учрашувида Колумбиянинг «ЛДУ Кито» жамоасига қарши майдонга тушган ингилизлар бир киши кам бўлиб ҳам ғалабани илиб кетишни уддалашгани таҳсинга сазовар. Учрашувда ягона бўлиб қолган голни эса, Уейн Руни рақиб дарвозасига жойлаб қўяди.
2009-йил «Барселона»
Пеп Гвардиола бошчилигидаги “Барселона”ни ўша йили юлдузлар терма жамоаси ҳам тўхтатиб қолишга қодир эмас эди. Пеп ўйлаб топган ўйин фалсафаси футбол инқилобини амалга оширган, рақиблар эса, “Барса”га қарши қандай чора қўллашни биламай қолишган даврлар эди. Финал учрашувида Верон бошчилигидаги «Эстудиантес»ни 2 : 0 ҳисобида мағлуб этган “Барселона” ўз тарихида илк бор нуфузли мусобақанинг олтин медалларини қўлга киритади.
2010-йил “Интер”
Мусобақа тарихидаги энг зерикарли финал ўйини бўлиб ўтган учрашувда “Интер” Африканинг «Мазембе» жамоасини 3:0 ҳисобида мағлуб этади ва ортиқча қийинчиликсиз совринни ўзи билан Миланга олиб кетади. Учрашувнинг 17 дақиқасига қадар Пандев ва Этўо томондан киритлган голлар рақибни руҳан синдириб қўйгани боис, қолган вақт давомида мухлислар фақат бир дарвозага бўлган ҳужумларни томоша қилишга мажбур бўлишади.
2011-йил “Барселона”
Пеп бошчилигидаги “Барселона” бу пайтга келиб ўз ўйинини шу қадар такомиллаштирган эдики, финалда Неймарнинг “Сантос”ини йирик 4:0 ҳисобида мағлубиятга учратади. Ўша мусобақа давомида бирорта жамоа Католонияликлар дарвозасини ишғол қилишни уддалай олмагани эътиборга молик.
2012-йил «Коринтианс»
Бразилия клуби узоқ давом этган Европа жамоаларининг гегемониялигига қисқа фурсат барҳам беришга муваффақ бўлади. Иккита учрашувда ҳам минимал ҳисобда ғалаба қозонган клуб ўз боши узра клублар ўртасидаги ЖЧ совринини кўтаришга муваффақ бўлади. Финалда Бенитезнинг “Челси”си устидан ғалаба қозонилгани эса, совриннинг қийматини янада оширган десак, адашмаган бўламиз.
2013-йил «Бавария»
Юп Ҳайнкеснинг “Баварияси” ўша йили тўхтатиб бўлмас кучга айланга, Роббен ва Рибберилар ўзининг энг пик формасига чиқиб олган даврлар эди. Тажрибали мутахассисдан сўнг луб тепасига келган Пеп Гвардиоланинг “Бавария”сига финалда Морокашнинг «Раджа Касабланка» клуби рўбарў келади ва ўйин 2:0 ҳисобида кўҳна қитъа вакилларининг ғалабаси билан якунланади.
2014-йил “Реал Мадрид”
Карло Анчелотти “Милан” билан қозонилган ғалабадан 7 йил ўтиб, “Реал Мадрид”ни клублар ўртасидаги ЖЧ ғолиблигига етаклади. Финал учрашувида «Сан-Лоренсо» жамоасини 2:0 ҳисобида доғда қолдирган клуб ўз тарихида илк бор ушбу мусобақада ғолиб чиқади.
2015-йил “Барселона”
Католония клуби томонидан қўлга киритилган 3 ғолиблик ҳам олдингилари сингари ортиқча муаммосиз қўлга киритилади. Финал учрашувида Аргентинанинг «Ривер Плейт» клубига қарш майдонга тушган “Барса” ортиқча қийинчиликсиз 3:0 натижаси билан ғолиб чиқади ва ўз тарихидаги ҳозирча сўнгги клублар ўртасидаги ЖЧ мусобақасининг совринига эга чиқади.
2016-йил, 2017-йил, 2018-йил “Реал Мадрид”
3 йил давомида мусобақанинг олтин медалларини ҳеч кимга бермай кеаётган “қироллик клуби” бу сафар таҳтни топшириши аниқ. 2016- йилда қитъамизнинг «Касимы Антлерс» жамоаси устидан ғалаба қозонган жамоа бир йил ўтиб Бразилиянинг «Гремио»сини финалда таслим қилади. Сўнгги мусобақа финалида эса, «Аль-Айн» жамоасини йирик 4:1 ҳисобида доғда қолдирган Солари шогирдлари мусобақада ўзига ҳос рекорд ўрнатишга муваффақ бўлишади. Улар нафақат чемпионлик сони бўйича, балки мусобақа тарихида мағлуб бўлмаган клуб сифатида қолганлардан ажралиб туришибди.
2019-йил ?
Тан олайлик, барчамиз финалда Юрген Клоппнинг “Ливерпул”и ва Габриел Барбозанинг “Гремио”си ўртасидаги финални кутяпмиз. Ушбу мусобақада ким ғолиб чиқади? Таҳминларингизни комент тариқасида қолдиринг!
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Шуҳрат Шокиржонов
Шерзод Ражабов
Қаҳрамон Асланов
