Трансфер оламидаги янгиликлар
Трансфер ойнаси очилишига ҳам оз фурсат қолмоқда. Бугун куннинг энг муҳим трансфер янгиликлари билан таништириб ўтамиз.
“Кристал Пелас” Заҳа борасида бир қарорга келди
Лондоннинг “Кристал Пелас” жамоаси ўз ҳужумчиси Вилфред Заҳа борасида якуний қарорни қабул қилди. "The Sun" нашри тарқатган хабарларга кўра, жамоа ўз футболчисини қишки трансфер ойнаси очилиши билан сотиб юбормоқчи.
Англия терма жамоаси аъзоси саналмуш Заҳанинг ўзи ҳам тезроқ топ клублардан бирига ўтишни истамоқда. Ҳозирча, клуб Заҳа учун 80 миллион евро талаб қилмоқда. Айни дамда ҳужумчи билан Лондоннинг бошқа бир клуби “Челси” жиддий қизиб қолган. Лемпарднинг ўзи футболчини сотиб олишни раҳбариятдан илтимос қилган.
Заҳанинг “Кристал Пелас” билан амалдаги шартномаси 2023-йилга қадар мўлжалланган бўлсада, футболчи тезроқ жамоасини алмаштириш учун кичикроқ маош олишга ҳам қарши эмас.
Eрлинг Ҳоланд трансфери ойдинлашмоқда
Норвегеялик ҳужумчи Эрлинг Ҳоланд борасидаги миш-мишлар тобора кўпайиб бораётганидан хабарингиз бор. Бугун тонгда унинг траснфери борасидаги янги маълумотлар ошкор қилинди.
“The Sun” нашри тарқатган хабарларга кўра, «Ред Булл Зальцбург» ўз ҳужумчисини 90 миллион евродан камига қўйиб юбормоқчи эмас. Бундан ташқари, клуб ҳужумчини ким ҳарид қилишидан қатъий назар, уни мавсум сўнггига қадар ўз жамоасида ижара асосида олиб қолишни режалаштирмоқда. Агарда, бу шартларга рози бўлувчи жамоа топилмаса, «Ред Булл Зальцбург» ҳужумчини сотмоқчи эмас.
Манбанинг хабар беришича, айни дамда ҳужумчи учун курашда “Манчестер Юнайтед” яққол фоворит бўлиб турибди. “Қизил иблислар” устози Оле Гуннар Сулшер футболчи билан учрашиб, уни ўз жамоасига таклиф қилишга ҳам улгурди.
Ибраҳимович сериали давом этади
Шветсиялик ҳужумчи Златан Ибраҳимовичнинг тез орада “Милан” сафида кўриниш бериши ҳақидаги маълумотлар билан таништириб ўтган эдик. Бугун “Wеб Tutto Mercato Web” машри футболчига оид янги трансфер маълумотлари билан ўртоқлашди.
Унга кўра, Ибра яна АПЛга қайтиши мумкин экан. Унинг янги жамоаси бўлиши кутилаётган “Eвертон” ва футболчининг агенти ўртасида қизғин музокаралар кетмоқда. Шведнинг ўзи бу ҳақида маълумот бермаган бўлсада, унинг агентини Ливерпул шаҳрида кўришган.
Eслатиб ўтамиз, Златан ва «Лос-Анджелес Гэлакси» ўртасида тузилган шартнома декабр сўнггида ўз якунига етади ва Ибраҳимович эркин агентга айланади.
Лерой Сане ортга қайтмоқчи
Айни дамда жароҳатидан фориғ бўлиш билан банд бўлаётган Лерой Саненинг келажаги мавҳумлигича қолмоқда.
“Bild” нашри тарқатган хабарларга кўра, Сане “Манчестер Сити” раҳбарларидан қишки трансфер чоғида ўзини “Бавария”га қўйиб юборишларини сўраган. Айни дамда машғулотларга қайтган футболчи ўзини яҳш ҳис қилаётган бўлсада, Гвардиола унинг спорт формасидан қониқмаяпти. Шу сабабли, Сане ўйинлар чоғида қайдномадан ҳам жой олишни уддалай олмаяпти.
Унинг агенти берган маълумотларга қараганда, “шаҳарликлар” Саненинг трансфер қийматини пасайтиса, “Бавария” унинг трансферига яна қайтишни режалаштирмоқда. Бундан ташқари, Мюнҳен клуби Санени ижарага олиш вариянтини ҳам кўриб чиқмоқда.
Eслатиб ўтамиз, ўтган ёзда “Бавария” Сане борасида “Манчестер Сити”га бир нечта таклиф юборган, “Сити” эса, футболчи учун 127 миллион евро талаб қилган эди. Оқибатда, тежамкор “Бавария” Сане трансферидан воз кечишган мажбур бўлгани ёдингиздан кўтарилмаган бўлса, ажаб эмас.
“Милан” “Барселона” ҳимоячисини қўлга киритмоқчи
Италиялик тақниқли жоурналист Джанлуки Ди Марцио хабар беришича, “Милан” қишки трансферлар чоғида “Барселона” жамаоси ҳимоячиси Тодибо билан жиддий қизиб қолган. “Барселона” тарбияланувчиси саналмуш 19 ёшлик футболчи клуб академиясидаги еткачи кадрлардан бири сифатида эътироф этилаётган эди. Манба берган маълумотларга қараганда, “Милан” футболчини сотиб олиш шарти билан ижарага олмоқчи. “Барселона” эса, келажакда қайтариб сотиб олиш шарти билангина ҳимоячини қўйин юбормоқчи.
Маълумотларга қараганда, “Барселона” уни 25 миллион евро эвазига қўйиб юборишга тайёр. Икки клуб ўртасидаги музокаралар трансфер ойнаси очилгунига қадар якунланиш кутилмоқда.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
