2015-йилда Италиянинг “Фиорентина” жамоасидан 31 миллион евро эвазига "Челси" томонидан сотиб олинган Хуан Куадрадо кўпчиликнинг ёдида бўлса керак
“Челси” жамоаси сафига келгунига қадар, “Фиорентина”да чинакамига порлаган ярим ҳимоячининг иқтидорига ҳеч кимда шубҳа йўқ эди. Хуан Италияда иккита қанотда ҳам бирдек фаол ўйин кўрсатувчи, ва ҳужумдан торитиб ҳимоя чизиғига қадар бўлган катта бўшлиқни бир ўзи тўлдира оладиган футболчи сифатида ном қозонгани боис, “аристократлар” колумбиялик футболчини ўйлаб ўтирмай харид қилади.
Афусуски, АПЛдаги кучли прессингга дош бера олмаган Куадрадо аста-секин ўйин суратидан тушиб қолишни бошлайди. Ўзининг илк учрашувларида-ку, футболчи умуман ўзини йўқотиб қўяди. Ўша йили “The Sun” нашри, Куадрадонинг “Челси”га ўтишини йилнинг энг омадсиз трансфери деб эълон қилган эди. Энг қизиғи шундаки, “Челси” бу трансфердан катта талофот кўрмади ва кўп ўтмай қаҳрамонимизни “Ювентус”га 25 миллион эвазига пуллаб юборди.
Бир сўз билан айтганда, ушбу трансферни энг омадсизларидан бири бўлди десак, адашмаган бўламиз. Бугун ана шундай омадсизликка учраган трансфер ҳақида сўз боради.
Тома Лемар
Ўтган мавсумда “Атлетико Мадрид” томонидан 70 миллион эвазига харид қилинган ҳужумчидан “матрасчилар” жуда кўп нарса кутишган эди. Лемар янги жамоасига амалдаги ЖЧ ғолиби сифатида ташриф буюрган бўлишига қарамай, мавсумни жуда ёмон ўктазди. 40 та учрашувда майдонга тушган Лемар атиги 3 бор рақиб дарвозаларини ишғол қилди холос. Франциялик футболчини харид қилишни шахсан Антуан Гризманнинг ўзи клубдан илтимос қилган эди. Клуб ўз йетакчисининг сўзларини йерда қолдирмади ва “Монако” клуби ғазнасига 70 миллионни ўтказиб берди. Афсуски, ўз тежамкорлиги билан донг таратган “Атлетико Мадрид” ҳам трансферлар борасида адашганини тан олди. Ушбу мавсумда ҳам кутилганидан паст даражада ўйнаётган Тома Лемар тез орада жамоасини ўзгартирса, ажаб эмас.
Анҳел Ди Мариа
Қайта қуришни бошдан кечираётган “Манчестер Юнайтед”нинг янги юлдузи бўлиш таҳмин қилинган Анҳел Ди Марианинг трансфери ҳақида узоқ сўзлаш мумкин. 2014-йилда “Реал Мадрид”дан 75 миллион евро эвазига ҳарид қилинган аргентиналик футболчи жамоанинг янги Роналдуси бўлиши ва тез орада “қизил иблислар”ни аввалги даражага олиб чиқиши таҳмин қилинган эди. Афсуски, барчаси тубдан ўзгариб кетди. АПЛнинг шиддатли ўйинига мослаша олмаган ярим ҳимоячи кучли прессинг остида ўзини йўқотиб қўйди. Луи ван Гал томонидан бир нечта нуқталарда синаб кўрилганига қарамай, клуб учун ҳеч қандай наф келтиргани йўқ. "Манчестер Юнайтед" барчасини тўғри тушунди ва илк имконият пайдо бўлиши билан Ди Мариани ПСЖга сотиб юборди.
Алексис Санчес
2017-йилда жамоа сафига келиб қўшилган Алексис Санчесни чинакамига энг омадсиз трансферлардан бири десак, адашмаган бўламиз. Чилилик футболчи нафақат “қизил иблислар”га фойда келтирди, балки ичк муҳитнинг ҳам бузилишига сабаб бўлди. “Манчестер Юнайтед” ўзи учун деярли бефойда бўлган футболчи учун Гейнриҳ Мхтиряндан воз кечгани етмагандек, Санчесни энг катта маош олувчи футболчига айлантириб қўйди. Оқибатда, Де Хеа ва Погба сингари етакчилар маошларини оширилишини талаб қила бошлашди. Арманистонлик футболчи “Арсенал” сафида йўқолиб қолмагани эса, Санчесга бўлган босимни янада ошириб юборгани турган гап. Санчес Моурино қўл остида умуман ўзини кўрсата олмади. Жамоа тепасига Сулшер келгач ҳам вазият ўзгаргани йўқ. Клуб унинг сотмоқчи бўлди, бироқ бирорта клуб йилига 10 миллиондан ортиқроқ маош олувчи бефойда ҳужумчи учун пул сарфлашни истамади. Бечора “Манчестер Юнайтед” эса, унинг маошининг бир қисмини ҳали ҳам тўлашда давом этмоқда.
Филипо Коутиньо
“Барселона” жамоаси тарихидаги энг қиммат футболчилардан бири саналувчи Филипо Коутиньонинг трансфери ўзини оқламганидан хабарингиз бор. Айни дамда “Бавария” жамаосида ижара асосида тўп сураётган ярим ҳимоячининг келажаги қайси клубда давом эттиши ҳалигача аниқ бўлгани йўқ. Католониядаги фаолияти давомида айтарли ҳеч нарсага эриша олмаган бразилиялик футболчи клуб фалсафасига 100 фоиз мос тушиши кутилган эди. Теҳник етук ярим ҳимояч учун “Барселона” керакли позитсияни яратиб бера олмагани ачинарли. Қишки трансферлар чоғиа 135 миллион евро эвазига сотиб олинган Коутиньо жамоада Неймарнинг ўрнини тўлдириши кўзда тутилган эди, бироқ барчаси бошқа томонга бурилиб кетди. Иш шу даражага бориб етдики, Коутиньо кариерасини қутқариб қолиш мақсадида раҳбариятдан қўйиб юборишларини илтимос қилди. Омадсиз мавсумдан сўнг, футболчини ҳеч ким 100 миллион еврога сотиб олишни истамади. Оқибатда, Коутиньо “Бавария”га ижара асосида йўл олишга мажбур бўлди. Энг ачинарлиси шундаки, Коутиньо Мюнҳен клубининг кучсиз даврида жамоага келиб қўшилди. Ҳозир вазият бироз ўнгланган бўлсада, немис клуби Коутинони сотиб олиш ҳақида расмий маълумот берганича йўқ.
Андреа Гомеш
Испаниянинг “Валенсия” клубидаги ўртамиёна ўйинига қарамай, Католония клуби томонидан харид қилинган Андрея Гомешнинг ҳам транферини омадсизлар қаторига қўшсак, адашмаган бўламиз. “Барселона” сафига 2016-йилда 40 миллион евро эвазига ўтган ярим ҳимоячи клуб сафига келган Чигринский ва Ибраҳимович сингари ҳеч нарсага эрша олмади. Ярқ этиб кўзга ташланиб турмайдиган футболчи учун “Барса” нима учун шунча пул сарф этгани жумбоқлигича қолмоқда. “Эвертон” жамаосининг ҳам етакчиси бўла олмаган қаҳрамонимиздан Каталонияда нима кутишган эди?
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
