Узоқ вақтдан сўнг, “Эвертон”да чинакам машхур мураббий ишлайдиган бўлди. “Челси”, “Милан”, “Реал Мадрид”, “Бавария” ва ПСЖ сингари грандаларда фаолият олиб борган Карло Анчелотти “Эвертон” билан 2024-йилга қадар мўлжалланган шартномага имзо чекди.
Мавсум бошида “ирис”лар таркибни кучайтириш мақсадида 120 миллион евро сарфлашди, бироқ мусобақа экваторига яқин қолган бир пайтда ҳавфли зонага жуда яқин жойдан ўрин олишганидан хабарингиз бор. Маркус Силванинг истеъфосидан сўнг, вақтинчалик мураббийлик вазифасини бажарган Данкн Фергуссон кутилмаганда омадли старт олди. “Арсенал” ва “Манчестер Юнайтед”га қарши баҳсларда дуранг қайд этган қаҳрамонимиз “Челси”ни мағлуб этишга муваффақ бўлди. Қисқача қилиб айтганда, жамоа кичик кўтарилишни бошдан ўтказмоқда. Шундай бўлсада, “Эвертон”дамуаммолари етарлича топилади. Бугун Италиялик мураббий эътибор қаратиши шарт бўлган омиллар ҳақида сўз боради.
Ҳимояда тартиб ўрнатиш
Италиялик мураббийлар ўзларининг ҳимоявавий услублари билан ном қозонишган десак, адашмаган бўламиз. “Эвертон” мудофасидагидаги кемтикларни тўлдириш учун Анчелоттининг бой тажрибаси қўл келиши лозим. Маркус Силва бошчилигида ливерпульликлар 15 та учрашувда 27 бор ўз дарвозаларидан тўп олиб чиқишга мажбур бўлишди. Ўртача ҳар бир ўйинда 2 тадан гол дегани! Бу голларнинг аксарияти стандарт вазиятлардан ўтказиб юборилганини инобатга олсак, биринчи навбатда айнан шу фактор устида ишлаш талаб этилади. Марказий ҳимоядаги Мина ва Кинг учун катта сумма тўланган бўлсада, улар ишончли сўзига синоним ўйин намойиш этишмаяпти. Анчелотти тўп билан муносабатда бўлишни хуш кўрувчи ҳимоячиларга суяниб жамоа тузишини инобатга олсак, тез орада Кинг ўз ўрнини Ҳолгейтга бўшатиб бериши кутилмоқда. Шунингдек, катта эҳтимол билан трансфер ойнаси очилиши билан мураббий сифатли марказий ҳимоячи харид қилаиша даркор. Ахир яхши жамоанинг ҳимояси ҳам яхши бўлиши керак.
Мойзе Кингга имконият бериш лозим
“Эвертон” италиялик ҳужумчини келажак порлоқ бўлгани учун харид қилган бўлсада, уни заҳира ўриндиғига михлаб қўйди. Кин билан ишлаган иккита мураббий ҳам унинг имкониятларига ишонгани йўқ. Данкн Фергуссон “Манчестер Юнайтед” билан баҳснинг 70-дақиқасида Мойзени майдонга туширган бўлса, 87 дақиқада яна заҳирага олди. Мавсумнинг деярли ярми ортда қолган бўлсада, Мойзе атиги икки бор асосий таркибда кўриниш берди ва бир бор майдонда тўлиқ ҳаракатланди. Бундан кўриниб турибдики, шу кунга қадар Европанинг энг иқтидорли футболчиларидан бирига ҳали-ҳамон ишонч билдирилганича йўқ. Ёш ҳужумчининг эндигина 19 ёшга қадам қўйганини инобатга олсак, тажрибали мураббий ўз ватандошидан унумли фойдаланиши шарт. Агарда Анчелотти Мойзе Кинга керакли импулс бера олса, ҳужумчи “Эвертон” жамоаси учун катта наф келтириши турган гап.
Ришарилсонни сақлаб қолиш
АПЛда “Eвертон”нинг ишлари юришмаётганига қарамай, жамоа ҳужумчиси Ришарилсон Бразилия терма жамоасидан мунтазам чақирув олиб келмоқда. Тўғри, футболчи жамоа билан тузилган шартномани 2024-йилга қадар чўзди, бироқ “Эвертон”нинг яқин орада грандлар қаторига кирмаслигини ич-ичидан сезиб турибди. Шундай экан, исталган пайтда ўз жамоасини ўзгартириши мумкин. Очиғи уни тушунса бўлади. 22 ёшлик футболчи ўтган мавсумда “Эвертон”нинг энг яхши тўпурари бўлган бўлса, ушбу мавсумда ҳам қолганлардан кўра кўпроқ гол киритишга муваффақ бўлди. Агарда, Карло ота Ришарилсоннинг атрофида жамоани шакиллантирса ва ушбу тактик услубда Мойзе Кингга ҳам жой топа олса, бу ҳужумчилар тандем улкан ғалабалар келтириши ҳеч гап эмас.
Ёшларга ҳам имкон ва керакли трансферлар
Жамоа раҳбари Фарҳод Машери Анчелоттининг трансферлари учун жуда катта пул ажратмочи эканлигини маълум қилди. Шу ўринда эслаб ўтиш жоиз “Эвертон” ўтган мавсум олдидан трансферлар учун 200 миллион евродан кўпроқ сарфлаган бўлсада, АПЛда фақат 8-ўринни эгаллаган эди. Эндиликда Анчелотти бу хатони таркрорламаслиги ва таркибдаги бўшлиқни янги харидлар билан тўлдириши шарт. Шу ўринда, клуб академиясидан чиққан футболчиларни ҳам бир четга суриб ташлаш инсофдан эмас. Том Девис, Ҳолгейт ва бошқа йигитлар айни дамда клуб учун энг фойдали бўлаётган ўйинчилар сирасига киришмоқда. Қисқача қилиб айтганда, мураббий трансферлардан унумли фойдаланиши ва жамоа суягини янгиламаслиги шарт. Агарда ушбу икки омил ўртасида уйғунлик акс этса, “Эвертон” мавсум сўнгига қадар чинакам ғалаба машинасига айланиши Шубхам йўқ.
Ғалаба руҳи
Маркус Силва қўл остида футболчилар мағлубиятни оддий қабул қилишга ўрганиб ҳамқолганига барчамиз гувохбўлдик. Данкн Фергуссоннинг келиши барчасини ўзгартириб юборгани дарров билинди.
Футболчилар янги мураббий қўл остида ўзлари тушиб қолган ботқоқдан чиқиб кетиш учун бор кучлари билан ҳаракат қилишга тушиб кетишди. Ҳимояда тартиб ўрнатилди, прессингда фаолроқ ўйналди. Шу кичик оммилар ҳам жамоага кучли рақибалрдан очко тортиб олиш имкониятини яратганини барча кўрди. Ўз-ўзидан ўринли савол пайдо бўлади. Яхши старт олган маҳалий мураббийни аввалги иккита иш жойида истеъфога чиқарилган хорижлик билан алмашриш тўғри қарорми? Бу саволга ўйлаб ўтирмасдан ҳа деб жавоб бериш мумкин. Анчелотти доиммо ўз фалсафасини футболчиларга тезда сингдира олгани билан машхурликка эришган. Боз устига, Анчелоттининг келиши футболчиларда ўз кучига бўлган ишончнинг тўлиқ қайтишига сабаб бўлишига шубха йўқ. Унинг футболчилар билан тезда тил топишиб кетиши ҳам “Эвертон” фойдасига ишлаши аниқ. Қувонарлси шундаки, Анчелотти Данкн Фергуссонни ўз штабида олиб қолди. Бу футболчиларда унга бўлган ишонч хиссини янада оширади. Умид қиламизки, янги мураббий АПЛнинг уйқудаги грандини уйғота олади.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
