Англия чемпионатининг 20-тури доирасида мухлислар Лондон дербисига гувоҳ бўлишди. «Арсенал» ўз уйида «Челси»ни қабул қилди.
Лэмпард шогирдлари ўйинни фаол бошлагандек кўринган бўлса-да, 13-дақиқада ҳисобни "канонирлар" очишди. Ўзил бурчакка яқин жойдан дарвозанинг яқин устуни томон узатма берди. Чемберс эса тўп йўналиши ўзгартирган бўлса, Пьер-Эмерик Обамеянг 5 метрдан дарвозани ишғол қилди.
Орадан 5 дақиқа ўтиб Александр Ляказетт жуда қулай имкониятдан фойдалана олмади. Акс ҳолда ҳисобдаги фарқ ошган бўларди.
Ўйин тугашига 12 дақиқа қолганида Артета жамоаси гол уриш учун қулай имкониятдан фойдалана олмади. Жо Уиллок 11 метрдан дарвоза томон аниқ зарба бера олмади.
Баҳс тугашига 7 дақиқа қолганида эса "Арсенал" дарвозабони Бернд Лено қўпол хатога йўл қўйди. Жаримадан етказилган узатмага посбон ета олмади. Жоржиньо эса бўш қолган дарвозани осонлик билан ишғол қилди.
Орадан 4 дақиқа ўтиб "Челси" рақибни "кўмиб" қўя қолди. Меҳмонлар қарши ҳужумда 3га 3 ҳолатга чиқиб кетишди. Тэмми Абраҳам эса дарвозабоннин оёқлари орасида тўпни ўтказиб, тўрга жойлади.
Ушбу ғалабадан кейин "Челси" ўз очколарини 35тага етказиб, 4-поғонани мустаҳкамлади. "Арсенал" эса 12-ўринга тушиб қолди.
Англия премьер-лигаси, 20-тур
АРСЕНАЛ – ЧЕЛСИ - 1:2 (1:0, 0:2)
Голлар: 1:0 – 13 Обамеянг, 1:1 – 83 Жоржиньо, 1:2 – 87 Абрахам.
Арсенал – Лено, Мэйтленд-Найлз, Чемберс (Мустафи, 23), Давид Луиз, Озил (Уиллок, 76), Гендузи, Торрейра, Нелсон (Пепе, 86), Ляказетт, Обамеянг, Сака.
Челси – Аррисабалага, Аспиликуэта, Зума, Томори (Лэмпти, 59), Эмерсон (Жоржиньо, 34), Маунт, Ковачич (Хадсон-Одои, 70), Виллиан, Канте, Рюдигер, Абрахам.
Огоҳлантиришлар: Гендузи (10), Маунт (30), Канте (30), Рюдигер (34), Давид Луиз (47), Жоржиньо (55), Торрейра (73), Ляказетт (77), Мэйтленд-Найлз (90).
Матнда хатолик топсангиз, ўша хатони белгилаб, бизга жўнатинг (Ctrl + Enter).