Испания Ла лигасининг 24-тури доирасида «Барселона» ўз майдонида жадвалда 3-поғонани эгаллаб турган «Хетафе»ни қабул қилиб, қийин ғалабага эришди.
Меҳмонлар учрашувни юқори прессинг билан бошлаб, рақибнинг вазият яратишига имкон бермади. Аксинча, мадридликлар 23-дақиқада ҳисобни очишган эди. Бурчак зарбасидан кейин Молина бош билан зарба берди, тер Штеген қайтарди. Қайтган тўпни Аллан Ньом дарвозага жойлади! Аммо VAR кўрсатдики, Ньом тўпга эга чиқишдан олдин ўзини таъқиб қилаётган Умтитига қонунга хилоф равишда йиқитган экан. Шу боис, гол бекор қилинди.
33-дақиқада эса мезбонлар ҳисобни очишди. Мессининг ажойиб узатмасидан кейин Гризманн дарвозабон билан яккама-якка вазиятга чиқиб кетди ва дарвозани забт этди. Орадан 6 дақиқа ўтиб каталонияликлар иккинчи голни ҳам уришди. "Барселона" ўзига хос қисқа паслар билан ҳужум ташкил қилди. Фирпо қанотдан етказган узатмани Сержи Роберто дарвозага жойлаб қўйди.
Иккинчи бўлимни Сетьен шогирдлари сокинлик билан олиб боришаётган эди. Аммо 66-дақиқада "Хетафе" ҳисобни қисқартирувчи голни урди. Ўнг қанотдан етказилган тўпни туширмасдан Анхель Родригес 14 метрдан дарвозага жойлаб қўйди.
Ўйинга интрига қайтганидан кейин қолган дақиқалар анча қизиқарли кечди. Жумладан, "Хетафе" "стандартдан ҳисобни қисқартиришга яқин келди, аммо тер Штеген жамоасини қутқарди. Антуан Гризманн эса иккита қулай вазиятни кўкка совурди.
Шунга қарамай, "Барса" ғалабани сақлаб қолди, очколари бўйича "Реал"га етиб олди.
Испания Ла лигаси, 24-тур
Барселона – Хетафе 2:1 (2:0, 0:1)
Голлар: 1:0 – 33 Гризманн, 2:0 – 39 Сержи Роберто, 2:1 – 66 Анхель Родригес.
Барселона – тер Стеген, Сержи Роберто, Умтити, Пике, Альба (Фирпо, 22), Бускетс, Артур (Ракитич, 75), де Йонг, Фати (Видаль, 85), Гризманн, Месси.
Хетафе – Сория, Эчейта, Джене, Ньом, Кукурелья, Максимович, Арамбарри, Этебо (Ндиайе, 67), Оливера (Кенеди, 52), Мата, Молина (Анхель Родригес, 52).
Огоҳлантиришлар: Умтити (49), Мата (73), Фирпо (82), Фати (85), Кенеди (89).
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
