Ушбу рукнимиздаги энг сўнгги янгиликлар билан таништиришда давом этамиз.
Коста Италияга йўл олади?!
Таниқли “Le Gazzeta Della Sport” нашри берган хабарларга қараганда, “Атлетико Мадрид” ҳужумчиси Диего Коста ёзда Италия клубларидан бирига ўтиши мумкин.
Айни дамда, испаниялик ҳужумчи билан “Наполи” ва “Рома” жамоалари қизиқиб қолган.
Манба берган хабарларга қараганда, “Наполи” ёзда жамоадан кетиши кутилаётган Аркадиуш Миликнинг ўрнини айнан Коста билан тўлдиришни истмоқда.
Диегонинг ўзи ҳам Мадриддан кетишга қарши эмас. Сабаби, ҳужумчи клубдаги асосий таркибдаги ўрнини бой бериб қўйди.
Санчо қайси клубни танлайди?
“Боруссиянинг “Дортмунд” клуби ҳужумчиси Жейдон Санчо ёзда АПЛ клубларидан бирига ўтади”,- деб хабар бермоқда таниқли “SkySport” нашри.
Манбанинг маълум қилишича, вингер айни дамда “Челси” ва “Манчестер Юнайтед”дан келиб тушган таклифларни кўриб чиқмоқда.
Бугунги кунга келиб Санчо Бундеслигадаги энг қиммат футболчи саналади. Уни қўлга киритишни истаган клуб 130 миллион евродан воз кечишига тўғри келади.
“Интер”нинг ёздаги нишони аниқ бўлди
Миланнинг “Интер” клуби устози – Антонио Конте ёзда клуб сотиб олиши керак бўлган футболчи номини маълум қилди.
Италия нашрларининг маълум қилишича, Конте ёзда Артуро Видални ўз жамоасида кўришни истамоқда.
Аслида, чилилик футболчи қишдаёқ Италияга йўл олиши мумкин эди, бироқ каталонияликлар мавсум ўртасида Видални қўйиб юборишни истамади.
Ярим ҳимоячининг ўзи Конте қўл остида ҳаракат қилишга қарши эмас. Аввалроқ, мураббий ва футболчи “Ювентус” жамоаси шарафини ҳимоя қилган.
“Лестер” Вардининг ўринбосарини топди
Англиянинг бир нечта нашрлари берган хабарларга қараганда, “Лестер” ёзда Жимми Варди учун рақобатдош футболчини харид қилишни режалаштирмоқда.
Унга кўра, “тулкилар”нишонида Франицянинг “Метс” жамоасининг 23 ёшли ҳужумчиси Ҳабиб Диало турибди.
Сенегаллик футболчи бу мавсумни кўтаринки кайфиятда ўтказмоқда. Унинг тезкорлиги ва жарима майдончаси ичидаги эпчиллиги Лондоннинг “Челси” клуби томонидан ҳам кузатиб келинмоқда.
“Тhe Sun” нашри берган хабарларга қараганда, футболчининг ўзи кўпроқ ўйин амалиётга эга бўлиш мақсадида “Лестер” сафида кўриниш беришни истамоқда
“Арсенал” Ҳамес учун даъвогар
Лондоннинг “Арсенал” клуби “Реал Мадрид” ярим ҳимоячиси – Ҳамес Родригес учун асосий даъвогар бўлиб турибди.
Таниқли “Маrcа” нашри берган хабарларга қараганда, “қироллик клуби” Ҳамес учун 50 миллион евро талаб қилади.
Ҳозирча, трансфернинг бошқа тафсилотлари ошкор бўлганича йўқ. Эслатиб ўтамиз, колумбиялик футболчи сўнгги пайтларда Зидан томонидан кераксиз ўйинчига айланиб қолган эди.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
