Ушбу рукнимиздаги энг сўнгги янгиликлар билан таништиришда давом этамиз.
Виллиан учун даъвогарлар номи маълум
Таниқли “Mundo Deportivo” нашри берган маълумотларга қараганда, “Челси” ярим ҳимоячиси Виллиан ёзда эркин агент сифатида бошқа клубга ўтиши мумкин.
Манба берган хабарларга қараганда, бразилиялик футболчи учун “Барселона” ва ПСЖ жамоалари кураш олиб боришади.
Маълумотларга қараганда, Вилланнинг Барселона сафига бориб қўшилиши Филиппе Коутиньонинг сотиб юборилиши билан боғлиқ.
“Ливерпуль” ҳимоячи изламоқда
Англиянинг “Ливерпуль” клуби ёзда жамоани тарк этиши аниқ бўлиб улгурган Деян Ловренинг ўрнини “Олимпиякос” жамоаси ҳимоячиси Уссейн Ба билан тўлдиришни режалаштирмоқда.
CDNA нашрининг маълум қилишича, 24 ёшлик ҳимоячи аллақачон “Ливерпуль” скаутлари томонидан Юрген Клоппга тавсия этилган экан.
Грек клуби сенегаллик ҳимоячини ўтган мавсум стартида ҳарид қилган бўлсада, унинг трансферидан 20 миллион евро ишлаб олишга қарши эмас.
Бундан ташқари, Ба Садио Маненинг дўсти бўлиб, ҳужумчи уни “Энфилд”га олиб келишда клубга ёрдам қўлини чўзмоқда.
Икарди “нишонда”
Айни дамда ижара асосида Париж клубида ҳаракат қилаётган Мауро Икарди ёзда “Реал Мадрид”да кўриниш бериши мумкин.
Бу ҳақида “MundoDeportivo” нашри маълум қилмоқда. Манбанинг маълум қилишича, “қироллик клуби” агар Эрлинг Холанд трансферини амалга ошира олмаса, бор эътиборини Икардига қаратади.
“Интер” аргентиналик ҳужумчини сотиб юборишга тайёр эканлигини расман маълум қилди. Бугунги кунда Икардининг трансфер қиймати 75 миллион еврога тенг.
Жиру “Челси”да қолади?!
Лондоннинг “Челси” жамоаси ҳужумчиси Оливие Жиру клубда қолишни истамоқда “FootballLondon” нашри маълум қилишича, ёзда эркин агентга айланиши кутилаётган ҳужумчи жамоа сафида яна бир мавсум ҳаракат қилишни истамоқда.
Френк Лемпард ҳам ҳужумчининг ҳаракатларидан қониқиш ҳосил қилмоқда.
Манба берган хабарларга қараганда, Жиру ва “Челси” ўртасидаги янги шартнома корона-танаффусдан сўнг имзоланади.
Боатенг учун кураш бошланди
Мюнҳеннинг “Бавария” жамоаси ҳимоячиси Жером Боатенг бир йўла иккита Лондон клубинишонида турибди.
“Footmercato” нашрининг маълум қилишича, 31 ёшли футболчининг ҳизматлари билан “Челси” ва “Арсенал” клублари жиддий қизиқиб қолган.
Эслатиб ўтамиз, Боатенгнинг “Бавария” билан тузган шартномаси 2021-йилда ўз якунига етади. Шу боис, немис клуби ҳимоячини ёзда сотиб юборишга қарор қилди.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
