Ушбу рукнимиздаги энг сўнгги янгиликлар билан таништиришда давом этамиз.
“Ювентус” Погбасиз ҳам ишни битириши мумкин
Туриннинг “Ювентус” жамоаси ёзда Пол Погбани қўлга киритса олмаса, унинг алтернатив вариянти учун ишга киришади.
“Tuttosport” нашри берган хабарларга қараганда, Турин клуби Сергей Миленкович-Савичнинг трансферини амалга ошириши мумкин.
Манбада ёзилишича, агар ёзда Погба учун “қизил иблислар” 100 миллион евро сўраса, жамоа Савичнинг трансферига қўл уради.
Эслатиб ўтамиз, “Латцио” 25 ёшли футболчини 60-65 миллион евро атрофида баҳоламоқда.
“Атлетико” футболчиси “А серия”да?!
Мадриднинг “Атлетико” клуби ярим ҳимоячиси Томас Парти ёзда Италия клубларидан бирига ўтиши мумкин.
“Mundo Deportivo” нашри берган хабарларга қараганда, Италиянинг “Рома” ва “Интер” жамоалари Парти учун курашга қўшилган.
Аввалроқ 26 ёшли футболчининг ҳизматлари билан “Арсенал” ва “Манчестер Юнайтед” клублари қизиқиш билдираётгани ҳақида хабар берган эдик.
Манба берган хабарларга қараганда, “Атлетико” ўз футболчисини 40 миллион евро эвазига қўйиб юборишга рози.
“Лилль” футболчиси “Челси” нишонида
Британия нашрлари берган хабарларга қараганда, Лондоннинг “Челси” клуби “Лилль” клубининг ёш иқтидорли футболчиси Габриэлнинг трансферига қўл уриш арафасида турибди.
Френк Лемпард ҳимоя марказини чапақай ҳимоячи билан тўлдиришни истамоқда. Манбаларнинг маълум қилишича, “Челси” 22 ёшли бразилиялик футболчи билан шахсий шартнома борасида музокарларни бошлаган.
“Лилль” ўз футболчиси учун 40 миллион ево талаб қилмоқда. Габриэл учун “Ювентус” ва “Арсенал” клублари ҳам даъвогар бўлгани боис “Челси” 40 миллиондан камига “Лилл”ни кўндира олмаслиги аниқ.
Мертенс учун кураш авжида
Италиянинг “Наполи” клуби ҳужумчиси Дрис Мертенс учун кураш тобора авжига чиқмода.
Италия нашрларининг хабар беришича, Мертенсни эндиликда Лондоннинг “Арсенал” жамоаси ҳам ўз сафида кўришни истамоқда.
Белгиялик футболчининг “Наполи” билан шартномаси ёзда ўз якунига етади. Шу сабабли “Интер”, “Атлетико” “Валенсия” сингари жамоалар уни текинга қўлга киритиш учун кураш олиб боришмоқда.
“Реал” ўз футболчисидан қутулмоқчи
Яқинлашиб келаётган ёзда “Реал Мадрид” мавсум бошида “Порту”дан сотиб олинган Эдер Милитаони трансферга қўяди.
Маrcа нашри берган хабарларга қараганда, қироллик клуби футболчи билан “Арсенал”, ПСЖ, “Тоттенҳем” ва “Интер” жамоалари қизиқиш билдирмоқда.
Айни дамда, трансфермаркет портали бразилиялик футболчини 32 миллион еврорга баҳоламоқда.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
