Ушбу рукнимиздаги энг сўнгги янгиликлар билан таништиришда давом этамиз.
Кумбула топ жамоада?
Италиянинг “Верона” клуби ҳимоячиси Мараш Кумбула катта эҳтимол билан ёзда топ жамоалардан бирига ўтади.
20 ёшли ҳимоячи учун курашга “Интер” ва “Ювентус” жамоалари қўшилган.
Ҳозир албаниялик футболчи учун асосий даъвогар номи маълум эмас, бироқ “Верона” уни 35 миллионга баҳолаган.
Эслатиб ўтамиз, футболчи билан ўтган мавсумда АПЛнинг бир нечта клуби алоқага чиққан, бироқ “Верона” уни сотиб юборишни истамган эди.
Ҳакими нима қилмоқчи?
Айни дамда ижара асосида Дортмунд клуби шарафини ҳимоя қилаётган Ашраф Ҳакими келажаги борасида якуний қарорга келди.
Унга кўра, футболчи мавсум якунлангач Мадридга қайтишни режалаштирмоқда.
Немис нашрларининг маълум қилишича, унинг Бундеслигадаги ишончли ўйинлари сабабли “Реал” Ҳакимига қўнғироқ қилган ва клуб унга ишонч билдиришини маълум қилган.
Эслатиб ўтамиз, аввалроқ Ҳакими билан “Интер” жамоаси қизиқаётгани ҳақида маълумот бериб ўтган эдик.
“Норвич” футболчиси трендда
Англиянинг “Норвич” клуби футболчиси – Макс Ааронс ёзда АПЛ грандларидан бири томонидан сотиб олиниши кутилмоқда.
“Арсенал” 20 ёшли лотериял билан шартнома имзолаш учун 30 миллион евродан воз кечишга тайёр. Футболчининг ўзи ҳам АПЛдан тушиб кетиши деярли аниқ бўлиб улгурган клубда қолишни истамаяпти. Бундан ташқари, Ааронс билан “Челси”, “Лестер” ва “Тоттенҳем” клублари ҳам жиддий қизиқиб қолган.
Эслатиб ўтамиз, трансфермаркер портали иқтидорли футболчини 18 миллион еврога баҳоламоқда.
Грилиш “қизил иблис”?
“Астон Вила” жамоаси сардори Жек Грилиш ўзининг хурмача қилиқлари билан омма олдида уятли аҳволда қолганига қарамай, ёзда “Манчестер Юнайтед” футболчисига айланиши мумкин.
Инглиз нашрларининг маълум қилишича, “қизил иблислар” Кай Ҳаверц билан омадсиз кечган музокаралардан сўнг, бор эътиборини Грилишнинг трансферига қаратишга қарор қилган.
“The Sun” нашрининг маълум қилишича, “Астон Вила” ўз футболчисини 50 миллион евродан камига қўйиб юбормоқчи эмас.
Силва АПЛда?!
Парижнинг ПСЖ клуби ҳимоячиси Тиаго Силва ёзда АПЛ клубларидан бирининг формасини кийиши мумкин.
Бу ҳақида “Le10sport” нашри маълумот тарқатган. Тажрибали бразилиялик футболчи билан “Эвертон” клуби алоқага чиққан ва унга катта маош кўрсатилган шартнома таклиф қилган.
Эслатиб ўтамиз, ёзда Тиаго Силванинг ПСЖ билан тузган шартномаси ўз якунига етади ва у эркин агентга айланади.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
