«Барселона» Ла лигада кетма-кет иккинчи ўйинда 2:2 ҳисобида дуранг ўйнамоқда, кетма-кет иккинчи учрашувда очко йўқотмоқда. Жамоа бу сафар «Атлетико»ни мағлуб эта олмади.
Учрашувнинг 6-дақиқасидаёқ мадридликлар ҳисобни очишлари мумкин эди. Карраско қанотда белгиланган жаримадан хавфли зарба йўллади. Тўп олис устун ёнгинасидан ўтиб кетди.
Орадан 5 дақиқа ўтиб эса каталонияликлар "стандарт"дан ҳисобни очишди. Месси томонидан бурчакдан етказилган узатма натижасида тўп Диего Костанинг оёғига тегиб, тўрга бориб тушди.
"Барса" ўйинни назорат қилаётгандек эди, аммо Пике рақиб футболчисини ўтказиб юборди. Карраско чап қанотдан аввал Пикедан ўтиб кетди, сўнгра Видаль жарима майдони ичида уни йиқитди. Қизиқ воқеалар шундан сўнг бошланди. Тер Штеген Диего Коста томонидан йўлланган зарбани қайтарди. Аммо ҳакам VARнинг маслаҳати билан қайтадан пенальти тепилиши кераклигини кўрсатди. Тер Штеген зарбадан олдин икки оёғи билан дарвоза чизиғини тарк этган эди. Бу сафар 11 метрли нуқта қаршисига Сауль Ньигес чиқди ва мувозанатни тиклади.
Орадан 3 дақиқа ўтиб Месси фаолиятидаги 700-голни уришга яқин келди. У жарима майдонига бурчак томондан кирди ва чап оёқда айланма зарба берди. Тўп дарвоза устунига енгил тегиб, майдонни тарк этди.
Иккинчи бўлимда дарвозалар томон биттадан пенальти белгилади. Иккинчи бўлим бошида Ариас Семедуга нисбатан эҳтиётсиз ҳаракат қилди. Месси пенальтидан "паненка" услубида зарба йўллаб, фаолиятидаги 700-голни урди.
Орадан тахминан 10 дақиқа ўтиб яна ўша Карраско пенальти ишлашга муваффақ бўлди. Семеду ўзи истамаган ҳолда рақиб футболчисининг оёғига тегиб кетди. Тер Штеген Сауль Ньигес томонидан берилган зарба йўналишини топди, аммо тўп унинг қўлига тегиб, тўрга бориб тушди.
Учрашувнинг сўнгги дақиқаларида футболчиларда чарчоқ сезилди. Ҳимоячилар эса ишончли ҳаракат қилишди. Натижада "Барселона" кетма-кет иккинчи учрашувда 2:2 ҳисобида дуранг ўйнаб, навбатдаги очколарни йўқотди.
"Реал" пайшанба оқшомида "Хетафе"ни мағлуб этса, асосий рақиби билан фарқни 4 очкога етказиб олади.
Испания Ла лигаси, 33-тур
Барселона – Атлетико 2:2 (1:1, 1:1)
Голлар: 1:0 – 11, автогол Диего Коста, 1:1 – 19, пенальти Сауль, 2:1 – 50, пенальти Месси, 2:2 – 62, пенальти Сауль.
Барселона – тер Стеген, Семеду, Пике, Лангле, Альба, Ракитич (Серджи Роберто, 63), Бускетс (Фати, 85), Пуч, Видаль (Гризманн, 90), Суарес, Месси.
Атлетико – Облак, Фелипе, Хименес, Арьяс, Лоди, Сауль, Феррейра Карраско (Лемар, 85), Льоренте (Жоау Феликс, 69), Томас, Корреа (Витоло, 84), Диего Коста (Мората, 76).
Огоҳлантиришлар: тер Стеген (17), Пике (18), Сауль (35), Фелипе (51), Месси (61), Диего Коста (75), Феррейра Карраско (80), Лемар (90).
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
