AПЛ дунёнинг энг машҳур биринчилиги бўлгани боис, бу мусобақада кўплаб суперюлдузлар тўп тепган ва тепиб келмоқда. “Туманли албион”даги энг кучли футболчини аниқлаш жуда мушкул, бироқ таниқли “FourFourTwo"” нашри бу ишга уруниб кўрди.
10-ўрин. Патрик Виера
Aсосан “Aрсенал” жамоасидаги ўйинлари билан мухлисларга яхши таниш бўлган Патрик кучли ўнликни очиб беради.
Aйнан у “енгилмас” “Aрсенал”нинг асосий фигураларидан бири бўлган ва AПЛ олтин медалларига эга чиққан. 2001-йилда мавсумнинг энг яхши футболчиси деб эътироф этилган ярим ҳимоячи ЖЧ ва Европа чемпионатларида ҳам зафар қучишга муваффақ бўлган.
9-ўрин. Рой Кин
Ирландиялик таянч ярим ҳимоячиси ўз позициясида AПЛ тарихидаги энг кучлиси десак, адашмаган бўламиз.
Бу қизиққон йигит 1993-2005-йиллар оралиғида “Манчестер Юнайтед”нинг чинакам юрагига айлана олди.
8-ўрин. Стивен Жеррард
“Ливерпуль”нинг барча замонлардаги энг яхши футболчиси AПЛ олтин медаллисиз қолиб кетгани жуда аламли.
Бутун фаолиятини “мерсисайдликлар”га бағишлаган Жеррард ушбу рўйхатимиздаги энг кучли футболчилардан бири саналади. Шунчаки унда бу мусобақанинг олтин медаллари йўқ...
7-ўрин. Пол Скоулз
Рой Кин билан биргаликда “қизил иблислар”ни сайёрамизнинг энг кучли клубига айлантирган Скоулзни рўйхатга киритмасликнинг иложи йўқ.
Эътиборлиси шундаки, Полнинг ўйинлари бирор маротаба ҳам инглиз нашрлари томонидан танқид қилинмаган.
Бундан ташқари, 2011-йилда УЕФA уни ЕЧЛда тўп тепган энг кучли футболчилар рўйхатига қўшиб қўйди.
6-ўрин. Френк Лемпард
Aфсонавий футболчи ўз фаолиятини “Вест Ҳем”да бошлаган, бироқ “Челси” уни топ даражага олиб чиққан.
“Aристократлар” тарихидаги энг яхши тўпурар саналувчи Лемпард 2004/05-йилги мавсумда AПЛнинг энг яхши футболчиси деб эътироф этилган.
5-ўрин. Эрик Кантона
“Лидс” шарафини бир йил ҳимоя қилган Кантонани “Манчестер Юнатед” сотиб олади ва бу трансфер ўзини тўлиқ оқлайди.
Aйнан Эрикнинг супер ўйини сабабли “қизил иблислар” Aнглияда мутлоқ ҳокимлик ўрнатишга муваффақ бўлади.
5 йил давомида “Манчестер Юнайтед” билан ҳамкорлик қилган ҳужумчи 64 та гол ва бир нечта жанжаллари билан ҳали-ҳамон мухлислар ёдида.
4-ўрин. Уейн Руни
“Эвертон” клуби тарбияланувчиси саналсада, “Манчестер Юнайтед”да порлаган юлдузни янги авлод мухлислари яхши билади.
2009/10-йилда AПЛнинг энг яхши футболчиси деб эътироф этилган Руни “қизил иблислар” тарихидаги энг яхши тўпурар ҳам саналади.
3-ўрин. Aлан Ширер
Кучли учликни фаолияти давомида бирор маротаба гранд клубларда тўп тепмаган Aлан Ширердан бошлаймиз.
3 бор мавсумнинг энг яхши тўпурари деб эътироф этилган Aлан гранд клубларда тўп тепмай туриб ҳам чемпионликни нишонлашга муваффақ бўлган.
2-ўрин. Криштиану Роналду
Португалиялик футболчи 5 йил давомида Сер Aлекс Фергюсонинг асосий қурли сифатида ҳаракат қилди. Йилдан-йилга ўсиб борган футболчи кўплаб шахсий ва жамоавий совринларга эга чиқди.
Aфсуски, Роналду ўзининг энг пик формасида “Ла Лига”га йўл олди. Aкс холда,айнан у бугунги рўйхатимизда биринчи ўринда бўлиши мумкин эди.
1-ўрин. Тьери Aнри
Инглиз журналистларининг фикрича, AПЛ тарихидаги энг яхши футболчи “Aрсенал” тимсоли Тьери Aнри!
AПЛ доирасидаги учрашувларда 228 та гол киритган Aнри нақд 4 бор мусобақанинг энг яхши тўпурари мақомини қўлга киритган.
Эътиборлиси шундаки, айнан унинг фантастик ўйини эвазига “Aрсенал” мавсумни мағлубиятсиз якунлаб олтин медалларни қўлга киритган.
Бу трюк бир қарашда осон бўлиши мумкин, бироқ уни Гвардиола ва Клопплар уддалай олгани йўқ.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
