Stadion.uz Бундеслигани кўтаринки кайфиятда ўтказган бўлсада, омма эътиборидан четда қолган футболчилар ҳақида қисқача маълумот бериб ўтади.
Эдмонд Тапсоба
Тан олиш лозим, “Байер” клуби қишки трансфер ойнасидан жуда унумли фойдаланди. Бир нечта қизиқарли трансферларни амалга оширган клуб жамоани кучайтиришга муваффақ бўлди.
Aна шундай трансферлар қаторида “Виториа”дан 20 миллион еврога ҳарид қилинган Эдмонд Табсоба ҳам бор эди. Эътиборлиси шундаки, ушбу трансфер ўзини тўлиқ оқлади.
Эндигина 21 ёшга қадар қўйган бўлсада, буркинлик жамоанинг асосий таркиб футболчисига айланиб бўлди. Aжойиб тезлик ва иккинчи қаватдаги ишончли ўйин уйғунлигини ўзидан касб этган Эдмонднинг келажаги порлоқ.
Aйни дамда, унинг трансфер суммаси аллақачон икки баробар катталашган. Қаҳрамонимиз “Байер”нинг рестартдан сўнг, энг яхши статистикага эришган футболчисига айланди.
Зак Стеффан
Ўтган ёзда “Фортуна” клуби дарвозабон излашга тушиб кетди. Жамоа ишончли киппер топа олмагач, “Манчестер Сити” клубига тегишли бўлган Зак Стеффани ижарага олди.
Қувонарлиси шундаки, айнан Закнинг ишончли ўйини сабабли “Фортуна” бу мавсумда барча рақиб билан тенгма-тенг кураш олиб борди. Стеффан қуруқ ўйинлар борасида мақтана олмайди, бироқ дарвоза сари йўлланган зарбаларнинг 73 фоизини бартараф этишга муваффақ бўлди.
У ҳали жуда ёш. “Фортуна”га қадар фақат МЛСнинг “Колумбус” жамоасида ҳаракат қилган киппер Европа майдонларида жуда тез ўсмоқда. Тез орада уни “Манчестер Сити” ортга қайтариб олиши ҳам ҳеч гап эмас.
Маркус Тюрам
“Генгам” сафидаги ажойиб ўйинлари сабабли уни “Боруссия М” ҳужумчини ўтган мавсумда сотиб олишга қаро қилган эди.
Бу ўша, афсонавий Лилиан Тюрамнинг ўғли. Тан олиш лозим, 22 ёшли футболчи Бундеслигада ўзини йўқотиб қўймади. Aйниқса, унинг Плеа билан тандем сифатидаги ўйинлари киши кўзини қувонтирди.
28 та ўйинда иштик этган ҳужумчи 8 та гол ва 9 та ассистга муаллифлик қилди. Ўзининг янги жамоасидаги илк мавсумидаёқ ўзига сарф этилган 12 миллиони оқлаган ҳужумчи келаси мавсумларда жамоанинг чинакам етакчисига айланиши аниқ.
Дердик Боята
Ўтган мавсумда “Селтик” билан чемпионликни нишонлаган ҳимоячи “Герта” билан шартнома тузди.
Ёш бўлишига қарамай, аллақачон Белгия терма жамоасининг асосий ҳимоячисига айланган Дердик тез орада гранд клубларда кўриниш бериши аниқ.
Боята “Герта” сафида фантастик ўйин намойиш этган бўлсада, негадир немис журналистларининг бунга эътибор қаратмади. Ҳар бир ўйинда иккинчи қаватдаги курашларнинг 3,2 тасида ғолиб чиқвучи ҳимоячи прессингда жуда фаол меҳнат қилади.
Бундан ташқари, унинг даслабки тезлигига ҳам ажойиб. Балки, келаси мавсумда Дердик Бундеслигани ўзига маҳлиё этар?! Унинг иқтидорга гап-сўз бўлиши мумкин эмас.
Суат Сердар
23 ёшли Сердар “Шалке”даги ўзининг иккинчи мавсумини ўтказди. Ёш бўлишига қарамай, бутун жамоани майдон марказидан бошқарган турк кўплаб гранд жамоалар эътиборига тушиши тахмин қилинган эди, бироқ унинг реклама агентлари яхши ишламган кўринади.
Ҳимоя ва ҳужум ўртасидаги кўприк вазифасини ўтаб берувчи футболчининг статистикаси ҳавасни келтиради, бироқ “Шалке” клуби ёмон мавсум ўтказгани боис ҳам бу мухлислар эътиборидан четда қолган кўринади.
Гап шундаки, Суат аллақачон Германия терма жамоасидан чақирув олган эди, бироқ пандемия сабабли унинг термадаги дебюти ортга чўзиладиган бўлди. Aгарда, ҳеч бўлмаса терма жамоада дебют қилса, ярим ҳимоячининг мухлислари кескин ортиб кетиши аниқ.Ундаги иқтидорга келаси мавсумда албатта баҳо беринг!
Матнда хатолик топсангиз, ўша хатони белгилаб, бизга жўнатинг (Ctrl + Enter).
.jpg)
Жалолиддин Қобилжонов
Холис таҳлилчи блоги
Фурқат Қурбонов
Ҳасанали ота
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Шуҳрат Шокиржонов
Шерзод Ражабов
Қаҳрамон Асланов
