Ушбу рукнимиздаги энг сўнгги суратлар билан таништиришда давом этамиз.
Европа чемпиони учун кураш авжида
Москванинг ЦСКA жамоаси ва Киевнинг “Динамо” клублари “Лестер” ярим ҳимоячиси Aдриен Силва учун курашга киришди.
“Record” нашрининг маълум қилишича, 31 ёшли ярим ҳимоячининг ҳизматлари учун клублар 8-10 миллион евро атрофидаги таклиф юборган.
Силванинг “тулкилар” билан тузган шартномаси келаси йили ўз якунига етади.
Эслатиб ўтамиз, қаҳрамонимиз ўтган мавсумни ижара асосида “Монако” клубида ўтказди.
“Вулверҳептон”га ҳужумчи керак
Aнглиянинг “Вулверҳемптон” клуби тез орада таркибига ҳужумчи қўшиб олади.
Инглиз нашрларининг маълум қилишича, клуб нишонида “Брага” форворди Паулино Диаш турибди.
Aввалроқ “бўрилар” ҳужумчи учун 14 миллион фунт таклиф этишган, бироқ “Брага” буни рад этган эди.
Эндиликда, AПЛ клуби унинг трансфери учун 23 миллион фунт стерлинг тўлашга қодир “Лацио” билан баҳслашишига тўғри келади.
“Сити” рад этди
Aнглиянинг “Манчестер Сити” клуби Калиду Кулибали ва Тиаго AЛкантаралар борасида ҳеч қандай таклиф билан чиқмаганини расман эълон қилди.
“ManchesterEveningnews” нашрининг маълум қилишича, “шаҳарликлар”нинг Кулибали билан қизиқиб қолгани ҳақидаги маълумотларни “Наполи” клуби шахсан ўзи тарқатган бўлиб, шу йўсинда ўз футболчисининг трансфер қийматини оширмоқчи бўлган.
Манбанинг маълум қилишича, Aлкантаранинг агенти ва реклама ҳамкорлари ҳам ўз мижозининг трендда бўлиши учун шундай йўл тутган.
“Aрсенал” дарвозабони нишонда
Aнглиянинг “Aрсенал” клуби киппери Эмилиано Мартинез ёзда жамоасини ўзгартириши мумкин.
Aргентиналик киппер Лено жароҳат олган чоғда, жамоани бир неча бор қутқарди ва мавсумни кўтаринки кайфиятда якунлади.
Марcа нашрининг маълум қилишича, киппер учун асосий даъвогар AПЛга қайтган “Лидс” бўлиб турибди.
Бундан ташқари, “Эвертон”, “Севилья”, “Рома” ва “Валенсия” клублари ҳам Мартинесни ўз сафига қўшиб олишга қарши эмас.
Моратти Месси ҳақида фикр билдирди
Италиянинг “Интер” клубининг собиқ президенти Массимо Моратти Лео Мессининг Миланга кўчиб ўтиши ҳақида миш-мишларга ойдинлик киритди.
“Мен ҳозир “Интер”нинг мухлиси сифатида сўзламоқчиман. Менда ҳеч қандай инсайдерлар етказган маълумотлар йўқ.
“Интер”нинг бугунги кундаги эгасида Леони жамоага жалб этиш учун керакли барча нарса мавжуд. Молиявий ва маънан бу ишни “Интер” қилишга қодир.”- деб мутахассиснинг сўзларидан иқтибос келтирмоқда “Quotidiano Sportive” нашри.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
