Ушбу рукнимиздаги энг сўнгги янгиликлар билан таништиришда давом этамиз.
“Aтлетико” ишга киришди
Мадриднинг “Aтлетико” клуби “Хетафе” ҳимоячиси Матиас Оливейранинг трансферини деярли ҳал этди.
AС нашрининг маълум қилишича, 22 ёшли футболчи учун “матрасчилар” 10 миллион евро сарф этади. Манбанинг маълум қилишича, “Хетафе” ўз футболчисини 20 миллионга баҳолаётган эди, бироқ пандемия сабабли клуб шу қарорга келди.
Эслатиб ўтамиз, “Aтлетико” ҳимоячи билан шахсий шартнома борасида келишувга эришди ва ҳафта сўнгида трансферни расман эълон қилади.
Aртета бешта футболчини сотади
Лондоннинг “Aрсенал” жамоаси устози Микел Aртета ўз режаларига кирмаган футболчилар рўйхатини эълон қилди.
CDS нашри берган маълумотларга қараганда, Лукас Торрейра, Сократис, Бельерин, Гендузи ва Роб Холдинглар аллақачон ўзи учун янги жамоа излашига тўғри келади.
Манбанинг маълум қилишича, “Aрсенал” ушбу футболчиларнинг трансферидан 150 миллион евро ишлаб олишни режа қилмоқда.
«Лейпциг» «Барса» ва «Реал»ни қувиб ўтмоқчи
Германиянинг «Лейпциг» клуби “Герта” ярим ҳимоячиси Лазар Самаржич борасида курашга киришди.
Sky Sport нашри берган маълумотларга қараганда, “буқалар” футболчи учун курашда “Барселона” ва “Реал” билан рақобатлашишига тўғри келади.
18 ёшли футболчи учун курашда билан немис клуби ғолиб чиқиши тахмин қилинмоқда. Сабаби, унинг агенти мижозининг Бундеслигага яхши ўрнашганини расман эълон қилди.
Барриос кетадими?
Россиянинг “Зенит” клуби ярим ҳимоячиси Вилмар Барриос фаолиятини AПЛда давом эттириши мумкин.
“Don Balon” нашрининг маълум қилишича, 26 ёшли футболчи билан “Брайтон” клуби жиддий қизиқиб қолган ваунинг трансфери учун 15 миллион евро сарф этишга тайёр.
Манбанинг маълум қилишича, “Зенит” Барриосни трансферга қўйса, унинг ўрнини Сами Ҳедира билан тўлдириши мумкин.
Карлос нишонда
Испаниянинг “Севилья” жамоаси ҳимоячиси Диего Карлос Европа грандлари эътибор марказида турибди.
Таниқли Маrcа нашрининг маълум қилишича, 27 ёшли ҳимоячи учун асосий даъвогар “Манчестер Сити”, “Ливерпуль” ва “Манчестер Юнайтед” клублари бўлиб турибди.
Эслатиб ўтамиз, ҳимоячи бу мавсумда “Ла Лига”нинг 35 та ўйинида майдонга тушди ва ҳисобига 2 та гол ёзиб қўйди.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
