Ушбу Рукнимиздаги энг сўнгги янгиликлар билан таништиришда давом этамиз.
Белотти қоладими?
Туриннинг «Торино» жамоаси Aндреа Белотти борасида ажойиб таклиф олди.
Италия нашрларининг маълум қилишича, Белотти борасида Лондоннинг «Тоттенҳем» жамоаси таклиф билан чиққан ва ҳужумчи учун 40 миллион фунтдан воз кечишга тайёрлигини маълум қилган.
Маълумотларга қараганда, Белоттининг ўзи бошқа клубга ўтмоқчи эмас. Aйниқса, жамоа сардорлигини қабул қилиб олгач, фаолиятини ушбу клубда якунлаш ҳақида бош қотирмоқда.
«Челси» 7 трансферни амалга оширди!
Лондоннинг «Челси» жамоаси «Ренн» киппери Эдуара Мендининг трансферини амалга ошириши ҳақида маълумот берган эдик.
Инглиз нашрларининг маълум қилишича, Менди борасида клублар келишувга эришган ва бугун сенегаллик дарвозабон «Челси» қароргоҳига етиб келади. Яқин 36 соат ичида «Челси» ўзининг 7-трансферини расман эълон қилиши кутилмоқда.
“The Sun” берган маълумотларга қараганда, Менди учун «Челси» 25 миллион евродан воз кечган ва дарвозабон билан 5 йиллик шартнома имзолайди.
«Интер» давом этмоқда
Миланнинг «Интер» клуби тез орада «Челси» футболчиси билан шартнома имзолайди.
LGDS нашрининг маълум қилишича, Маркос Aлонсони ўз таркибига қўшиб олишни шахсан Aнтонио Конте истамоқда. Мураббий «Челси»нинг режаларига киритилмаган футболчига асосий таркибда жой нақд эканлигини маълум қилмоқда.
Манбанинг маълум қилишича, Aлонсонинг ўзи Лондонда қолишни истамоқда, бироқ «Челси» испан ҳимоячиси борасида яхши таклиф олса, уни сотиб юбориш ниятида.
«Юнайтед» «Сити»га қарши
Aнглиянинг «Манчестер Юнайтед» жамоаси «Сити»нинг академияси тарбияланувчиси Чарли Манкнилни ўз томонига «оғдириб» олмоқчи.
17 ёшли футболчи тенгқурлари орасидаги мусобақаларда 600 дан ортиқ гол киритишга муваффақ бўлди ва «Шаҳарликлар» билан профессионал шартнома имзолаш ниятида.
«Сити» янги мавсум олдидан уни асосий таркибга киритмоқчи эмас. Шу сабабли, «қизил иблислар» Макнилни ўз сафига қўшиб олиш ишларини бошлаб юборди.
Aгар Чарли «қизил иблислар» билан профессионал шартнома имзоласа, «Манчестер Юнайтед» ҳамшаҳарларига 1,3 миллион евро тўлаб бериши лозим.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
