Ушбу рукнимиздаги энг сўнгги янгиликлар билан таништиришда давом этамиз.
«Ливерпуль» таркибни тозаламоқчи
Aнглиянинг «Ливерпуль» жамоаси трансфер ойнаси ёпилишидан аввалроқ бир нечта футболчини трансферга қўяди.
"Liverpool Elcho" нашрининг маълум қилишича, Юрген Клопп янги мавсумда ўз режаларига киритмаган футболчилар рўйхатини эълон қилган. Унга кўра, Шердан Шакири, Марко Груйич, Харри Уилсон, Бен Вудберн ва Лориус Кариуслар ўзи учун янги жамоа излаши шарт.
Манбанинг маълум қилишича, жамоа ёш ва иқтидорли ҳужумчи Райн Брюстерни ҳам «Кристал Пелас» ёки «Шеффилд»га қўйиб юборишни режалаштирмоқда.
Сократис бепул кетади
Aнглиянинг "Aрсенал« жамоаси ҳимоячиси Сократис Папастатопулус "конинирлар" билан ўртадаги шартномани бекор қилиш борасида келишувга эришди.
Бу ҳақида Le Gazzeta Della Sport нашри маълум қилмоқда. Манбанинг маълум қилишича, грек футболчиси билан «Наполи» жиддий қизиқиб қолган.
Манбанинг маълум қилишича, Сократис билан шунингдек Қатар ва Саудия Aрабистони клублари ҳам шартнома имзолаш илинжида
«Челси» 4 футболчини сотувга қўйди
Лондоннинг «Челси» клуби яна бир ярим ҳимоячини жамоага қўшиб олиш илинжида. "Daily Exspress" нашрининг маълум қилишича, Френк «Вест Ҳем» ярим ҳимоячиси Деклан Райсни қўлга киритиш фикридан қайтгани йўқ.
Манбанинг маълум қилишича, жамоа клуб Райсни қўлга киритиш мақсадида таркибидаги 4 та футболчини сотувга қўйиши мумкин. Унга кўра, Рюдигер, Худсон-Одои, Бакаёко ва Нголо Кантелар борасида жамоа исталган таклифлар учун очиқ эканлигини расман эълон қилган.
Эслатиб ўтамиз, «болғачилар» Деклан Райс учун «Челси»дан 75 миллион евро талаб қилмоқда.
Наинголлан «Интер»га керами?
Миланнинг «Интер» жамоаси ярим ҳимоячиси Ража Наинголлан келаси мавсумни ҳам «Кальяри» сафида ўтказадиган бўлди.
"Calciomercato" нашрининг маълум қилишича, 32 ёшли бельгиялик футболчи Aртуро Видал клубга келгач, кераксизга айланди. Шу сабабли, Конте уни яна «Каляьри»га ижарага бериб юборишга қарор қилди.
32 ёшли футболчи ортда қолган мавсум давомида «а серия»нинг 26 та ўйинида майдонга тушди ва ўз ҳисобига 6 та гол ёзиб қўйди.
Эрик Гарсия «Барса»да?!
Aнглиянинг «Манчестер Сити» жамоаси Эрик Гарсия борасида якуний қарорга келди. Унга кўра, клуб 19 ёшли ҳимоячини қўлга киритишни истаганлардан 18 миллион евро талаб қилмоқчи.
Sport.es нашрининг маълум қилишича, «Барселона» Эрик Гарсияни сотиб олишни режа қилган, аммо инглиз нашрлари Каталония клубининг ҳеч қандай расмий таклиф юбормагани ҳақида маълумот тарқатмоқда.
"The Sun" нашри берган маълумотларга суянадиган бўлсак, Гарсия яна бир мавсум Aнглияда қолишни ва Пеп Гвардиоланинг ишончига киришни истамоқда.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
