Ушбу рукнимиздаги энг сўнгги янгиликлар билан таништиришда давом этамиз.
«Барселона» Усманни неча пулга сотмади?
Каталониянинг «Барселона» жамоаси Усман Дембелени Январда сотиб юборишга қарор қилди.
«Diario Sport» нашрининг маълум қилишича, «Барса» ҳужумчининг трансфер қийматини 80 дан 50 миллион еврога қадар туширган.
Манбанинг маълум қилишича, Каталония клуби ҳужумчиси учун асосий даъвогар «Манчестер Юнайтед» бўлиб турибди.
«Бавария»нинг сири фош бўлди
Мюнҳеннинг «Бавария» клуби ёзда ким билан шартнома имзоламоқчи бўлгани маълум бўлди.
Таниқли Маrcа нашрининг хабар беришича, немислар «Реал Мадрид» ярим ҳимоячиси Феде Валверде билан шартнома имзолашга уриниб кўрган.
Манбанинг маълум қилишича, «Бавария» жамоани тарк этган Тяго Алкантаранинг ўрнини уругвайлик футболчи билан тўлдирмоқчи бўлган.
Маълумотларга қараганда, Валверденинг агенти «Бавария» расмийлари билан учрашган ва уларга рад жавобини берган.
Алаба Туринда?!
Мюнҳеннинг «Бавария» жамоаси универсал ҳимоячиси Давид Алаба фаолиятини «Ювентус» клубида давом эттириши мумкин.
«Tuttosport» нашрининг маълум қилишича, австриялик футболчи «Бавария» билан янги шартнома борасида келиша олмаяпти. Шу боис, Турин супер клуби уни ўз сафига қўшиб олиш учун Алабага шартнома таклиф қилмоқда.
Эслатиб ўтамиз, Алаба мавсум сўнггида эркин агент мақомида истаган жамоаси билан шартнома имзолаш ҳуқуқини қўлга киритади.
Мата кетадими?
Трансферлар бўйича эксперт Йон МакГери «Манчестер Юнайтед» ярим ҳимоячиси Хуан Матанинг келажаги борасида фикр билдирди.
Унинг айтишича, Мата билан турк клублари қизиқиб қолган бўлиб, улар испаниялик ярим ҳимоячи учун 10 миллион евродан воз кечишга тайёр.
Эслатиб ўтамиз, Сулшер ярим ҳимоячини ўз режаларига киритмаган. Шу боис, Матанинг агентлари мижози учун янги клуб излашда давом этмоқда.
Манжукич “Лига 1" га йўл оладими?
«Бавария» ва «Ювентус» клубларининг собиқ футболчиси Марио Манжукич фаолиятини «Марсел» жамоасида давом эттириши мумкин.
“Footmercato” нашрининг маълум қилишича, француз клуби 34 ёшли футболчи учун 2 йиллик шартнома таклиф қилмоқда. Аввалроқ, «Локомотив» билан маош борасида келиша олмаган хорват тез орада музокараларга киришади.
Эслатиб ўтамиз, Манжукич айни дамда эркин агент мақомида ва ўзи учун янги жамоа изламоқда.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
