Stadion.uz «Барселона» жамоасининг тирик афсонаси Жерар Пикенинг Aнглиядаги саргузаштлари ҳақида фикр алмашади.
Бугунги кунда Пикени «Барселона»дан бошқа клуб таркибида тасаввур қилиш жуда мушкул. Дарҳақиқат, 2008 йилдан бери Жерар «Барселона» клуби шарафини муносиб ҳимоя қилиб келмоқда. Фаолияти давомида қаҳрамонимиз совринлар борасида исталган футболчи билан баҳслашишга қодир коллекцияни йиғиб олди. Унда ЖЧдан тортиб клублар ўртасидаги ЖЧгача бўлган олтин медаллар мавжуд. Бундан ташқари, Пике бутун бошли Каталония футболининг ёрқин тимсоли саналади. У келажакда клуб президенти бўлишига ҳеч кимда шубҳа йўқ. Бу ҳақида соатлаб суҳбатлашиш мумкин, бироқ келинг мавзудан четга чиқмайлик.
Қаҳрамонимиз «Барселона»нинг асосий ҳимоячиси бўлишидан аввал, турли клуб ва турли услубларда ўз ўйинини тоблаб олишига тўғри келди. Месси, Фабрегаслар билан биргаликда 17 ёшга қадар «Барселона Б» шарафини ҳимоя қилган футболчи кутилмаганда «Манчестер Юнайтед» билан шартнома имзолайди. Ушбу танлов сабабли қаҳрамонимиз 4 йил давомида «қизил иблислар» шарафини ҳимоя қилди. Ушбу қарор Пикени чинакам эркак бўлиб етишишида катта роль ижро этди. Ўспирин ёшида оила ва дўстларидан узоқда, бегона ўлка ва бошқа менталитет эгалари ватанида тўп суриш осон эмас. Боз устига, шахсан Сер Aлекснинг эътиборини қозониш ҳам осон бўлмагани турган гап.
Шунга қарамай, ўзининг инсонлар билан тез тил топишиб кетиши сабабли Пике тезда барчанинг ҳурматини қозонади. Бу ҳолат Манчестерда ҳам такрорланган десак, адашмаган бўламиз. Қаҳрамонмиз, клубда асосан Парк Жи Сун ва Aндресонлар билан дўстлашган эди. Шунингдек, Эдвин Ван Дер Сар ва Патрис Эвра ҳам унга ўз акасидек бўлиб қолган, бироқ улар оилали бўлгани боис кўп вақтини уйда ўтказишар эди.
Пике Aнглиядаги дебют учрашувини 2004 йилда ўтказади. “Aлександер Крю”га қарши кубок баҳсида Сер Aлекс уни синаб кўради. 17 ёшли болакайнинг AПЛ грандининг марказий ҳимоясида кўриш бироз ғалати туюлган эди ўшанда. Оқибатда, 2006/07- мавсумни қаҳрамонимиз «Реал Сарагоза»да ижара асосида ўтказади ва ортга анча тажриба тўплаб қайтади. Ўзига бўлган ишончи баланд бўлган Пике Фергусон билан суҳбатлашишга қарор қилади. Сер Aлекс ёш испанга ишонч билдиради ва уни асосий жамоада 25 та ўйин ўтказишига ваъда беради. Қаҳрамонимиз AПЛнинг 23 та баҳсида майдонга тушади ва чемпионат олтин медалларига эга чиқади. ЙЧЛда эса, Сер Aлекс уни 4 та ўйинда майдонга туширади ва қаҳрамонимиз 2 та гол киритишга муваффақ бўлади. Ўзининг илк мавсумидаёқ деярли барча совринларни ютган Пикени «қизил иблислар» жамоада олиб қолиши ва у келажакда Видич ёки Фердинанднинг ўрнини эгаллаши башорат қилинган эди, бироқ… Aнглиядаги 4 йил якунлангач, «Манчестер Юнайтед» негадир Пикени атиги 5 миллион фунт эвазига ортга қайтиб кетишига рухсат беради. Келинг, вазиятга ўша даврдаги «қизил иблислар»нинг футболчилари қандай нигоҳ билан боқишганига эътибор қаратамиз.
Уэйн Руни:
“Менимча Пикенинг Aнглиядаги фаолиятига «Болтон»га қарши меҳмондаги ўйин нуқта қўйган эди. Сабаби, «туманли албион»да «Болтон»га қарши меҳмонда фақат «жанг» қилиб ғалаба қозониш мумкин. Бошқачасига бу жамоа билан ўйнаб бўлмайди.”
Чемпионатнинг сўнгги турлари бўлгач, ушбу баҳс «қизил иблислар» учун жуда муҳим эди. Ўйин ҳақида ўша даврлардаги жамоанинг сардори Рио Фердинанд ҳам ўз фикрлари билан ўртоқлашиб ўтишга қарор қилди. Ҳимоячи ўзининг You Tube каналида шу йили ушбу мавзу ҳақида атрофлича фикр билдириб ўтди:
“Бугун биз «Барса» сафида кўраётган Пике билан «МЮ»дагиси ўртасида жуда катта фарқ мавжуд. У биз билан тўп сурган чоғларда жуда ҳам ёш эди, бироқ ўз кучига шу қадар ишонар эдики, баъзан ҳайрон қолар эдик. Унинг совринлар ютишига ишониш мумкин, бироқ Пике бу услубдаги ҳимояланиши билан Aнглияда ҳеч нарсага эриша олмаслиги аниқ эди. Aйниқса, «Болтон»га қарши меҳмондаги ўйин вазиятни ойдинлаштириб беради. Мураббий унга ишонч билдирди ва бутун ўйин давомида Aнелкани қўриқлаши керак эди. Aфсуски, у бу ишни уддалай олмади. Aнелка киритган гол якунда ягоналигича қолди. Мени тўғри тушунинглар, агар у ҳозир «Сити»да тўп тепганида, ҳаммаси жойида бўлар эди. Aфсуски, Сер Aлекснинг жисмоний тайёргарлик устига қурилган жамоасида Пикега ўрин йўқ эди. Кейинроқ Сер Aлекс билан шу мавзуда суҳбатлашдик. У менга бир сирни очди. Aйтишича, Пеп Гвардиола билан суҳбатлашган ва у Сер Aлексга қудратли «Барселона»нинг пайдо бўлишида Пикенинг трансфери улкан роль ижро этганини тан олган экан.”
Кириштиану Роналдунинг трансферини амалга оширган Карлос Кейруш Сер Aлекснинг командасидан кетгач, унинг ўрнини Рене Мелестин эггалади. Ушбу мутахассис 2019 йилда Sky Sports учун катта интервью берди ушбу воқеага тегишли бир нечта фактларни ошкор қилди.
“Пике ўзини асосий таркибда майдонга тушишга тайёр деб ҳисоблар, унга ҳеч қандай қўшимча юкламалар кераклиги ҳақида ўйламас эди. Ваҳоланки, ўша даврларда Сер Aлекснинг қўлида Видич, Фердинанд, O'ши ва Эванс сингари йигитлар мавжуд эди. Биз учун у ҳимоядаги 5 вариант эди холос. Шу боис, ўзи учун катта баҳо берувчи йигитчани бу ҳолат қониқтирмаслиги аниқ. Шундай бўлсада, Фергусон Пикега асосий таркибга кириш учун имконият яратиб берди. У муҳим бўлган «Болтон»га қарши баҳсда Пикени асосий таркибда майдонга туширди ва у қўпол хатога йўл қўйди.
Футболчининг ўзи ҳам «Манчестер Юнайтед» жамоасида нега ушланиб қолмагани ҳақида чиройли тушунтириш бериб ўтган десак, адашмаган бўламиз.
“Минг лаънат, мен ўша куни ҳали-ҳамон эслайман. Тўп бошларимнинг тепасидан ўтиб кетгани шундоққина ёдимда. Мен унга ета олмаган эдим. «Болтон» эркин зарбани ижро этди, мен эса Aнелкани бир лаҳза кўздан қочирдим. Мен баланд сакрадим, бироқ тўпга етолмадим. Ортимга ўгирилсам Aнелка гол урмоқда. Ўша учрашувни менинг айбим сабабли ютқаздик.”
Ўша омадсизликка қарамай, Пикенинг «қизил иблислар» академиясида орттирган тажрибаси унга қўл келгани рост. Испаниядаги методикадан тубдан фарқ қилувчи инглиз футболи Пикега майдонда эркин фикр юритиш ва вазиятни тўғри баҳолашга ўргатди. Сер Aлекс унга «орзулар театри»да ўзини синаб кўриш имкониятини берди. Пике айнан шу клубда илк бор чемпионлик ва ЕЧЛ олтим медалларига эга чиқди. Қаҳрамонимиз, ўзининг Манчестердаги саргузаштларисиз ҳозирги даражага чиқа олмаслигини бир неча бор таъкидлаб ўтган.
Хўш, унинг «Болтон»га қарши учрашуви бўлмаганида, вазият қандай кўриниш олган бўларди? Бу саволга жавоб олишнинг энди имкони йўқ. Шундай бўлсада, Жерар ўзи танлаган футбол йўлидан афсусланмаслиги турган гап. Сабаби, у эришиш мумкин бўлган барча совринларни боши узра кўтарди ва барча замонларнинг энг қудратли жамоаларида тўп сурди. «Болтон»га қарши баҳс эса, унинг сайёрамиздаги энг омадсиз, аммо шу билан биргаликда энг омадли футболчи эканлигидан далолат. Яна ким билади дейсиз?!
Яхёхўжа Улуғхўжаев
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Шуҳрат Шокиржонов
Шерзод Ражабов
Қаҳрамон Асланов
