Stadion.uz «олтин тўп» совринини боши узра кўтарган барча италиялик футболчиларни ёдга олади.
Омар Сивори
20-аср ўрталарида иккита фуқароликка эга бўлиш футболчиларга ортиқча муаммо туғдирмас эди. Омар Сивори ҳам Италияга кўчиб келгач, ўз келажагини айни шу жамоада кўрди ва адашмади. Қаҳрамонимиз «Ювентус» билан шартнома имзолагач, тўлиқлигича ўзини Италия футболига бағишлади. Аргентинада туғилган бўлсада, Омар Италия фуқаролигида тўп суришга қарор қилди. Сивори 1961 йилда «Ювентус» сафида ўзининг энг яхши мавсумини ўтказди. Чемпионлик қўлга киритилди ва Сивори тўпурарга айланди. Мавсум сўнггида эса, «France Football» Европанинг энг яхши футболчиси деб айнан Сиворини тан олади.
Жанни Ривера
«Олтин бола» лақабини олган Риверани бугунги авлод мухлислари яхши танимаслиги мумкин. 1969 йилда «олтин тўп»ни ўзиники қилиб олган ярим ҳимоячи деярли бутун умрини «Милан» жамоасида ўтказган десак, адашмаган бўламиз. Айнан 1969 йилда «Милан» унинг сардори остида Европа чемпионлар кубогида зафар қучади. Совринни қабул қилиб олгач, Ривера ўша машҳур сўзларини айтган эди:
«Биласизми, »олтин тўп« энг машҳур шахсий соврин бўлсада, уни жамоавий ғалабалар учун беришади. Шундай экан, футболда ҳеч қандай шахсий соврин мавжуд эмас. »Милан« Европа чемпионлар кубогида зафар қучди! Демак, мен совринга эга чиқаман.»
Паоло Росси
2020 йилнинг 9 декабрь санасида вафот этган Росси ҳам Италия футболида ўзидан из қолдиришга муваффақ бўлган футболчилардан бири эди. Айнан у Мишел Платини билан биргаликда ажойиб тандем ҳосил қилгач, «Ювентус» енгилмас кучга айланган эди. 1982 йилга келиб, Росси ўзининг энг кучли спорт формасига кириб олди. 1982/1983 йилги мавсумда Росси Италия чемпионлигини қўлга киритди. Кейин, Италия билан биргаликда ЖЧда олтин медалларга эга чиқди. мавсум сўнггида эса, уни Европадаги энг кучли футболчи деб эътироф этишди. Ўша пайтларда, бу соврин Европадаги футболчилар орасида берилган бўлсада, Росси мундиалда ўз бу совринга 100 фоиз ҳақли эканлигини исботлаб қўйган эди.
Роберто Баджо
Афсонавий футболчи Италиянинг бир нечта клубида тўп сурган бўлсада, унга «олтин тўп» айнан «Ювентус» сафидаги ўйинлари учун топширилган эди. Эътибор берган бўлсангиз, Италиялик футболчиларнинг аксарияти Турин супер клубидаги фаолияти чоғида «олтин тўп»ни боши узра кўтаришга муваффақ бўлган. Ваҳоланки, 1993 йилда «Ювевнтус» «а серия»ни фақат 4-ўриндагина якунлаган эди. «Ювентус» жамоасиБаджо билан биргаликда УЕФА кубогидаги ишончли ғалаба қозонади. Ўша турнирда Роберто жуда ишончли ҳаракат қилди. Эътиборлиси шундаки, мусобақанинг иккита ўйиндан иборат финалида Баджо 2 та гол киритишга муваффақ бўлади ва италияликларга УЕФА кубогида зафар қучиш имкониятини тақдим этади. Мавсум сўнггида эса, «Ювентус» ҳужумчиси Роберто Баджога «олтин тўп» тақдим этилади.
Фабио Каннаваро
Тан олиш лозим, Каннаваронинг «олтин тўп»га лойиқ кўрилиши кўплаб нашрлар томонидан турли талқинда ёритилган эди. Шундай бўлсада, тан олиш лозим Фабио 2006 йилни жуда яхши бошлаган эди. Италия чемпионлиги, «а серия»нинг энг яхши ҳимоячиси соврини. ЖЧда эса, Италияликлар бутун мусобақа давомида атиги 2 та гол ўтказиб юборишади. Улардан бити автогол бўлса, иккинчи Зидан томонидан пененко услубида берилган зарба эди. Бундай метин ҳимоя ортида «Скуадра Адзурра»нинг «жангчи» ҳимоячилари тутга ўрни беқиёс.
Мусобақада Италиянинг ғалаба қозониши Каннаваронинг «олтин тўп» учун имкониятларини янада яхшилади. Якунда, у бу совринга эга чиққан 5-футболчига айланди. Қаҳрамонимиз соврин учун баҳсда Анри, Роналдино ва Буффон сингари афсоналарни ортда қолдиради. Эътиборлиси шундаки, у бугунги кунга қадар ушбу совринга эга чиққан сўнгги ҳимоячи бўлиб турибди.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
