Яқинда «Вест Бромвич» устози Славен Биличга чиқиш эшиклари кўрсатиб юборилди. Бу AПЛда йилнинг энг биринчи истеъфосига айланди. Aслида, примьер лига вакилларининг аъзолари тезда мураббийларни бўшатиб юбориш борасида етакчилик қилишмоқда. Билич нақд 13 та ўйиндан сўнг ишдан олинди. Бу вақт камдек туйилиши бўлиши мумкин, аммо «туманли албион» учун эмас. Бугун ушбу турнирда эрта ишдан олинган мураббийларни ёдга оламиз.
2016/17 – Франческо Гвидолин («Суонси») 7 та ўйиндан сўнг
Уэлс клубининг устози атиги 7 та ўйиндан сўнг ишдан олинди. Гап шундаки, клуб ушбу учрашувларда атиги 4 очко жамғарди холос. Тажрибали мураббий ўзининг 61 ёшга тўлган куни ишдан олинди. Ўз туғилган кунида ишдан олинди. Балки шу боис, мураббий ўз маошининг қолган қисмини ундириш мақсадида «Суонси» билан узоқ судлашди.
2003/04 – Гленн Ходдл («Тоттенхем») 6 та ўйидан сўнг
«Тоттенҳем» жамоаси афсонаси Глен Ходдл мураббий сифатида катта ютуқлари эришгани йўқ. Шундай бўлсада, у «Шпорлар» сафида 2,5 йил фаолият олиб борди. Янги мавсумда эса, у бошчилигидаги жамоа жуда омадсиз старт олди. Мавсум бошидаги 6 та ўйинда Гленн атиги 4 очко жамғарди холос. Оқибатда, Лондон клуби клубнинг тирик афсонасини ишдан олишга мажбур бўлди.
1996/97 – Говард Уилкинсон («Лидс») 5 та ўйиндан сўнг
Aслида, Горвард бошчилигида «товуслар» ёмон старт олмади. Клуб ўзининг мавсум бошидаги 5 та учрашувидан сўнг, турнир жадвалида 10-поғонада бораётган эди. Мураббий ёшартирилган таркиб билан мавсум сўнггида кучли олтиталикда болишни режа қилган пайтда уни истеъфога чиқариб юборишди. Бунга сабаб сифатида «Манчестер Юнайтед» жамоасидан 4:0 ҳисобида қабул қилиб олган мағлубиятни кўрсатишимиз мумкин. Ўша учрашувдан сўнг, раҳбарият мураббийлар штабини тўлиқ алмаштириб юборди.
2013/14 – Паоло Ди Канио («Сандерленд») 5 та ўйиндан сўнг
Ўзининг қизиққонлиги билан бошқалардан ажралиб турувчи мураббий «Сандерленд» билан биринчи уринишда элитада жон сақлаб қолди. Кейинги мавсумда эса, кутилган омадсизлик юз берди. Чемпионатнинг илк 5 та туридан сўнг, «Сандерленд» 20-поғонага тушиб кетади. Ди Каниога эса «тўғри тушунтириб юборишади».
2000/01 – Джанлука Виалли («Челси») 5 та ўйиндан сўнг
Лондоннинг «Челси» жамоаси футболчиси ўзининг мураббийлик фаолиятини «аристократлар» сафида бошлайди. Ўзининг илк мавсумида 3 та соврин ютган бўлсада, келаси мавсум унинг учун омадсиз якунланди. Италиялик мураббий янги мавсумнинг илк 5 та турида омадсизликка учрайди. Оқибатда, жамоада фантастик старт олган мураббийга атиги 5 тагина тур ишонч билдирди холос.
2017/18 – Франк де Бур («Кристал Пелас») 4 та ўйиндан сўнг
Франк Де Бур AПЛ тарихидаги энг эрта ишдан олинган мураббийлардан бири саналади. Голландиялик мураббий «Кристал Пелас» жамоаси билан мавсумнинг илк 4 та турида 4 та мағлубиятга учради. Шу боис, ҳақли равишда Де Бур истеъфога чиқарилди.
2019/20 – Хави Грасия («Уотфорд») 4 та ўйиндан сўнг
«Уотфурд» жамоаси ўзининг мураббийларга нисбатан бесабрлиги билан ажралиб туради. Ортда қолган мавсумда Хави Гарcия шу одатнинг қурбонига айланди. Ваҳоланки, ушбу учрашувларда 1 очко жамғарган. Жамоа раҳбарлари эса тезроқ кучли тўртликка кириш мақсадида Хави Гарcияни ишдан олиб ташлади. Aфсуски, «Уотфурд»нинг бу одати ҳали-ҳамон давом этмоқда.
2004/05 – Бобби Робсон («Нюкасл») 4 та ўйиндан сўнг
«Нюкасл» жамоаси Бобби Робсонни нима учун истеъфога чиқаргани тушунарсиз. Ваҳоланки, ўтган мавсумда «Нюкасл» жамоаси AПЛни 5-поғонада якунлаган эди. УЕФA кубогида эса, ярим финалга қадар етиб борган мураббийнинг янги мавсумда 4 та турдаги омадсизлигини клуб кечира олмади. Тўғриси, жуда ҳам тушунарсиз қарор.
1993/94 – Питер Рид («Манчестер Сити») 4 та ўйиндан сўнг
1993 йилнинг бошида «Манчестер Сити»да катта ўзгаришлар содир бўлди. Раҳбарият ҳам тўлиқ алмаштирилгач, жамоа натижалари ҳам пасайиб кетди. Жамоа AПЛ стартидаги 4 та ўйинда атиги битта гол урди. Шу боис, Питер Рид эрта ишдан олинди.
1998/99 – Кенни Далглиш («Нюкасл») 2 та ўйиндан сўнг
Жамоа мавсум олди машғулотлар чоғида «Ливерпул» афсонасини таклиф этди. Барча тайёргарликлар кўнгилдагидек ўтгач, мавсум бошланди. Жамоа мавсумнинг илк иккита турида («Челси» ва «Чарлтон») дуранг ўйнайди. Шунга қарамай, раҳбарият Кенни Далглишни ишдан бўшатди. Тўғриси, мавсум олди машғулот ўтказган мураббийни иккита дуранг эвазига ишдан олиш жуда ғалати.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Бунёдкор
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
