Испания чемпионатининг 21-туридан ўрин олган «Леванте»га қарши ўйин «Реал» учун омадсиз чиқди.
Биринчидан, жамоанинг олти ўйинчиси мазкур баҳсда иштирок эта олмади. Иккинчидан эса, ўйин бошидаёқ мадридликлар майдонда бир киши бўлиб қолишди. Жамоа марказий ҳимоячиси Эдер Милитао дарвозабон билан яккама-якка вазиятга чиқиб кетаётган рақиб ҳужумчисини ўз жарима майдони остонасида йиқитди. Ҳакам эса вазиятни сўнгги умид кушандаси сифатида баҳолаб, "Мадрид" аъзосини майдондан четлатди.
"Реал" камчиликда ўйнай бошлаганига қарамай, ҳисобни очишга муваффақ бўлди. Крооснинг ажойиб узатмасидан кейин Аненсио қарши ҳужумга қочиб кетди ва яккама-якка вазиятда "Леванте" посбонини доғда қолдирди.
Майдонда бир киши кўп бўлиб қолган меҳмонлар тўпни яхши назорат қила бошлашди. Улар томонидан ташкил этилган комбинация 32-дақиқада ўз самарасини берди. Хосе Моралес томонидан йўлланган зарбани Куртуа қайтара олмади — 1:1.
Иккинчи бўлимнинг 63-дақиқасида ҳакам дастлаб "Реал" жарима майдони чизиғи ёнида "Леванте" фойдасига жарима зарбаси белгилади. VAR эса ушбу қарорни пенальтига ўзгартирди. Рохер Марти томонидан йўлланган пенальтини зарбасини Куртуа қайтаришга муваффақ бўлди.
Рохер Марти 78-дақиқада ўз хатосини тўғирлаган ҳолда жамоаси томонидан уюштирилган комбинация чиройли зарба билан самарали якунлади.
Натижада "Реал" ўз майдонида "Леванте"га имкониятни бой берди. "Атлетико" эса эртага "Кадис"ни мағлуб этса, ҳамшаҳарлари билан орадаги фарқни янада оширади.
Испания Ла лигаси, 21-тур
Реал Мадрид – Леванте 1:2 (1:1)
Голлар: 1:0 – 13 Асенсио, 1:1 – 32 Моралес, 1:2 – 78 Рохер Марти.
Реал Мадрид – Куртуа, Менди, Одриосола, Варан, Милитао, Кроос, Каземиро, Азар (Винисиус Жуниор, 60), Модрич, Асенсио (Аррибас, 82), Бензема (Мариано Диас, 82).
Леванте – Фернандес, Мирамон, Постиго, Дуарте, Клерк, Радоя, Мальса (Рочина, 60), Мелеро, Леон (Барди, 60), Рохер Марти (Везу, 83), Моралес (Дани Гомес, 76).
Огоҳлантиришлар: Мальса (50), Мелеро (72), Каземиро (90).
Четлатиш: Милитао (9).
Матнда хатолик топсангиз, ўша хатони белгилаб, бизга жўнатинг (Ctrl + Enter).