Бугундан эътиборан, Қатар майдонларида клублар ўртасидаги Жаҳон чемпионати бошланди. Биз сизларга мазкур мусобақа тарихи билан боғлиқ қизиқарли маълумотларни берамиз.
Клублар ўртасидаги Жаҳон чемпионати Халқаро футбол ассоциациялари федерацияси (ФИФА) томонидан 2000-йилда ташкил қилинган. Мазкур мусобақа илк марта Бразилияда 2000-йил 5-январдан 14-январгача бўлиб ўтди. ФИФА 1997-йил 3-сентябрда Бразилияни мезбон давлат сифатида танлади, чунки тўққиз номзод орасида энг яхши таклиф деб топилди. 1999 йил 14 октябрда Рио-де-Жанейро шаҳридаги Копакабана саройида қуръа ташланди. Барча ўйинлар Рио-де-Жанейронинг "Эстадио-до-Маракана" ва Сан-Паулунинг "Эстадио-до-Морумби" майдонларида бўлиб ўтди. Саккизта жамоа икки гуруҳга бўлиниб, ўйин ўтказишган. Иккала гуруҳ ғолиблари ўзаро ўйин ўтказиб, ғолиб жамоа бош совринга эга чиққан. Клубларнинг иккитаси Жанубий Америкадан, иккитаси Европадан ва биттадан Шимолий Америка, Африка, Осиё ва Океаниядан. Клублар ўртасидаги жаҳон чемпионатининг биринчи ўйини Сан-Паулу шаҳрида бўлиб ўтди ва унда Испаниянинг "Реал Мадрид" клуби Саудия Арабистонининг "Ан-Наср" жамоаси устидан ғалаба қозонди. Франциялик футболчи Николас Анелка 21-дақиқада гол уриб, клублар ўртасидаги жаҳон чемпионати тарихидаги биринчи голни урган.
Кейинчалик, 2001-йилдан 2004-йилгача ФИФАнинг маркетинг бўйича ҳамкори "International Sport and Leisure" компаниясининг банкротга учраши сабабли ўтказилмади. Клублар ўртасидаги ЖЧ 2005 йилдан бери, ҳар йили ўтказилиб келинмоқда. Шу пайтгача Испания жамоалари 7 марта, Бразилия жамоалари 4 марта, Англия ва Италия жамоалари 2 мартадан қўлга киритган бўлса, Германиянинг "Бавария" жамоаси бир марта бош совринни қўлга киритган.
Турнирнинг амалдаги шакли тахминан икки ҳафта давомида маълум бир мезбон мамлакат ҳудудларида чемпионлик учун курашадиган етти жамоа курашади. ОФК Чемпионлар Лигаси (Осиё), CAF Чемпионлар Лигаси (Африка), КОНКАКАФ Чемпионлар Лигаси (Шимолий Америка), Либертадорес Кубоги (Жанубий Америка), Океания мамлакатлари орасидан бир жамоа, УEФА Чемпионлар Лигаси (Европа) ғолиблари ва мезбон мамлакат миллий чемпионати ғолиби қатнашади. Мезбон мамлакат миллий чемпионлари Океания чемпионларига қарши плей-офф баҳсларини ўтказадилар. Мазкур босқич ғолиби Осиё, Африка ва Шимолий Америка чемпионларига қарши чорак финалда қатнашади. Чорак финал ғолиблари финалга чиқиш учун ярим финалга чиққан Европа ва Жанубий Америка чемпионлари билан тўқнаш келишади.
Тарихда Испаниянинг "Реал Мадрид" жамоаси энг кўп ғалаба қозониш бўйича рекордчи бўлиб, мусобақада тўрт марта ғолиб чиқди. "Коринтианс" жамоаси мусобақа илк ғолиб жамоа ҳисобланади. Испания жамоалари ушбу мусобақада энг кўп ғалаба қозонган. Ушбу мамлакат жамоалари нақ етти марта ғолиб бўлишган. Амалдаги жаҳон чемпиони Англиянинг "Ливерпуль" жамоаси бўлиб, у 2019 йилги мусобақа финалида қўшимча вақтдан сўнг Бразилиянинг "Фламенго" жамоасини 1:0 ҳисобида мағлубиятга учратган.
Жамшиджон Маҳмудов тайёрлади.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
