«Бунёдкор» клуби бугун «Машъал»га қарши назорат учрашувини ўтказиб, ғалаба қозонди.
Гарчи учрашув "қалдирғочлар"нинг ғалабаси билан тугаган бўлса-да, бу ўйин осон ўтганидан дарак бермайди. Баҳс анча қизиқарли ва курашларга бой ўтди. Хусусан, биринчи бўлимнинг иккинчи 15 дақиқалиги давом этаётган бир вақтда асабийлик натижасида Сирожжин Аллаев ва Иброҳим Томива бир-бирларига нисбатан ўта қўпол ҳаракат қилишди. Оқибатда бош ҳакам Акобирхўжа Шукуруллаев ҳеч иккиланишларсиз футболчиларга қизил карточка кўрсатди.
Ҳар иккала жамоа навбати билан ўйинда устунлик қилди. Аммо ҳужумларни гол билан якунлаш тошкентликларга насиб қилди. Шаҳбоз Эркинов 41-дақиқада Фаррух Икромовнинг ўнг қанотдан ерлатиб етказиб берган тўпини ўнг оёғига тўғирлаб, дарвозани нишонга олди.
Орадан тўрт дақиқа ўтиб энди чап қанотдан Мифтахутдинов шогирдлари ажойиб комбинация уюштиришди. Дарвозага йўлланган якуний зарбага Суннатилла Абдуллажонов муаллиф бўлди.
Иккинчи бўлимда жамоалар таркиби деярли янгиланди. Шундай бўлса-да, ўйиндаги жиддийлик, курашлар пасайгани йўқ. Меҳмонлар 82-дақиқага келибгина ҳисобни биттага қисқартиришди. Ҳимоячининг тушунарсиз қароридан сўнг тўпга эга чиққан Самуэль Онониву Акобир Қаюмовни осонлик билан алдаб ўтди ва гол. Шу тариқа учрашув "Бунёдкор"нинг ғалабаси билан якунланди.
Ўртоқлик учрашуви
«БУНЁДКОР» - «МАШЪАЛ» - 2:1 (2:0)
8 февраль. Тошкент. «Бунёдкор» академияси майдони.
Бош ҳакам: Акобирхўжа Шукуруллаев.
Қанот ҳакамлари: Ҳусниддин Баҳодиров, Бахтиёрхўжа Шавкатов.
«Бунёдкор»: Сарвар Каримов (Акобир Қаюмов), Суннатилла Абдуллажонов (Валерий Акопов), Абдуллла Абдуллаев (Муҳаммадали Ғиёсов), Диёр Раҳимқулов (Муҳаммадодил Қаҳрамонов), Улуғбек Абдуллаев (Бек Абдуллаев), Суҳроб Иззатов (Иброҳим Ибрагимов), Санжар Рашидов (Бобурбек Фарҳодов), Фаррух Икромов (Иброҳим Турғунбоев), Одилжон Абдураҳмонов (Ғайрат Азизхўжаев), Хуршид Ғиёсов (Жасур Жалолиддинов), Иброҳим Томива (Шаҳбоз Эркинов).
«Машъал»: Достон Тўхтабоев, Сирожиддин Аллаев, Жаъфар Исмоилов, Зафарбек Акрамов, Сардор Абдураимов, Сирож Қўзиев, Самандар Шукуриллаев, Самуэль Онониву, Ҳумоюн Муртозаев, Зоир Турсинов, Ифиани Ифиани.
Захирадан тушганлар: Ботир Носиров, Шаҳзод Шайманов, Иброҳим Нўъмонов, Сардор Хурсандов.
Голлар: Шаҳбоз Эркинов, 41 - 1:0. Суннатилла Абдуллажонов, 45 - 2:0. Самуэль Онониву, 82 - 2:1.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
