Роналду ва Жоржина саратонга чалинган 7 ёшли боланинг даволаниши учун тўлаб беришди
«Ювентус» ҳужумчиси Криштиану Роналду ва унинг қаллиғи Жоржина Родригес Португалияда саратонга чалинган 7 ёшли боланинг даволаниши учун харажатларни қоплаб беришди.
Боланинг ота-онаси Криштиануга миннатдорчилик билдирган ҳолда ўз фарзандини Барселонадаги шифохонага олиб кетишаётганини маълум қилишган.
«Томас керакли таҳлилларни топшириш ва Валль д’Эброн шифохонасида саратонга қарши даволаниш курсини ўтказиш учун Барселона шаҳри томон йўл олди. Жоржина Родригес ва Криштиану, ёрдам, қўллаб-қувватлаш ва меҳр учун катта раҳмат.
Сизга чексиз миннатдорчилик билдираман, Томас даволаниш имкониятига эга бўлди», – дейилади тарқатилган хабарда.
Манба: sports.ru
Киритилди: 22:07, 08.02.2021. Ўқилди: 5781 марта. Фикрлар: 0 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Бўлимга тегишли қизиқарли хабарлар