2019-йилнинг ёзида Мадриднинг "Реал" жамоаси кутилмаган трансферни амалга оширди. Франциянинг "Лион" клубидан Ферлан Менди исмли футболчини харид қилинишини, кўпчилик "Реал" мухлислар учун кутилмаган янгилик бўлди.
Зиданнинг сўнги йилларда амалга ошираётган трансферларининг кўпчилиги омадсиз чиқаётгани ва Менди ҳам шулар қаторидан жой олиши ҳақидаги миш-мишлар кўпайиб бораверди. Якунда эса француз ҳимоячиси Зинедин Зидан жамоасининг асосий ўйинчиларидан бирига айланишини ҳеч ким кутмаган эди. "Реал Мардид"нинг охирги 5-6 йил давомида амалга оширган трансферлари орасидан, Эден Азар сингари юлдузлар ҳам, Мартин Эдегор сингари ёш футболчилар ҳам бир ярим мавсум давомида ўйнаб, Ферлан Мендига қараганда майдонда кам ҳаракат қилган, фақатгина Тони Кроссдан ташқари.
Агар сўнгги бир неча йил ичида Мадриднинг барча сотиб олган ўйинчиларига эътибор берсангиз, Тони Кроосгина, Менди трансфери амалга ошишидан олдин фақат асосий таркибда майдонга тушишга муваффақ бўлган (дарвозабонлар Кейлор Навас ва Тибо Куртуа бундан мустасно). Немис ярим ҳимоячиси "Қироллик клуби" га 2014/15 йилларда қўшилган. Кросс билан бир қаторда Хамес Родригез, Чичарито , Лукас Силва ва Кейлор Навас каби футболчилар ҳам ўша йили жамоага қўшилишди. Бир йил ўтиб, жамоага Матео Ковачич, Данило, Кико Касилья, Лукас Васкес ва Хесус Валехо сингари ўйинчилар ҳам жалб этилди. Бу рўйхат қуйидагича давом этади:
2016/17 йилги мавсумда — Маркос Льоренте, Борха Майорал, Мариано Диас, Мартин Эдегор ва Алваро Мората.
2017/18 йилларда — Тео Эрнандес, Дани Себальос ва Ашраф Ҳакимий, Браим Диас, Алваро Одриосола, Винисиус, Тибо Куртуа.
2018/19 йилларда — Родриго, Эдер Милитао, Лука Йович ва Эден Азар.
2019/20 йилги мавсумда мадридликлар фақат Мартин Эдегорни ижарадан қайтаришди.
Ушбу футболчиларнинг ҳаммаси "Реал"га қўшилганидан сўнг, бир ярим мавсум давомида ҳаракат қилган дақиқалари, Менди ҳаракат қилган вақтдан кўра камроқ ҳисобланади. Хамес Родригес "Реал" сафида ўтказган биринчи мавсуми анча омадли чиққан эди, аммо иккинчи мавсумда мушак жароҳати билан боғлиқ муаммо сабаб майдондаги ўрнини йўқотиб қўйди. Мадридликлар сотиб олган 26 футболчидан Лукас Васкес, Мариано Диас, Алваро Одриосола, Винисиус, Родриго, Эдер Милитао ва Эден Азар ўйнашни давом эттирмоқдалар, аммо уларнинг бирортаси, "Хетафе"га қарши ўйинда гол урган Ферлан Менди сингари асосий таркибдан муқим жой эгалламаган.
Менди мадридликлар ҳимоясининг чап қанотида ўйнайди. Баъзан, Зидан уни ўнг қанот ҳимоясига, "Хетафе"га қарши ўйинда эса Варан ва Начо билан бирга учинчи марказий ҳимоячи позициясида ўйнатган. Бундан кўриниб турибдики, Ферлан ҳимоянинг исталган ҳудудида эркин ҳаракат қила олади.
"Лион"нинг собиқ футболчиси, ҳимояда мустаҳкам ўйнашдан ташқари, Мадрид жамоасининг ҳужумкор ўйинига ҳам катта таъсир кўрсатмоқда, у жамоанинг энг кўп дриблинг амалга оширган футболчилари рейтингида ҳам биринчи ўриндан жой олган. Менди бошлаб берган ҳужумларнинг аксарияти гол билан якунланган. У ўртача бир ўйинда иккитадан кўп дриблинг амалга оширади.
Ҳаммаси бўлиб Ферлан 81 марта дриблинг амалга оширган бўлиб, шулардан 53 таси муваффақиятли якунланган. Лука Модрич 66 марта уринишдан 49 тасини, Винисиус эса 93 та уринишдан 40 тасини аниқ амалга ошириб, кейинги ўринлардан жой олган.
Менди "Реал" сафида Чемпионлар Лигасининг барча ўйинларини тўлиқ ўтказди, Ла Лиганинг атиги тўртта ўйинида алмаштирилди. Мадридга келганидан бери 4520 дақиқа давомида майдонда ҳаракат қилган. "Қаймоқранглилар" футболчи учун "Лион"га 48 миллион евро тўлаб беришди. "Реал" таркибидаги энг қиммат футболчилар рейтингида 7-ўриндан жой олган. Ҳозиргача Мадрид жамоаси сафида 43 марта майдонга тушиб, ўз ҳисобига 2та гол ёздириб қўйишга ҳам улгурган.
Менди Зиданнинг ушбу мавсумда энг кўп майдонга тушган ўйинчилари орасида олтинчи ўринда бўлиб, ундан фақат Куртуа, Варан, Бензема, Модрич ва Каземиро каби футболчилар кўпроқ вақт давомида ҳаракат қилган. Марселони жароҳат олгани, ҳамда уни яқин 3 ҳафта давомида майдонга тушмаслигини ҳисобга олсак, бу рақамлар ўсиб бораверади.
Жамшиджон Маҳмудов тайёрлади.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Реал Мадрид
Холис таҳлилчи блоги
Жалолиддин Қобилжонов
Фурқат Қурбонов
Ҳасанали ота
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Шуҳрат Шокиржонов
Шерзод Ражабов
Қаҳрамон Асланов
