Криштиану Роналду ҳозирги замонавий футболнинг тирик афсоналаридан бирига айланиб улгурган. У ушбу спорт турида нимаики қилиниши керак бўлса деярли барча босқичларни босиб ўтди. 35 йиллик довонни босиб ўтган Кришни бемалол ҳозирги футболнинг яққол стандарт ҳужумчиси сифатида тилга олиш мумкин.
Айниқса, унинг энг устун ва жуда кўп тилга олинадиган хусусиятларидан бири - бу футболчининг ҳаводаги қойилмақом ҳаракатлари. Тан олиш керак, Роналду бош билан ажойиб суратда ўйнай олади, фаолиятидаги энг чиройли голларидан аксариятини ҳам Криш айнан иккинчи қаватда киритган. Аммо, кўпчилик ўйлаганидек, бу каби ҳолатлар ҳеч қачон ўз ўзидан келиб қолмаган. Яъни қаҳрамонимиз ҳаводаги «суперқаҳрамонлик-миссиялари» деярли нолдан бошлаб шакллантирган десак янгилишмаймиз.
Бу ҳақда унинг собиқ жамоадоши Жозе Фонте бир интервьюсида қуйидагиларни таъкидлаб ўтган: «Роналду "МЮ"га келмасидан олдин ва бу ердаги дастлабки йиллардаги фаолиятида ҳам бош билан айтарли яхши натижалар қайд эта олмаган. Кетма-кет йўл қўйилган хатолар Кришни мухлислари олдида ноқулай вазиятга солиб қўярди. У Алекс Фергюсоннинг муттасил танқидларидан сўнг бу жиҳатга жиддий эътибор бера бошлади. Ҳа, у шундай футболчи эди. Танқидларни қабул қилиб олдими, ўша лаҳзанинг ўзиданоқ ишни бошлаб юборади. Буёғини эса ўзингиз кўриб турибсиз. Қуйида биз Роналдунинг иккинчи қаватда устунликка эришиш техникасини қисқача кўриб ўтамиз.
Сакраш техникаси
Қаҳрамонимиз иккинчи қаватга узатилган тўпларни қолган футболчиларга қараганда ўзгача услубда қабул қилиб олади. Яъни у сакраш жараёнида кўпинча вертикал услубдан фойдаланади. Бу футболчига мувозанатни яхшироқ ҳис қилиб олиш ва тўпга қулайроқ мослашишга ёрдам беради. Ушбу жараённи тўлиқроқ англаб етиш учун биз "Ювентус"нинг "Сампдория"га қарши баҳсини эслаб ўтишимизнинг ўзи кифоя.
Ўшанда чап қанотдан узатиб берилган тўпни қарши олишга уринган Роналду ҳақиқий "ҳаво лайнерлар"ида вазифага отланди. Ҳавога вертикал йўналишда сакраган Криш ўшанда нақ 2,56 метр баландликни забт этгани таҳсинга сазовор. Учрашувдан сўнг унинг ўзи билан тўп учун курашга киришган ҳимоячи Никола Мурру билан ишланган турли мемлари ОАВ ини бир-сира айланиб чиқди.
Португалиялик футболчи сакраш жараёнида кўпинча чап оёғига таяниб вазифани амалга оширади. Зарба бериш мобайнида эса жуфт шаклидаги ўзаро жипс оёқлар унга мувозанатни тўғри ушлашга ва зарба жараёнидаги катта массани тўп йўналишига йиғишига ёрдам беради. Бежизга Роналдунинг собиқ жамоадоши Жозе Фонте тўпга баланд сакраганда уни »катта ва оғир юк«ка айланади дея таъриф бермаган эди.
Тўғри жой танлаш
Ушбу хислат бизнингча, иккинчи қаватда тўпга зарба берадиган футболчиларнинг асосий қуроли ҳисобланади. Криштианунинг бу йўлдаги белгилаган позициясини яхшироқ тушуниш учун биз яна бир бор Фонтенинг сўзларидан иқтибос келтиришда давом этамиз: "Роналду билан бирга майдонда ҳаракат қилиш нафақат мен учун, балки бутун жамоа учун ҳам улкан ишонч бериб турарди.
Айниқса ўша пайтлари Фергюсон бизга қанотдан тузиладиган ҳужумларни кўпроқ ташкил этиш кераклигини уқтирарди. Чунки жамоамизда бош билан яхши ўйнай оладиган Роналду бор эди. Мен шу пайтгача жуда кўп ўйинчиларни кузатганман. Аммо Кришдек бўлиш мушкул. Кўпчилик унинг тўпга тўғри йўналиш олишини оддий омадга йўйишади. Аслида эса ундай эмас. Унинг жойлашув нуқтаси тўп узатилганда турлича масофада бўлади. Аммо, тўп борган сари жарима майдончаси ичига киргач, унинг ўзи Роналдуни топиб олади. Унинг айнан ўша нуқтага ҳавода муаллақ ҳолатида отилиши манзарани янада чиройлироқ қилиб кўрсатади. Тўп ва голни ҳис қилиш қобилияти шу ерда ўз аксини топади.
Шунингдек мен Роналдуда умуман қўрқувни кўрмаганман. У жароҳат олиши муқаррар бўлган ҳолатларда ҳам тап тортмай курашга тик бориб қўшилган. Криштиану таваккал қилишдан сира ҳам қўрқмас эди. У доимо профессионаликка интилиб келган. У машина, у тўхташ нималигини билмайди ", - дейди Фонте.
Роналду забт этган баландликнинг энг юқори нуқтаси юқорида таъкидлаб ўтганимиздек, «Сампдория»га қарши баҳсда қайд этилган. Ўшанда футболчи 2.56 метрлик баландликни 71 см нуқтагача сакраб забт этган. Ушбу нуқта Роналдуни исталган баскетболчидан юқори ўринга қўйиши мумкин. Баскетболчилар ҳавога сакраш жараёнида ўртача 60-65 см ли баландликни ўзларига бўйсундиришади. Бу ҳам Кришнинг ғайриоддий ва фақатгина ўзига хос хусусиятидан бири ҳисобланади.
Бироқ шунга қарамай унинг рекордини янгилашга улгурган футболчи ҳам бор. Фақат миллий чемпионатининг савияси жиҳатидан биз уни илгари эшитмай қолган бўлишимиз мумкин. 27 январь куни Шотландия чемпионатининг навбатдаги тури доирасида «Роз Коунти» «Монтхервель» билан баҳс олиб боради. Учрашувда меҳмонларнинг бир голига Бевис Мугаби муаллифлик қилган эди. Ўшанда угандалик футболчи жамосининг иккинчи голини урганда ердан 75, умумий эса 262 см баландликни забт этган. Тўғри, ушбу натижа тарихда қолади. Мугаби мана шу натижаси билан рекорд ҳисобида Кришдан устун туриши мумкин. Бироқ африкалик йигитчанинг номи ҳар сафар эсланганида барибир Роналдунинг натижаси ёнида қўшиб тилга олиниши одатий ҳолга айланади, усиз буни инкор этиб бўлмайди.
Буни Бевис қуйидагича ифодалайди: «Мен ҳеч қанақа ижтимоий тармоқ кишиси эмасман. Ортиқча гап-сўзни ҳам ёқтирмайман. Бироқ ўша чоршанбадан бери телефоним жиринглашдан тўхтамайди. Бу ғалати ҳодиса албатта. Менинг ушбу сакрашимни балки жуда кўпчилик мухлислар кўрмай қолгандир. Бироқ ушбу ҳаракатларимни энди ҳар бир ўйинда такрорлашга уриниб кўраман. Бироқ Роналдуникидай чиқишига ишончим комил эмас (кулги билан).
Дарҳақиқат, иккинчи қаватда вазиятлардан унумли фойдаланиш португалиялик футболчининг фишкаси ҳисобланади. Барча мухлислар унинг ушбу сферадан урган қойилмақом голларини кўравериб ўрганиб қолишган. Биз қуйида "Flyaldo"нинг бу туркумдаги шедевр топ-10 голини суратлар орқали бўлишишга қарор қилдик.
"Ювентус" - "Рома" (27.09.2020)
"Ман Юнайтед" - "Челси" (21.05.2008)
"Ювентус" - "Парма" (19.12.2020)
"Португалия" - "Уэльс" (08.07.2016)
"Реал" - "Барселона"
"Реал" - "Ман Юнайтед" (19.02.2013)
"Ювентус" - "Сампдория" (18.02.2019)
Матнда хатолик топсангиз, ўша хатони белгилаб, бизга жўнатинг (Ctrl + Enter).
Қизилқум
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
