Испания Ла Лигаси 25 - турининг сўнги учрашуви бўлган «Реал Мадрид» ҳамда «Реал Соседад» якунлади. Ушбу баҳсда томонлар 1:1 ҳисобидаги дурангга имзо чекишди. Бироз эҳтиёткорлик билан бошланган мазкур учрашувнинг биринчи тайми тенг курашлар остида кечди ва ҳеч қайси жамоага ҳисобни очиш насиб этмади. Аммо иккинчи таймнинг бошларида озроқ жонланиб қолган сан-себастиянликлар 55 - дақиқага келиб ҳисобни очишди. Начо Моньреалнинг юқоридан узатиб берган тўпини, Порту боши билан дарвозанинг узоқ бурчагига жойлаб қўйди. Бу вазиятда Куртуа ҳеч қандай реакция кўрсата олмади. Ушбу голдан сўнг Зидан таркибда бир қанча ўзгаришларни амалга оширди. Хусусан, Уго Дуро, Винисиус ва Родригонинг майдонга тушиши, бу ҳолат Мадрид жамоасининг мағлубиятга рози эмаслигини кўрсатарди. Шундан сўнг кетма-кет ҳужумлар уюштирган майдон эгалари мақсадига эришолмади. Яратилган вазиятларнинг барчаси кўкка совирила бошлади. Фақатгина, 89 - дақиқага келиб, Вальверде ва Васкес ривожлантирган ҳужумни Винисиус Жуниор гол билан якунлашга эришди. Чап қанот бўйлаб уюштирилган ҳужумда, Лукас Васкес тўпни бироз ҳаволатиб «Реал Сосьедад» жарима майдончасига узатиб берди ва бразилиялик ҳужумчи уни гол билан якунлади. якуний ҳисоб 1:1. Ушбу баҳсдан кейин мадридликлар "Барселона" билан бир хил 53 очко тўплади ва турнир жадвалида 3 - ўринга тушиб кетди. Чунки каталонияликлар тўплар нисбати бўйича яхшироқ натижа қайд этишган эди.
«Реал Мадрид» - «Реал Соседад» 1:1
"Альфредо ди Стефано" стадиони
Голлар: Винициус (89), Порту (55)
Матнда хатолик топсангиз, ўша хатони белгилаб, бизга жўнатинг (Ctrl + Enter).