Қозоғистон чемпионатининг ўтган мавсуми энг яхши тўпурари яқин курларда Бирлашган Араб Амирликларининг "Дубай Спорт" клуби билан 2011 йил ноябрь ойи бошларида имзолаган шартномасини бузмоқчи. Ҳужумчи яна Қозоғистон футболига қайтишни маъқул кўрмоқда.
— Икки ой бу ерда тўп суриб, араб футболи мен учунмаслигини тушуниб етдим, — дея иқрор бўлди Улуғбек "Караван" газетасига интервью берар экан. — Мен янги жамоамга фойда келтиришни истагандим, бироқ вақт ўтиб тушуниб етдимки, бу чемпионатда футболчиларнинг аксарияти... тўпдан ажралишни истамас экан.
— Нимани назарда тутяяпсиз?
— Мен жамоадошимга пас бериб, очиқ зонага ўтиб, қайта пасни қабул қилиб олиб ўйинни ҳужумда кучайтиришга кўникиб қолганман. Бу ерда майдон бўйлаб бекорга юугуриб юришимга тўғри келаяпти. Мен жарима майдони ўйинчисиман, гол ура оламан. Бунинг ўрнига тўп оширишларини кута-кута чарчаяпман. Бундай олиб қаралса, мен ўз ишимни рисоладагидек бажараяпман, бироқ жамоадошларим билан ўйинда бир биримизни тушунмаяпмиз.
— Балким мулоқот тақчиллиги кайфиятингизга ўз таъсирини ўтказгандир?
— Ҳа, бу ҳам роль ўйнади. Афсуски, клубда мен битта тилда суҳбатлашим мумкин бўлган бирорт ўйинчи йўқ. Тил тўсиғи нафақат кийиниш хонасида, шунчаки маиший ҳаётда ҳам халақит беряпти. Мен ҳеч ким билан гаплаша олмаяпман, табиийки, шунчаки инсоний мулоқотни соғина бошлади. Яхшиямки оилам ва фарзандларимни Дубайга кўчириб келган эканман.
— Сиз БААдан кетмоқчимисиз?
— Ҳа, шартномамда бошқа жамоадан таклиф тушган тақдирда компенсация тўловларисиз "Дубай"ни тарк этишим ҳақида пункт бор. Клуб раҳбарияти ҳам менинг кетмоқчи бўлаётганимдан хабардор ва улар ҳам хоҳишимни қондиришмоқчи.
— Қаерда ўйнашни режалаштиряпсиз?
— Қозоғистон клубларидан бир нечта қизиқ таклифлар тушди, лекин мен Павлодарнинг "Иртиш" клубини танладим. Ўйлашимча, бир-икки ҳафтада янги жамоамга қўшиламан. Павлодарда менинг меҳнатимга кўпроқ қизиқишмоқда. Клуб директори Александр Гончаренко Дубайга келиб шахсан ўзи мен билан учрашди.
— Бу янгилик Толдиқўрғоннинг "Жетису" клубида қандай қабул қилишди? Ахир клуб ноябрда "Дубай"га ўтишингизга тўсқинлик яратмаган эди...
— Биринчи навбатда клуб президенти Асқар Қожабергенов билан маслаҳатлашдим. У "Иртиш"га ўтишимга қарши эмаслигини билдирди.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
