Бугун соат 19:30да Ўзбекистон миллий терма жамоаси Кувайтга қарши ўртоқлик ўйинида майдонга тушади. Ўйин арафасида Вадим Абрамов www.the-uff.com сайти учун интервью берди.
- Вадим Карленович, Тошкентдаги йиғинлар қандай ўтди? Улардан қониқиш ҳосил қилдингизми?
- Ҳа, пойтахтимиздаги йиғинлардан қониқдим. Об-ҳавонинг бироз ноқулай келгани боис, биз кўпроқ залда шуғулландик. Шунга қарамай, 2та ўртоқлик ўйинини ўтказдик.
- Сиз илк маротаба ёш Аббос Махсталиевни терма жамоага таклиф қилдингиз. Лекин у Кувайт ва БААдаги йиғинларга келмади. Бунинг сабаби нимада?
- Биз Аббосни биринчи навбатда яхшироқ билиб олиш учун таклиф қилгандик. Шубҳасиз, у иқтидорли футболчи. Лекин ўсмирлар ва олимпия терма жамоалари ўртасида катта фарқ бор. Ҳозирги кунда Махсталиев тўп сурадиган чизиқда кучлироқ ўйинчилар тўп суришмоқда. Шундай бўлса-да, уни олимпия терма жамоа йиғинига жалб қилганимиз, Аббосга наф келтиради. Кейинчалик биз нафақат Махсталиевни, балки унинг бошқа тенгдошларини ҳам синовдан ўтказишни режалаштирганмиз.
- Кувайтга ўзингиз истаган барча футболчиларни олиб кела олдингизми? Нима учун рўйхатда Лутфулла Тўраев йўқ?
- Ҳа, биз айнан шу таркиб билан Кувайтга келишни истагандик. Тўраевга тўхталадиган бўлсам, "Бунёдкор" мураббийлари билан келишган ҳолда уни клуб ихтиёрига қўйиб юборишга қарор қилдим. Ҳозирги кунда "Бунёдкор"нинг марказий ярим ҳимоясида ўйинчилар камлиги учун шундай қилдик. Боз устига, "Бунёдкор" 15 январь куни "Вольфсбург" билан ўртоқлик ўйинини ўтказди. Тўраев борасида тўғри қарорга келдик, деб ўйлайман.
- Йиғин давомида таркибда қандайдир ўзгаришлар юз берадими?
- БААдаги йиғин давомида сафимизга Даврон Ҳошимов ва Жаҳонгир Меҳмонов қўшилишади. Улар биз билан Тошкентда ҳам шуғулланишганди. Шунингдек, Зоҳир Пиримов ҳам етиб келади. Бугунги ўйиндан кейин 25 январга қадар Игнатий Нестеров ҳам "Бунёдкор" ихтиёрида бўлади. Шундан сўнг у биз билан 29 январь куни БААга қарши бўладиган ўйинга (Абу-Даби шаҳрида) тайёргарлик кўради.
- Кувайтга қарши бугунги ўйиндан нима кутяпсиз?
- Кўп нарса кутяпман. Биз мавсумга тайёргарликни энди бошладик. Ушбу баҳс футболчиларнинг ҳозирги ҳолатин кўрсатиб бериши керак. Бизнинг бугунги кундаги энг асосий мақсадимиз 5 февраль куни бўлиб ўтадиган Австралия олимпия терма жамоасига қарши ўйинга муносиб тайёргарлик кўришдан иборат.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
