Бугун, аниқроғи соат 21:45 Италиянинг Неапол шаҳридаги "Диего Армандо Марадона" стадиони катта футбол учрашувига гувоҳ бўлади. "Наполи" ўз майдонида пешқадам "Интер"ни қабул қилади. Чемпионликни мақсад қилган миланликлар сафардан ҳам 3 очко билан қайтадими, ёки Гаттузо шогирдлари "Интер"нинг А серияда чемпионлигига қаршилик қиладими? Ҳозир эса айнан шу саволларга жавоб топишга ҳаракат қиламиз. "Наполи" - "Интер" учрашуви ҳақидаги, қисқача превьюни сизларга тақдим этамиз.
"Наполи"
"Наполи" айни пайтда А серия жадвалида 5 ўринда кетмоқда. Чемпионлар Лигасига йўлланма берадиган ўриндан "кўклар"ни 2 ўрин ва 3 очко ажратиб турибди. Шунинг учун ҳам Женнаро Гаттузо шогирдлари мавсум якуни арафасида умуман бўшашишлари керак эмас. Агарда, янги мавсумда Европа клублари орасидаги энг катта мусобақада Неаполь жамоасини кўрмаслигимиз мумкин. Умуман олганда, "Наполи"нинг А сериядаги ишлари яхши кетмоқда. Буни охирги 6 учрашувдан 5 мартасида ғалаба қозонганидан ҳам сезиш мумкин. Клуб фақатгина, икки тур олдин "Ювентус"дан 1:2 ҳисобидаги мағлубият аламини тортиб кўришди.
Бугунги баҳсни "Наполи" сафидан бир қанча муҳим футболчилар ўтказиб юборади. Хусусан, жамоа дарвозабони Давид Оспина, мексикалик Ирвинг Лозано ва Фаузи Гулям каби футболчилар ўтказиб юборади. Мазкур йўқотишлар орасидаги энг ёмони, Лозано ҳисобланади. Чунки, ушбу футболчи Гаттузо жамоасига бир қанча учрашувларда ёрдам бериб келган. Колумбиялик дарвозабон ўрнида Мерет майдонга тушса, Лозано ўрнига "нерадзурри"лар собиқ футболчиси Политано майдонга тушиши мумкин. Шунингдек, Петр Зелиньски жароҳатидан тўлиқ фориғ бўлди ва бугун катта эҳтимол билан бугун польшалик футболчи учрашувни дастлабки дақиқалардан бошлайди.
"Интер"
Шубҳасиз, ҳужумчи Ромелу Лукаку нафақат Антонио Конте учун, балки бутун "Интер" жамоасининг чемпионатдаги энг муҳим футболчиси ҳисобланади. Ромелу 29 ўйинда майдонга тушиб, 21 марта гол уришга эришди. Қолаверса, "нерадзуррилар"нинг яна бир футболчиси Лаутаро Мартинесни ҳам айтиб ўтишимиз керак. Айни пайтда ЛаЛу жуфтлиги Италия чемпионатининг энг самарали ҳужум тандеми ҳисобланади. Ўтган турги ғалабада эса, "Интер"нинг бошқа бир футболчиси қаҳрамонга айланди. Ушбу футболчининг голи билан миланликлар ўз уйидада "Кальяри" устидан ғалаба қозонишга эришишди. "Интер" ҳозирги пайтда супер формада турибди. А серияда қайси жамоа рақиблик қилаётган бўлса ҳам, аяб ўтиргани йўқ. Бугунги баҳс олдидан "Наполи"га жуда қийин бўлиши аниқ. Конте шогиртлари ўтказган ҳар бир учрашувларининг, деярли ҳар бирида гол уриб келмоқда. Ҳозирда "нерадзурри" 69 гол билан, чемпионатдаги энг кўп гол киритган жамоа бўлиб турибди. Милан клуби ўз натижалари ва ўйини билан ҳақиқатан ҳам ажойиб, бошқа жамоаларда ҳозирча бунчалик ўзига бўлган ишонч сезилмаяпти. Антонио Конте ушбу мавсумда 10 йилдан бери, Италияда гигантлик қилаётган "Ювентус"ни сериясига нуқта қўйиши мумкин.
Бугунги баҳс олдидан "Интер"да катта йўқотишлар деярли йўқ. Фақатгина, Артуро Видал ва Александр Коларов майдонга туша олмайди.
Эҳтимолий таркиблар:
Наполи (4-2-3-1): Мерет; Ди Лоренцо, Манолас, Кулибали, Мариу Руи; Фабиан Руис, Демме; Политано, Зелински, Инсинье; Осимхен
Заҳира: Контини, Рахмани, Максимович, Хюсай, Бакайоко, Лоботка, Эльмас, Мертенс, Петанья, Чиоффи
Мураббий: Женнаро Гаттузо
Дисквалификация: Лозано
Жароҳат: Гулам, Оспина.
Интер (3-5-2): Ханданович; Шкриньяр, Де Врей, Бастони; Хакими, Барелла, Брозович, Эриксен, Дармиан; Лукаку, Лаутаро.
Заҳира: Раду, Паделли, Раноккья, Д'Амброзио, Янг, Гальярдини, Весино, Сенси, Перишич, Санчес, Пинамонти.
Мураббий: Антонио Конте
Дисквалификация: йўқ.
Жароҳат: Коларов, Видаль.
Жамшиджон Маҳмудов тайёрлади.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
