Ҳозиргина Пеп Гвардиола бошчилигидаги «Манчестер Сити» жамоаси Англия Лига кубоги финал учрашувида Лондоннинг «Тоттенхем» жамоасини 1:0 ҳисобида мағлуб этиб, мазкур мусобақа олтин медалларига эга чиқди. Испаниялик мутахасис мураббийлик фаолиятидаги 30 - совринига эга чиқди ва ўзига хос натижа қайд этди. Ҳозир эса биз сизлар билан Пеп Англияга келгандан кейинги амалга оширган бир қанча рекор натижалар, шунингдек мураббий ҳақидаги бирдан-бир қизиқарли фактларни сизларга тақдим этамиз.
Иккинчи ўрин билан орадаги фарқ
2017/18 йилги мавсумда "шаҳарликлар"нинг чемпион бўлиши мавсум якунланмасдан аниқ бўлиб улгурганди. Мавсум давомида 100 очко тўплаган "Ман. Сити" энг яқин таъқибчиси бўлган "Манчестер Юнайтед" жамоасидан 19 очко кўп жамғарган ҳолда, олтин медалларга эга чиққан. Бу очколар ўртасидаги фарқ АПЛ доирасидаги рекорд даражадаги кўрсаткич ҳисобланади. Бунгача ҳеч қайси жамоа бундай катта фарқ билан чемпион бўлмаган.
Мавсумда энг кўп очко ишлаш
2017/18 йилги мавсум манчестерликлар учун ҳақиқатдан омадли келган, чунки АПЛнинг кўплаб рекордларини янгилашнинг уддасидан чиққан. "Манчестер Сити" 38 учрашувнинг 32 мартасида ғалаба қозониб, 4 та учрашувда дуранг қайд этишган ҳолда 100 очкони қўлга киритишган. Бу нафақат АПЛда, балки қолган кўплаб кучли чемпионатларда ҳам камдан-кам учратиладиган ҳолат.
Энг кўп ой мураббийи
Пеп Гвардиола "шаҳарликлар" постига келгандан сўнг, нақ 9 марта ойнинг энг яхши мураббийи совринини қўлга киритган. Бунгача ҳеч қайси мураббий бундай ютуққа эришмаган. Албатта, бунда жамоанинг меҳнати ҳам бор, аммо клуб қандай ўйин кўрсатиши мураббийга ҳам боғлиқ, бизнингча.
Мавсумда энг кўп тўп киритиш
Гвардиола "Ман. Сити" мураббийи этиб тайинланганидан иккинчи йилида жамоасини АПЛ тарихида бир мавсумдаги энг кўп тўп кирититган жамоага айлантирди. "Шаҳарликлар" нақ 106 марта рақиблар дарвозасини ишғол этган. Шу пайтгача Англия чемпионати доирасидаги ҳеч бир жамоа бир мавсумда бунча гол киритишни уддасидан чиқмаган.
Бир мавсумда энг кўп ғалабани қўлга киритиш
Гвардиола жамоаси 2017/18 йилги мавсум давомида 32 марта рақибларини "танобини тортиб қўйган". Қизиқ томони, 2019/20 йилги мавсумда ҳам "Манчестер Сити" яна шунча ғалабани қўлга киритди, аммо бу сафар чемпион бўлиш насиб қилмади.
Ўз уйида ғалаба қозониш
“Шаҳарликлар" ҳар йили чемпион бўлмаса-да, ҳар йили қандайдир рекордларни такрорлайди ёки янгилайди. 2018/19 йилги мавсумда жамоа ўз уйида ғалаба қозониш бўйича, "Челси" ва "Манчестер Юнайтед" рекордини такрорлашни уддалади. Ўша мавсумда "Манчестер Сити" "Этиҳад стадиум"да 18 марта ғалаба қозонишга эришган.
Сафарда ғалаба қозониш
"Манчестер Сити" нафақат ўз уйида, балки сафар учрашувларида ғалаба қозониш бўйича ҳам АПЛ рекордчиси ҳисобланади. 2017/18 йилги мавсумда Пеп шогирдлари 16 марта рақиб стадионидан 3 очко билан қайтишни уддалашган.
Энг кўп мағлубиятсиз cерия
"Шаҳарликлар" бу кўрсаткич бўйича ҳам АПЛ етакчиси ҳисобланади. Уларни 2017-йил 26-августдан, шу йилнинг 27-декабригача ҳеч қайси жамоа мағлубиятга учратишни уддасидан чиқолмаган. Шу вақт оралиғида улар 18 марта майдонга тушишган.
Жамшиджон Маҳмудов тайёрлади.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
