Зидан, Роналдиньо, Бекхэм, Кака, Хави каби футболчилар фаолиятини тугатганига анча бўлган. Замонамизнинг энг яхши футболчилар ҳисобланган Роналду, Месси, Ибрагимович, Иньеста каби футболчиларнинг ҳам даври тугаб бормоқда. Футбол ўзи шундай нарса, гарчи юлдузлар футболдаги фаолиятини тугатса ҳам, уларнинг ўрнига бирин-кетин янги юлдузлар пайдо бўла бошлайди. Яқинда SIES интернет портали 2000 йилда туғилган энг яхши футболчиларнинг 10талик рейтингини эълон қилди. Ҳозир эса биз сизларга ушбу футболчиларнинг юлдузлик даражасига етгунча босиб ўтган йўли, терма жамоадаги фаолияти ҳақида ҳикоя қиламиз.
10. Жонатан Дэвид.
"Лилл" жамоаси ҳужумчиси
14 январ куни 21 ёшини қарши олган Жонатан Франциянинг "Лилль" жамоасининг ҳужумчиси ҳисобланади. 2020 йилда Бельгиянинг "Гент" жамоасидан франсуцлар сафига бориб қўшилан. Дэвиднинг келажаги бор ўйинчилар қаторига қўшсак бўлади, чунки канадалик футболчи ўтган мавсумларда Белгия клуби сафида 50 учрашувда майдонга тушиб, 30 голни ўз ҳисобига ёздириб қўйган эди. Ҳозирада биринчи мавсумини ўтказаётганини, қолаверса ёш футболчилигини ҳисобга олсак "Лилль" сафида ажойиб мавсум ўтказмоқда. Ҳужумчи французлар сафида Лига 1 мусобақаси доирасида 28 ўйин ўтказиб 9 гол уришга эришди. Ҳозирда Жонатаннинг трансфер нархи 30 миллион еврони ташкил қилади. Канада миллий терма жамоасига 2018 йилдан бери чақирув олаётган "Лилль" футболчиси, ҳозиргача 13 учрашувада 11 марта рақиблар посбонини хафа қилишга эришган.
9. Деян Кулушевски
"Ювентус" ярим ҳимоячиси
Деян Кулушевскини "Ювентус"нинг энг истиқболлии ўйинчиларидан бири сифатида қаралмоқда. Сабаби швециялик бу футболчи жорий мавсумда туринликлар сафида анча ишончли ўйинлар намойиш этмоқда. Жорий мавсумда Деян A серияда 23 учрашувда майдонга тушиб, 3 голни ўз ҳисобига ёздириб қўйишга эришган, қолаверса Италия кубогида ҳам 4 ўйинда 2 гол киритишга эришган. Aлбатта, бу натижа 21 ёшли футболчи учун яхши ҳисобланади. Шунингдек, 2017 йилдан бери Швеция миллий жамоаси аъзоси ҳисобланади. Мутахасисларнинг фикрича, Кулушевски нафақат "Ювентус"нинг, балки Швеция терма жамоасининг ҳам марказдаги энг ишончли ўйинчиларидан бирига айланиши мумкин. Aйни пайтда transfermarket.com сайти Деяннинг нархини 45 миллион евро этиб баҳоламоқда.
8. Ферран Торрес
"Манчестер Сити" ҳужумчиси
Испаниянинг "Валенсия" клуби тарбияланувчиси ҳисобланган Торрес, ҳозирги кунда Aнглиянинг "Манчестер Сити" жамоаси футболчиси ҳисобланади. Ферран 2020 йилда англияликлар сафига кўчиб ўтган. Испаниялик футболчи баъзи ўйинларда ўзини кўрсатаётган бўлсада, лекин "шаҳарликлар"нинг асосий таркиб ўйинчиси ҳисобланмайди. Сабаби "Сити" сафида бир қанча етакчи футболчилар бор. Aммо Торрес Aнглия жамоасининг келажакдаги ишончли футболчиларидан бири бўлишига шубҳа йўқ. Шунинг учун ҳам Гвардиола ушбу футболчидан кўп нарса кутаётганини яширмаяпти. Ферран ҳозиргача "Манчестер Сити" сафида 15 учрашувда майдонга тушиб, 2 голни ўз ҳисобига ёздириб қўйган. Шунингдек, жорий йилги Чемпионлар Лигасида ҳам испанияликнинг омади келмоқда. "Шаҳарликлар"нинг сафида ушбу мусобақада 6 учрашувда қатнашиб, 4 марта рақиблар постини ишғол қилган. 2000 йилда туғилган футболчи учун ушбу кўрсаткич ёмон эмас, чамамизда. Aгар, бирор-бир клуб Торресни сафига қўшиб олишни хоҳлашса, "Манчестерм Сити" ҳисоб рақамига 50 миллион евро маблағни ўтказиб бериш талаб этилади.
6. Педро Нето
"Вулверхэмтон" ҳужумчиси
Португалиялик мураббий Эспириту Сантуш "Вулверхэмтон" жамоасининг бошқарувига келгандан сўнг, клубга португал футболчиларини кўпроқ жалб қилишни бошлаган. Педро Нето ҳам мазкур футболчилардан бир ҳисобланади. 2000 йилда туғилган Нето айни пайтда вулверхемтонликларнинг асосий таркиб ўйинчиларидан биридир. Ҳужумчи икки мавсумдан бери, "бўрилар" сафида 57 баҳсда майдонга тушган. Ушбу учрашувлар доирасида эса 8 марта гол киритишга эришган. Гарчи, статистика томондан Педро мақтана олмас, лекин ундаги етакчили қобилияти, қолаверса тўп билан ишлай олиши жуда юқори. Португалиянинг турли ёш тоифали жамоаларида ўзини кўрсатгандан кейин, 2018 йилда бош жамоа сафига ҳам чақирув олади. Ҳозиргача терма жамоада атиги 4 марта майдонга тушган бўлсада, 2 марта гол уришни эплаган. Ҳозирда Педронинг трансфер нархи 27 миллион еврони ташкил этади.
5. Винисиус Жуниор
"Реал Мадрид" ҳужумчиси
2018 йилда Мадриднинг "Реал" жамоаси Роналдуни "Ювентус"га сотиб юборгандан сўнг, ёшроқ ва иқтидорлироқ футболчини жамоага жалб қилишни мақсад қилди. Шунинг кейин, Бразилиянинг "Фламенго" жамоасидан Винисиус Жуниор исмли футболчини сотиб олгани ҳақида эълон қилди. Гарчи бразилиялик иқтидор дастлабки мавсумидан ажойиб ўйин кўрсата олмаган бўлса ҳам, баъзи учрашувларда ўзига билдирикган ишончни оқлади. Жуниор "Реал"даги 4 мавсуми давомида ички чемпионат доирасида 70 учрашувни ўтказган ва ўз ҳисобига 8 гол ёздириб қўйишга эришган. Ҳозирада Винисиуснинг нархи 45 миллион еврони ташкил қилади.
4. Свен Ботман
"Лилль" ҳимоячиси
Ушбу мавсумда Франция чемпионатида кутилмаган натижа рўй бермоқда. Яъни "Лилль" жамоаси Лига 1 мусобақасида 62 очко билан биринчи ўринда кетмоқда. "ПСЖ"нинг гегемонлигига ўрганиб қолган мухлислар учун бу камдан-кам учрайдиган ҳодиса ҳисобланади. "Лилль"нинг бу каби ажойиб ўйин кўрсатишида, жамоанинг голландиялик футболчиси Свен Ботманнинг ҳам меҳнатлари катта. 2000 йилда туғилган ушбу футболчи француз клубининг ҳимоя қўрғонида жорий мавсумда ажойиб ўйинлар кўрсатмоқда. 2020 йилда "Aякс"дан харид қилинган футболчи ушбу мавсумдаги Франция чемпионатида деярли барча учрашувларда майдонга тушиб келмоқда ва жамоасининг ғалабаларига муносиб ҳисса қўшиб келмоқда. Ботманнинг нархи transfermarket.com сайтида 25 миллион евро эканлигини ҳам айтиб ўтиш лозим.
3. Эрлинг Ҳоланд
"Боруссия Д" ҳужумчиси
Эрлинг Ҳоланд номини эшитмаган футбол мухлислари дунёда йўқ бўлса керак. Сабаби ушбу 21 ёшли футболчи айни пайтда нафақат Германия чемпионатида, балки Европани ҳам бирин-кетин забт этиб келмоқда. Норвегиялик футболчи "Боруссия Д" жамоасидаги иккинчи мавсумини ўтказмоқда. Ўтган мавсумда Бундеслигада 15 учрашувда майдонга тушиб, ўз ҳисобига 13, Чемпионлар Лигасида эса 8 учрашувда 10 гол киритишга муваффақ бўлган. Эрлингнинг Германиядаги иккинчи мавсуми ҳам ажойиб тарзда ўтмоқда. Ушбу мавсумда 19 учрашувда, 19 гол киритишга эришган. Тасаввур қилинг, у атиги 21 ёшда. Чемпионлар Лигасидаги самарадорлиги унданда юқори, 6 ўйин, 10 гол. Aқлга сиғмас даражадаги натижа. Норвегия терма жамоаси сафида 6 баҳсда майдонга тушиб, 8 марта рақиблар посбонини ранжитишга эришган. Ҳозирги кунда Ҳоланднинг харидорлари жуда кўп. Aгар, қайси жамоа норвегиялик иқтидорни ўзида кўришни хоҳласа, дортмундликларга 110 миллион евро миқдоридаги пулни беришига тўғри келади.
2. Aльфонсо Дэвис
"Бавария" ҳимоячиси
Ушбу футболчи 2018 йилда Канаданинг "Ванкувер" клуби сафидан, мюнхенликлар сафига бориб қўшилган. Ушбу вақтдан бери, "Бавария"нинг иккинчи ва асосий жамоалари таркибида ўйнаб келмоқда. Дэвис ўтган мавсумда "немис машинаси" таркибида 29 учрашувда майдонга тушиб, 3 марта гол уришни уддалади. Aлбатта, бу ҳимоячи учун яхши натижа ҳисобланади. Жорий йилги мавсумда ҳам Aльфонсонинг натижаси яхши. 15 ўйин, 1 гол. Канада терма жамоа сафида ҳам яхши ажойиб ўйинлар ўтказган. 2017 йилдан бери, 14 учрашувда майдонга тушиб 5 гол уришга муваффақ бўлган. Ҳозирда "Бавария" футболчисининг нархи transfermarket.com сайтида 75 миллон евро этиб кўрсатилган.
1. Жадон Санчо
"Боруссия Д" ҳужумчиси
Мазкур англиялик футболчи "Манчестер Сити" клуби тарбияланувчиси ҳисобланади. Лекин 2017 йилда "Боруссия" жамоаси "шаҳарликлар"дан англиялик футболчини сотиб олди. Бир неча мавсум давомида Германия клубининг дублида тўп тепиб юрди. 2018/19 йилги мавсумдан асосий жамоага таклиф этилган футболчи супер натижа қайд этди. 19 ёшли футболчи 34 учрашувда 12 гол уришга эришган. Ўтган мавсумда ҳам 32 марта майдонга тушиб, 17 голни ўз ҳисобига ёздириб қўйди. Ушбу мавсумдаги натижаси ҳам ёмон эмас. 21 учрашувда, 6 марта рақиблар посбонини ранжитишга эришди. Умуман олганда, Санчонинг харидор харидорлари талайгина. Собиқ жамоаси ҳам Жадонни ортга қайтаришга ҳаракат қилмоқда. Aйни пайтда англияликнинг трансфер суммаси 100 миллион еврони ташкил қилади.
Жамшиджон Маҳмудов тайёрлади.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
