Мавсумни Лэмпард бошчилигида бироз муваффақиятсиз бошлаган "Челси" айни пайтга келиб, анчагина яхши натижалар қайд этмоқда. Яқин вақтлар ичида клубда натижалар ўзгаришни бошлади. Катта ўйинлардаги ғалабалар ва тартибли футбол, бу хулосага келишимизга асосий сабаб бўлмоқда. Демак, клубнинг қайси факторлар эвазига муваффақият қозонаётгани холис айтиб ўтамиз.
Тажрибали мураббийнинг жамоага келиши
Лэмпард футболчи сифатида афсона ҳисоблансада, мураббийлик барибир бошқа масала ва бошқа даража. Унинг қўл остида таркиб бир мунча ёшарди ва анчагина ҳужумкор ўйин кўрсатди, аммо натижалар ҳа деганда яхшиланаверади. Кўриниб қолдики, Лэмпарднинг даражаси ҳали "Челси" даражасида эмас экан. Тухел эса умуман тажрибали мутахассис. Немис мураббийлари айни вақтда Европада катта ишлар қилишмоқда. Охирги икки мавсумда ЕЧЛ бош совринини айнан германиялик мураббийлар боши узра баланд кўтарди. Агар, Гвардиола тўхтатиб қолмаса, бу сафар ҳам немис мутахассис ўз жамоасини чемпион қилиши мумкин. Умуман олганда, Тухел жамоага бироз уюшқоқлик ва тартиб олиб келди. Иқтидорли, аммо тажрибасиз мураббий қўл остида, худди шу тарифга мос футболчиларнинг ҳаракат қилиши иш бермади. Тажрибали Томас келиб кўп нарсани ўзгартирди. "Аристократлар" кескин бурилишга қўл урди. Фақатгина бир иш қолди. У ҳам уддаланса, бу бурилиш тарих саҳифаларида қолади.
Рақобатдардош ҳужум чизиғи
"Аристократлар" таркибида ростдан ҳам иқтидорли футболчилар талайгина. Ҳужум чизиғида тенг кучли рақобатбардош футболчиларнинг ҳаракатланиши ҳужумкорликни янада ошириб бермоқда. Зиеш, Хавертц, Пулишич, Маунт, Вернер, Абраҳам, Жиру каби номларнинг ўзи ҳам бу жамоанинг қанчалик даражада ҳужумкорлигини кўрсатиб беради. Гоҳида Пулишич ўзини кўрсатса, Гоҳ Хавертц ва Зиешлар йирик планга чиқмоқда. Маунт деганлари эса жамоанинг ҳақиқий юрагига айлана олди. Вернер эса ҳали тўлиқ ўз функциясини бажара олмаяпти. Шундай бўлсада, натижалар ёмон эмас. Абраҳам ва Жиру бу пойгада бироз ортда, аммо уларнинг ҳам натидаларда ҳиссаси бор. Ҳуллас, таркиб хавас қилса арзигудек. Натижалар ҳам ҳавас қилгудек бўлган тақирда, бу юлдузлар ўз ишини қилган бўлади.
Яна ўша эски номлар
Канте, Жоржиньо, Аспиликуета, Тиаго Сила каби тажрибали футболилар мазкур ўйин услубининг ҳақиқий таянчлари бўла олмоқда. Ҳар доим ҳам ёрқин ўйинлари билан кўринавермайдиган бу футболчилар, аслида майдонда катта ҳажмдаги ишни бажариб беради. Ҳар қандай кучли таркибда бундай совуққон ва тажрибали футболчилар бўлиши шарт, менимча. Аспиликуета каби жонкуяр, Силва каби тажрибали, Кантедайин креатив ва Жоржиньодей меҳнаткаш футболчилар ҳар бир жамоада қадрланади ва "аристократлар"нинг яхши ўйинларида, уларнинг ҳиссаси юқорида номи келирилган юлдузларникидан кам эмас.
Лондоннинг "Челси" клуби узоқ танаффусдан сўнг яна ЕЧЛ финалида ўйнайди. Анча вақтдан буён ушбу клуб бу соврин учун даъвогарлик қилмаётган эди. Улар яна қайтди. Келаси мавсумларда ушбу клубдан ёрқин ва стабил ўйинлар кутсак ҳам бўлади. Боиси, улар бир жамоа ўлароқ шаклланиб улгурди.
Худайқулов КАРИМ тайёрлади
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
