Эртага — сешанба. Одатдагидек, газетамизнинг янги сони сотувга чиқади, обуначиларга етказиб берилади. Анъанага мувофиқ, янги сонимиздан анонслар келтиришда давом этамиз.
Асосан клубларимизнинг мавсумолди йиғинларига бағишланган мазкур сонимизнинг 2-саҳифасида журналист Олимхўжа Бўронов «Футбол фасли» мақоласини тақдим этган. Унда футболимиздаги сўнгги 4 йиллик давр йил фаслларига қиёсланган. Олдинга ўтиб ошкор қилишимиз мумкинки 2014 йил — ҳосиллар йиғиштириладиган куз фаслига менгзалган.
3-саҳифамиз доимгидек терма жамоларимизга бағишланган. Журналист Диёр Имомхўжаев томонидан ёзилган «Абрамовнинг кўнгил кўчаси» мақоласида терма жамоаларимиз бош мураббийининг кейинги икки ҳафталик ишлари сарҳисоб қилинган.
4-саҳифа тўлиқлигича Ўзбекистон кубоги-2012 қуръасига бағишланган. Олимхўжа бўронов томонидан ёзилган репортажда қуръа маросимида қайд этилган ҳар бир ҳолат очиб берилган. Шунингдек, Ўзбекистон кубоги қуръа сеткаси мусобақани кузатиб боришда сизга қулайлик яратади.
5-саҳифада клубларимизга оид янгиликлар ўрин олган. Клублар таркибидаги ҳар бир ўзгариш Бахтиёр Ширинов томонидан тузилган жадвалдан четда қолмаган.
6-саҳифада журналист Бобомурод Абдулла «Матбуот хизматими ёки қўриқлаш хизмати?» мақоласида клубларимиздаги матубот хизматлари фаолиятини таҳлил этган, клубларимиздаги аҳвол илғор хорижий тажрибаларга қиёсланган.
Журналист Бахтиёр Шириновнинг 7-саҳифадан ўрин олган «Фидойилар» мақоласида кейинги беш мавсум давомида 4 ва ундан ортиқ жамоа алмаштирилган футболчиларимиз қаттиқ танқид остига олинган. Ишонинг, ундай футболчиларимиз кам эмас экан!
8-саҳифада Баҳодир Мирзаевнинг Асқар Жадигеров билан батафсил интервьюси, шунингдек мини-футболимиз янгиликлари ёритилган бўлса, 9-саҳифада Шерзод Ражабовнинг Испания кубоги чорак финал ўйинларига бағишланган таҳлили ёритилган, Аброр Қодиров эса Англия кубокларига оид мақоласи билан чиқиш қилган.
11-саҳифа Ҳамза Ёқубов Африка миллатлар кубоги мусобақасини таҳлил этган, шунингдек, МДҲ кубоги якунлари ҳам шу саҳифадан ўрин олган.
12-13-саҳифаларда Осиё ва Европа миллий чемпионатлари натижалари чоп этилган.
14-саҳифада наманганлик футбол ишқибози Носир Зокиров футбол соҳасида қалам тебратаётган журналистларимизга, шарҳловчиларимизга мурожаат қилган. Муқовада акс этган «Барселона»га оид айрим рекордлар ҳам шу саҳифада.
15- саҳифада келаётган келаётган ҳафта анонси, иқтибослар, қизиқарли маълумотлар ва теледастурлар ўрин олган.
16-саҳифада эса сизларни ҳар доимгидек қизиқ маълумотлар, ҳажвия ва латифалар, иқтибослар ва қизиқарли фотофакт кутиб турибди. Бу сафар чиқиш мақолаларини Қаҳрамон Асланов ва Муҳрим Аъзамхўжаев ёзишган.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
